السلام عليكم ورحمة الله تشرفت بكم يابعد حيي واليكم هذه القصيده لعلها
تحوز على إعجابكم بعنوان((( يابعد حيي)))
[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
سألني وقلت آخذ جوابي من الجمهور= لعله يفيد العاشق المغرم اللي طاح
طريح المحبه والهوى من ثلاث شهور= أنا رحت لولا رحمت الواحد الفتاح
أحس إن في صدري لهب حامي التنور= غريق المحبه لاسفينه ولا سباح
أنا كيف أسوي كان قفابه المظهور= عسى الله يصبرني لوأن الغلاء ذباح
وأنا شوف حظي تالي الوقت فيه قصور= محاصيل زرع(ن) ماتهنابه الفلاح
تهنا به الديان باالموعد المذكور= جلس يبترم بحدود زرعه تقل مساح
غدّت مثل حاله حالتي ضايق(ن) مقهور= أجاوب حمام الورق في عالي الملواح
أنا لوسهرت الليل ياأهل الهوى معذور= مع الحايليه ياهل الخير قلبي راح
ألا ((( يابـعـد حـيـي))) هكاالزول والديكور= عليه الله أكبر نور خده كماالمصباح
وقف قال كيف الحال ياالشاعر المشهور= أنا من حمام الدار ماني من السياح
رديت قلت بخير ياالجادل الغندور= عطتني رؤوس أقلام لكن بدون إيضاح
عنود(ن) على صيد الهواوي تجيد الدور= أنا اللي مهولني قتلني بدون سلاح
طغاء باالحلاء والملح واللؤلو المنثور= جرحني وفرحني ذبحني وهو مرتاح
سحرني ومنكرني تركت خاطري مكسور= تركلي غرابيل الدهر والسنين إشحاح
خذا الحال في بسمه وغنجه وكبر الجور= خذاالصبر مني في نهود(ن)كماالتفاح
وخذا الحسن بأوصافه يشابه بنات الحور= أنا فدوته لكن سببها تروح أرواح
خذا اللي خذا واللي ترك لي يجيه الدور= سقاني ولقـا ني جهنم وسدي باح
يعله بحظي لو يشوفونه الجمهور = مثل شوفتي له يلحقون الصياح صياح
صدوق(ن) بيوق(ن) عاقله جاهله مغرور= قريبه صعيبه كايده ماوراه أرباح
زريفه لطيفه لاخفيفه ولا مطيور = عطوف(ن) هجوف(ن) لينّه قـا سيه مزاح
صحيح الهوى قتال ياحضرة الجمهور= يسقيك من كاسات الأمرار باالمفوّاح
وياحضرة الجمهور ما للهوى دكتور= يداوي جروح(ن) مايداويهن الجراح[/poem]
وباإبداء ملاحظاتكم وتوجيهاتكم يكون الدافع لي للسير نحو الأمام وبدون تعليق أول
مره أدخل أي منتدى أو أكتب يعني إذا فيه غلطه العفووالسلام
وتقبلوا تحياتي الشاعر/ مبارك طناء مبيريك التبيناوي
العرض العادي
