اهدم سوار التجافي واغتنم فرصة زهيدة
شـوفـتـك مثل الزيـارة للـسـجين الانفرادي
انتي سنيني القديمة وانتي سنيني الجديدة
نـظـرت الام الـولـدهـا نـظـرتـيلـك يا مرادي
باقي اسمك وسط ذهني وباقية ذكرى سعيدة
لو يطول البعد عنك شوقي لك شوق الجيادي
الـتـغـلـي زاد حـسـنـك والـتـدلع هم يـزيدة
لو تـعـذربـك الاودام الـحـسـد بالناس عادي
منتي أول شخص يحسد وانتي الزهرة الفريدة
والله انـك عـن غـيـرك كالـبـيـاض اعـن السوادي
لا قبلتي سحر يلفت لا قفيتي شي سيدة
بـمـشيتك كنك قطاةً تمشي بخفه وتهادي
شي لقيته في خصالك ما قريته في زبيدة
مـا ألـوم عـيـال عـمـك لو يـسـلـون الهنادي
لـو ألـف الارض كـلـه من دمـشـقـه للحديدة
والجزيرة وارض حايل وارض ابها والرمادي
ما لقيت اليشبهونك اشهد انك بس وحيدة
شـبـه وردة نرجسية نابتة باقصى البوادي
وبعد هذا وينك انتي لجل عينك كم قصيدة
صـغـتها لك ثم حفظته مثل حفظي للمبادي
مـاقـسـى مـن غـربة وحيدً عاش بديارً بعيدة
الا غربة شوف عيني عن عيونك في بلادي
فهد صالح الشمري
العرض العادي
