هذه مرثيه كتبها اب لأحد ابنائه وهو شاب معاق لا يتعدى عمره 14 سنه توفي قبل 6 اشهر
رحمك الله ياحمد
في يوم طاحت قلوب الناس محروقـه
علم ٍ وصلهم وتل القلـب بقضابـــــــه
جاهم خبر شين هز الـدم بعروقــــــه
قالوا حمد جاه يومـه ثـم علابــــــــه
صاحت حناجر توقْف بس مشهوقــه
والعين تنْزف تنزّل دمـع صبابــــــــه
حتى الرعد خالط اصواته مع بروقـه
هز المدينه وسيـل وادي وشعابــــــه
وامه غطاها سواد الهم مصعوقـــــه
تمسْي وتصْبح وهي للرب طلابــــــه
انه يبارك ويضْفـي تربتـه فوقــــــــه
يبْرد ثرى قبره وتستاسـع اجنابــــــه
والناس ترفع يديها فـوق مشلوقـــــه
تدعي له برحمة الله يحسْن احسابـــه
واختم كلامي واقول الصدر ياضوقــه
من شي جاله ونشّب فيـه مشذابــــــه
العرض العادي
