[poem=font="simplified arabic,7,white,bold,normal" bkcolor="darkred" bkimage="" border="double,9,darkred" type=2 line=0 align=center use=ex num="0,black""] ابوناصر عسى عمر ابوناصر طويل=درع جنب الصديق وظله المستديم
تاج راس الصديق وحد سيفن صقيل=وظل راس الرفيق ومزبن المستظيم
بارزن بالمراجل مثل نجم الدليل=صافين للجماعه دوم قلبه رحيم
معلمن باالحميّه مثل نجمة سهيل=مثل شروا ابو ناصر ماتجيب الحريم
جعل من عقبه يسكن بظلن ظليل=يسكن اعلا المنازل في جنان النعيم
يقطف اغلا الثمر من باسقات النخيل=ومشربه سلسبيلٍ في نعيمن مقيم
وملبسه من حر ير ومشربه سلسبيل=ومطعمه من رحيقن شافيٍ للسقيم
يلبس اجمل حلل جنات منج الدخيل=تحت عرش الكرامه من عظيمٍ كريم
شايبن راح عمره نصرتن للخليل=وجمع كلمة ربوعه تحت حكمة حكيم
حرم الله وجهه عن حريق المليل=ونوّر الله قبره عن ظلام العتيم[/poem]
مشعل عسام التريباني الشمري في ٨/٩/١٤٤١هجري