قصيدة مهداة للمشرفة مزون شمر

يلزمني التاريخ واليوم والحال
باليوم هذا الناس زادت طعنها

تدري وش اللي سم بالطعن ياخال
طعنة يمينن كنت ترجي أمنها

هذي اليمين ان طعنتك قول بهبال
ماعدت آمن في شمالي السكنها

ماعاد باقي أمن وسلوم ورجال
والروح باهل الدار تبغي حصنها

بعد ذاك الفقد اعتدت الآمال
وأعتدت ابرى بحلم واسليه عنها

ولّا طموحي تسلية لقلب مامال
للحين اموت بشوق وأسكن كفنها

لا من فقدت الحبّ وش لي بهالمال
وحتى آماني الحين ارجيه منها

يا مزون والله ماني برجال
لو أجهل بْمطلبك وآغض عنها

يا من كلحتي الليل في طرف قتّال
شوفي طعون الشوق جرّت لحنها

سود العيون ان سلهمت ياويل هالحال
شعْرًا وبسمة، الصبح مشتق منها

هذي ثقيلة رزن بالروح تنشال
وهذي جميلة روح والروح منها

لا من ضحكتي قلت ياراحت البال
اتروق الضحكة لأنك ولانها

لانك بنت شمر ونخوه للبطال
هذي بنت عمي والابيات جنها

اتدللي يا بنت ببيات تنقال
هذي لعين مزون يا قلب غنها

يابنت خلي الشوق تحكيه الدلال
دام الجمر قلبي يسولف شجنها












يسعد مساكم
كنت اتصفح بالمنتدى وشفت المشرفة مزون شمر
تبي بيتين شعر لها ماعاد اذكر بأي مشاركة بالضبط
والبنت ما اعرفها ولا تعرفني لكن حبيت أسعدها بخمس تعشر بيت بدل البيتين وترى اكتب مرات ماني بشاعررر
اتمنى تنال إعجابها وإعجابكم
تستاهل


بقلم

أخوكم
عبدالعزيز الشمري

يا مزون والله ماني برجال
لو أجهل بْمطلبك وآغض عنها

ذيب الجزيره صح لسانك
تحيتي وتقديري

تستاهل مشرفتنا مزون
ويسلم لسانك شاعرنا ذيب الجزيره

الله الله عليك وعلى احساسك

الراقي يا مبدع

يسلم قلبك.


ولايامك


السعاده

يالغالي


شكري

وتقديري

صح لسانك يالذيب
لاتحرمنا
جديدك

مودتي

اخوي ذيب الجزيره عساك للعافيه يااااارب
ماقصرت الله يسعدك
والله يطول بعمرك
روعه القصيده
الف الف شكر لك
انا دايم اقول للشعراء اقصدو فيني هههههه
مزوح تجي وتروح

كلك ذوق والله

ذيب الجزيره
الله من التواضع طال عمرك
قصيدة بقمة الروعه والجمال لاتخرج إلا من شاعر كبير وعذب الأحساس
ملك الحرف والإنسانيه والذوق لك الشكر على هذه الحروف ومزون تستاهل الكثير
حرف من مبدع لمستحق ..... اطال الله في عمرك وأسعدك

ماشالله ابدعت بالاهداء يسلم لسانك
تستاهل الغاليه مزون شمر

تقييمي

ذيبنا
صح لسانك وإحساسك إبدعت
وتستحق مزون الأكثر والأكثر
لكن كانت هذا القصيدة متفردة
ولها عدة أفق هذا ما ميزها
صح لسانك كنت مبدعًا أعلاه

تستاهلون العااااافيه يارب
كلكم ذوق
ربي يحفظكم على كلماتكم الحلوه ونذ من طيب اصلكم