من شان عينك يهل الدمع من عينـي
يا كثـر دمـعٍ علـى فرقـاك هلّــــــيتـه
مالي حبيـبٍ علـى الغـــايـة يســــلينـي
إلا أنت ياللي ملكت القلــــب وأشقيتـه
ولعتني بالهوى مـن شـان تشــــقينـي
ياما و يامـا مـن الغربــــال عانيتــــه
حبك جرحني عسى ربـي يشـــافينـي
غيرك من البيض و اللّه مـا تمنيتـه
مسكين راع الهوى و الحب مسكينـي
يبـي المروفـه و لكنـــك تحديـتــــــــه
الحب حاديني لك و أنـت متـــــحدينـي
و أمسيت سهران لين اللــــيـل سرّيتـه
كم لي و أنا أرجيك يا شمس المزاييني
اللّـه يحقـق رجـــــــا وصـلٍ ترجّيتــــه
الشاعر حمد المغيولي