باب الحنين

من أجمل الأماكن في الشبكة العنكبوتية والتي عشت فيها سنوات " منتدى بعد حيي"
هزتني الذكرى ف أتيت محبة ووفاء لهذا الصرح الجميل وإطلالة سريعة
بعد غياب واتمنى ان تكونوا جميعاً بخير وصحة وعافية
وكل عام وانتم بخير




مدخل


رميت لك وردة وطفيّت لك شمع
وخذيت قلبي للغياب ونصيته

لقيت لك بعيوني البارحة دمع
واقف على باب الحنين وبكيته




عمق

ماقلت لي شي وش خليت ماقلته..
أسكت وخل الكلام لجرحي الدامي..

لو غيرك اللي يسولف ما تحملته..
لكن على شان عينك هانت آلامي..

للحب مفهوم عمرك ماتخيلته..
ما أظن يستوعبه تفكيرك السامي..

هذا الفراق الطويل وهذي اسألته..
هذا حصاد السنين وهذي أيامي..

ياما وياما عليك البال طولته..
والعمرعدى وأناعايش على أوهامي..

حتي طريق الفراق اللي تساهلته..
لقيته أصعب على نفسي من أقدامي..

هذا قصيدي بعينك لو تجاهلته..
ينزف على شان يروي قلبك الضامي..

العام طاري غيابك ما تقبلته..
واليوم حرماني أصبح مصدر إلهامي..

لاتعتذرلي وابنسى كل ما قلته..
وش ينفع العذر لا من ضاعت أيامي..

أصبر لي شوي لو دمي تثاقلته..
بحاول استوعب اللي صار قدامي..

الحب ضحكه بعينك بس ما طلته..
عمرك بها الكون شفت ابسط من أحلامي..

ألقلب لو ماخفق لك كان ماشلته..
ولو ما أنت ملهم قصيدي جفت أقلامي.



مخرج

بنتٍ تغزل الحنين بدفتر الذكرى
وانا عن الذكريات وحزنها هارب


ياجرحي اللي قديم ولاتبي تبرى
هذا الرسن من يدين الحلم للغارب



مودتي

ياهلا براق نورتنا حمدلله على السلامه

تسلم على هالرائعه لاحرمنا منك

تحياتي

ياهلا براق نورتنا حمدلله على السلامه

تسلم على هالرائعه لاحرمنا منك

تحياتي

براق أهلاً ومرحبا بالشاعر العذب صاحب الحرف الأنيق
معزوفه رائعه بكل ماتعني الكلمه
استمتعت بكل حرف سطر بإتقان وجمال
صح لسانك لاتحرمنا تواجدك وجديدك
دمت بخير وسعاده

النور نورك جنون والروعة حضورك
لاعدمتك ولاعدمنا الجميع سلمت وسلم حضورك لاهنت

هلابك اكثر استاذنا نايف وتبقى وتحيا
اخ عزيز لاعدمتك وابشر بالجديد باذن الله
سلمت وسلم حضورك لاهنت

تسلم براق عساك للقوه على اختيارك

ممتن ياغفوة
ربي يسعد حياتك

يسلم لسانك براق ونقلك ومنقولك

راائع سلمت يداك شكرا