يا كذبها ابله سعاد

فيه ألم يفرق عن ألم .. وفيه قهر يفرق عن قهر

مســــــــــائكم وصباحكم ووورد ..

كلمــات أعجــــــــبتني عن الفرق الضاله كأن المتحدث .. طفلهـ ..

فماأجمـــــــل برائتها ووصفها أترككم مع القصيدهـ ..!!

يُمـــه...

وين أبوي...؟!

قلتي بيجي بُكـــرة...

وقلتي بيجيء بُكـــرة...!

متى يجيء بُكـــرة...؟!

أنا أعـــرف الصبح يصير هو بُكـــره...!

وكل يوم يجينا الصبح

بس مايجي بُكـــرة...!

الله يايُمه...ياكـــرهي لبُكـــرة...!

صبري قضى يُمـــه

معاد فيني حيل

***** ***** *****

يُمـــه...

من يوم ذاك الصوت القوي...

اللي يهـــز البيت وأبوي ماشفته

صوت أيش يايُمـــه...؟!

سمعت معه صـــراخ...

وصوت إسعـــاف...

وحكـــي وبكاء...!

وأنتي تقولين إدخلي في غُـــرفتك...

ودخلت أنا في غُـــرفتي...

وجلست بلحالي...إلين جاء بُكرة...

وأبوي ماشفته...

سهرانه طول الليل

***** ***** *****

يُمـــه...

سمعت من سلمى تقول...

إن أبوها قال....نوره يتيمة..

طبعاً ضحكت وقلت...

ماني يتيمة...

أُمي معي بالبيت...وأبوي...

يبي يجي بُكرة

بس القهر يُمـــه من سالفة بُكره...!

مدري متى بُكرة...؟!

ياويلي يايُمـــه...!

ياويلي منه ويل..

***** ***** *****

يُمـــه...

صديقتي حصة تقول...

أبوي أنا مقتول...!

طبعاً ضحكت وقلت...

من يقتل أبوي...؟!

قالت لي حصة...

ناسٍ يقولون إنهم

أهل الجهاد...والدين...

وهُم مُسلمين...!

ياهي غبية حيل...

ماتدري إن أبلـــى سُعاد قالت لنا مرة...

(( مايقتل المسلم أخوه ))

وأبوي أنا مُسلم...

والعام حجينا سوى...وزرنا الرسول...

يحليلها حصة...

ياهي غبية حيل...

***** ***** *****

يُمـــه...

من جد ودي أسالك...

أشوف بعيونك كلام...!

وأسمع من شفاهك كلام...!

قولي لي يايُمه...

أبوي فعلاً إنقتل...؟!

إذا اليهود اللي قتلوه...الله يايُمه...

ياهو شرف...!

يحشـــر ورى حمزة...عم الرسول

أبلى سُعاد قالت لنا مرة...

(( من مات مقتول وشهيد... يبعث ورى حمزة...عم الرسول...! ))

ودمه يسيل ..

***** ***** *****

يُمـــه...

بس الغريب... أختي عُهود

سمعتها مرة تقول...

أبوي مقتولٍ غدر...وهو يتوضاء للفجر...!

أبوي ماجوه اليهود...؟!

وشلون يايُمـــه...؟!

معقوله المسلم يقتل أخوه...؟!

أبوي أنا مُسلم..يصلي ويصوم...

ودايم يسولف لي عن الجنه...

ويقول لي قصة مُحمد

معقوله يايُمه...؟!

حلال يقتل المسلم أخوه...؟!

ألله...

ياكذبها أبلى سُعاد...!

قالت لنا إنه حرام...!

بس أعتقد فعلاً حرام...!

وشلون يايُمـــه...؟!

ووش صار بالدنياء...؟!

إلا على فكرة...!

وش معنى يايُمـــه كلمة عميل...؟!

وممكن يصير مُسلم عميل...؟!

***** ***** *****

يُمـــه...

أحس بدمعة عيوني أقبلت...

والعادة يمسحها أبوي...!

هالمـــرة خليها تسيل...

أدري بها دمعة يتيم...

وأدري بعد إني يتيمة...!

أبيها تحرق من غدر في روح أبوي...

أبيهاتكبر دمعتي...!

وتلعن اللي حرمني من أبوي...

تكفين يايُمه...

خليها هالمرة تسيل.. تكفين يايُمه ..!!

لـ عبد الكريم المهنا

تسلم على نقلك
مشكور
حيران

همسات

شكرا لك علي المرور