لاتعاتب الصاحب على كل زله

‏‎لا تعاتب الصاحب على كل زله=اسمع وطنش جعل الانذال تفداك

وراع النقيلي كل ماجاك قله=مانيب من يسمع سفاسف حكاياك

وسيفك على الصدقان حذرا تسله=تقعد وحيدٍ ناقلٍ داك برداك

خلك حليم وضيقة الصدر خله=خل التواضع ميزةٍ من مزاياك

والشجرة اللي شوكها دون ظله=تسكن بها رقط الافاعي وتنحاك

وقلبٍ على الادنين يصدى بغله=يبي يورّد صاحبه حوض الادراك

والصبر دربٍ كل شهمٍ يدله=ومن لا سلك دربه تشربك تشرباك

وطبيعة المخلوق تاتي جبلّه=من عند ربٍ عالمٍ في خفاياك

احدٍ وسيع ابطان محدن يمله=مثل الجبل ماهزته هوج الافلاك

شوامخٍ فوق البسيطه مطلّه=يطمح لها بالطيب. مثلك وشرواك

مشعل عسام الغافل التريباني الشمري في 23/11/1441هجري

تســــــلم يابوعبدالرحمن وصح لسانك بحجم الكون
رااائعة وفيها من الحكم والنصائح الكثير
تحياتي لك لاعـــــــدمنا وجووودك.


تم التنســــــــيق

صح بدنك يابوطارق لاعدمتك وجودك يبعدي

يسعدك ربي شاعرنا مشعل التريباني

لاشك يقولون من واخذ رفيقه بكل زله
خلاه الزمن بلا رفيق

دمت وسلمت لاهنت

صح لسانك

شاعرنا الراقي
يعطيك الف عافيه
وتسلم الايادي
ابيات جزله لا هنت

كفو صح السانك مشعل ابداع كالعادة

صح لسانك قصيده ممتازه شكرا

اخواني الافاضل
اخواتي الفاضلات
شكرالكم جميعا على المرور والاطرى لاهنتو

يسلّم منطوقك شاعرنا العذب
إلهي يسعدك دومات يّ مبدع