قصيده في امنا الغاليه حايل لعمر البايح

السلام عليكم ورحمة الله وبركاته

هذه القصيده
تخص امنا الغاليه مدينة العز والكرم والتاريخ

حــــــــــــــائل

ولكم مني جزيل الشكر





جيت الجبـال وشاقنـي نظـم الاشعـار
وأستطربـة نفسـى لـبـدع المثـايـل

في دار مـن يكـرم هلـه كـل خطـار
حايـل بعـد حيـي ومـن زار حـايـل

دار<ن>بها للضيف قدر<ن>مـع الجـار
من عصـر حاتـم مايبـي لـه دلايـل

تكتب علـي ظلعـه بشعشـاع الانـوار
يامرحبـاو(welcome) للجنـاب قايـل

يوضي علـي بعد<ن>تشوفـه بالانظـار
كنـه يولـع فــي جبيـنـه شعـايـل

نطقـه هـلا فـي كـل عـانـي وزوار
رمز<ن>لـهـا يبـقـا ولاهوبـزايـل

فيهـا المكـارم شـرط ياهيـه وشعـار
وسام<ن>علي صدره صعيـب المنايـل

فازت بها فـي ماضـي الوقـت وادوار
بعصر<ن>مضى فيـه اكتـراب الحبايـل

يوم العسر سايـد علـي كـل الامصـار
وحايـل تحيـي بعابـريـن السبـايـل

والحيـن مـن زاره يوقـف ويحـتـار
في حسنهـا تأسـره عـذب الخصايـل

وان عاش فيهـا مارغـب غيرهـا دار
حيثـه تسـود الطـيـب ام الجمـايـل

يلقابـه الطيبـه ويلقـا بــه الـكـار
كار<ن>لهـل حايـل بوسـط القبـايـل

تاريخـه المشـرق بطيـات الاذكــار
يصفق كمـا الخفـاق فـي راس طايـل

منبـت رجال<ن>تـدي العلـم لاصـار
فـي ساعة<ن>مابيـن عدل<ن>ومايـل

جالـو وسـادو بالفيـافـي والاقـطـار
ونجـم الثـراء نالـوه ماهـي قـلايـل

اولاد ضيغـم كلهـم نـقـوة احــرار
شيـوخ الجبـل عربيـن كـل السلايـل

شاخو بها في وقت خوف<ن> بلا الشوار
في حـد سيف<ن>فيـه هـول الفعايـل

وسـادو بنجد<ن>يـوم للفعـل معبـار
وعلو علـي عرشـه سنين<ن>زوايـل

ويالله يالمعـبـود يــاوال الاقـــدار
يامـوزع الابشـار بـامـرك فصـايـل

ياسـيـدي ياخالق<ن>نافـع<ن>ضـار
اطلبـك يالمولـى صــدوق المخـايـل

ينشي علـي حايـل ويسكـب بالامطـار
من ساري<ن>بالوسـم جـزل المسايـل

برقه كمـا الشعـاق خطـاف الابصـار
وركـى علـي كبـد السمـاء بالفتايـل

ومـرزم رعيـده فـي سحابـه الاثـار
قـذف المدافـع يـوم صايـل وجـايـل

متقلب<ن>تـحـتـه ربـابــه ودوار
ومتواصل<ن>نـوه صـدوق الهمـايـل

هتانهـا يـجـلا همـومـك والاكــدار
في صبـح ثانـي عنـد وادي وسايـل

تلقا علي البطحـاء مـن المـاء الاحـار
ويصفـاه نسناس<ن>هبوبـه شمـايـل

ألذ مـن ريـق الغضـى واف الاشبـار
اللـي بنالـه وسـط جوفـي دوايــل

وحالي كمـا مـدرور مـردوم الابكـار
رعيـه نواوير<ن>وشـربـه ثمـايـل

وأشف من قطر النـداء قبـل الاسحـار
في ساعة<ن>ليلـه مـن اصبـح زايـل

كنه كمـا الكوثـر علـي الكبـد مـدرار
يطـرد همـوم فـي فـؤادي عـلايـل

منـه ارتـوة قاعـه وريعـه والاقفـار
وايضا<ن>جبلهـا والنفـود المحـايـل

لين السهـل يفـرح بمنبـوت الاشجـار
والظلـع طلعـه مـن جميـع الفسايـل

حتي اختلـط نبتـه بعشبـه والازهـار
واصبـح كمـا السجـاد نقشـه شكايـل

كنه كمـا صـرح<ن> يرصـع بمحـار
لونـه خضار<ن>فـي حمار<ن>دخايـل

ومنبوتهـا شيـح<ن>وورد<ن>ونـوار
وعطـر الخزامـى صيـر الجـو هايـل

وهبوبهاجدي<ن>يـداعـب للاطـيـار
ويلعب مع اغصان<ن>بروضـه تمايـل

مـع الهـوى لاهـب مالـة لليـسـار
والايمين<ن>نـاعـم الـعـود مـايـل

يشبـه بلعبـه قـد مدقـوق الاخصـار
لامـال كـنـه زول عــذب الـدلايـل

يالله تجـل بــه سريع<ن>بالابـكـار
ذي طلبـتـي يالله يــاذا الـجـلايـل

تكرم جبال<ن>جيتهـا بنظـم الاشعـار
وتصبح عروس الكـل مزن<ن>يخايـل


ارجو المعذره عن اي خطاء او نقص

ولكم مني جزيل الشكر والعرفان



منقــــــــــول,








ودمتـــــــم ســـــــالمين,,,,

[align=center]
تكتب علـي ظلعـه بشعشـاع الانـوار
يامرحبـاو(welcome) للجنـاب قايـل



هلا وغلا الغالي رعد حائل منور المنتدى يالغالي ومشكور على القصيده الجزله بحائل
تسلم لنا طال عمرك ولا هنت وصح لسان شاعرها وعسانا ما ننحرم منك يالغالي

ننتظر جديدك
تقبل فائق الاحترام والتقدير
اخوك
نزف المشاعر[/align]

هلا والله وغلا اخوي رعد
منور المنتدى يالغالي
وبها الطله الحلوة
وربي لا يحرمنى من ها الابيات وتسلم يمانك
ويسلموووووووو على ها النقول
اخوكم/
النهايه

[align=center]هلا وغلا مليـــون مليار في اخوي الغالي رعـد حائل منور المنتدى ياحيي اتنت
والله لايحرمنا منك ومن مشاركاتك الحلوه
وياملي على القصيده الرائعه والحلوه
تسلم يالغالي لاهنت ولاعدمناك

ننتظر جديدك
اخوك
¶حائـ§هواوي§ـل¶[/align]

ماشاء الله عليك..رعودي
دائما تأتينا بالرائع والمبدع والجميل..
سلمت أناملك على ماخطت..
ننتظر جديدك..
تقبلي تحياتي..




اخوك ال ساري..