أحبه حب ما يوصف , ما ينقـــــاس , بليا حدود

فديت اللي يناظرني بعيــــــن(ن) رمشها ممدود
وإذا ناظـــرت يرخيها عقـــــب ما هو يناظرني

أحبه حب ما يوصف , ما ينقـــــاس , بليا حدود
جمــــال وطبــــع متميز ، بهالثنتين آســــــرني

عقب ماني أنا الصياد طحت وصرت له مصيود
وأزرت كل أفكــــــاري من أحباله تحـــــــررني

أحبه يوم لي يضحــــــــــك ، لا عاذل ولا منقود
له ضحكة لها لـــــــذة ، خصوصاً يوم يقاطرني

أحبه يوم نتزاعل ، ونبــــطي في هجر وصدود
وأرجع له ويتغـــــــلى : ( بعد للحين فاكرني )

أحبه يوم علي يغـــار ويشب وكنــــــــه البارود
وأتأسف وأنا فــرحان ، غرور الكـون غامرني

أحبه لا نطق باسمي بصـــــوته الدافي المعهود
وينسى وش بغى مني يوم أقول : آمـــــــرني

شرى قلبي وأنا بعته بليا صــك , بليا عقــــود
لأني بس في قلبه ولا واحد مخاشــــــــــرني

حسبته حالة وتعدي , وهاليــومين زاد الزود
أنام وطيفه الفتــــان بأحلامي مسامــــــــرني


وسلامتكم
البراق الثبيتي

قصيده روعه للثبيتي
يسلمك ربي نسمات

إنتقاء راقي وذائقه شعريه تختار الأجمل دوماً
القصيدة من الروائع في الشعر النبطي
بارك الله فيك نسمات .... إثراء شعري جميل
دمتي بهذا الحضور الأنيق

نسمات
نفحات إبداع تختلط مع نسيم الصباح
تنسدل من بين يداك..
فاقت الجمال جمالا

تألقتي هنا بالذائقتك المترفة..
فأثريتِ المنتدى كله..

شكرا لك

الله الله عليك نسمات
ذوق من ذوق
ربي يسعدك يا بعد راسي
مشكورة اختي

ذوق من ذوق بس ماحد يفهم
تسلمي نسمات

هلابك نسمات وصح لسانك ولسان البراق الثبيتي مليووون
وأشكرك على نقلها
تقديري لجهودك لاعــــــــدمنا وجووودك.

[blink]تم التقييم[/blink]