لاتنشد ويش قلت ووش يقول

[poem=font="simplified arabic,7,white,bold,normal" bkcolor="darkred" bkimage="" border="double,9,darkred" type=2 line=0 align=center use=ex num="0,black""]
لاتنشّد ويش قلت ووش يقول=ولاتدقق وين راح ووين رحت

كثرت التنشيد تنفاه العقول=وش يفيدك كان للعالم جرحت

لاتفكر بانكر الهرج الفضول=وش يفيدك يوم للعالم فضحت

انت ماكلّفت للعالم رسول=جنّب اعراض الاوادم لوسمحت

لاتفكّر فيك عرض وفيك طول=ولاتضن انك بخلق الله سرحت

خير رجلٍ في غثاالعالم جهول=وانت للحوم البشر كيف استبحت

ارحم الجهال واعف عن الكهول=وادمح اخطاهم وتوجر يادمحت

وسكر اذنك عن مطبطبة الطبول=تكسب الطوله الياعنهم طمحت

حوم في جو المراجل عرض طول=وافترس عوب المراجل يالفحت

اصعد اصعد فوق لاتهوى النزول=وحطّم اوزان المراجل يارجحت[/poem]

مشعل عسام الغافل التريباني الشمري في تاريخ 1443/3/7هـ

تسلم يابوعبدالرحمن وصح لسانك ملاااايييين
رائعة وفيها من الحكم الكثير
تحياتي لك لاعـــــــدمنا وجووودك.

تم التنســـــــيق

ياهلاوغلا مشرفنا الغالي ابوطارق انور المنتدى
صح بدنك لاعدمناك

عشت شاعرنا ابدعت يحفظك الله وننتظر الجديد الطيب

اخوانيالافاضل
اخواتي الفاضلات
صحت ابدانكم جميعا شكرا للجميع على المرور

يسلم ثمك على القصيده الحلوه ننتظر جديدك

يسلم غاليك والشر مايجيك
صح البوح والاحساس غالينا

اخواني
اخَاتي
شكراللجميع على المرور لاهنتوجميعا

صح لسانك ابيات راائعه شكرا

امير الشمال
صح بدنك لاهنت شكرالمرورك

صح السانك اخوي مشعل ولا هنت
جزل من رأس جزل ونصائح توزن بالذهب

احترامي وتقديري
المهيدات