سوالف طفشان لابن غسلان

بسم الله الرحمن الرحيم


قال الاصمعي في كتابه (اخبار البرامكه) كنت جائعا فأشتريت ثريده

(يعني خبز مفتوت بسمن وعسل) وعندما اردت الاكل لشدة الجوع

اقبل اعرابي(يعني بدوي كرتون) يهد الارض هدا فجلس دون سلام

ولا كلام واخذ يأكل والسمن يسيل على ذراعه(ياملا الوجع يالوصخ)

قال فعفت الطعام رغم الجوع من هذا المنظر(بعذرك ياصموع قلبي)

فقلت له اريد ان اغيضه وازعله جدا (خبيل يحسب الكرتون يعافه)

خاصة عندما رأيت السمن يسيل على لحيته ( عساه للسعيره) فقلت

للاعرابي: كأنك اثلتــن في ارضن هشي0000

اصابها وابلن من بعد طشي000

فرد الاعرابي على طول :

كأنك بعرتن في است كبشي000

مدلدلتن وهذا الكبش يمشي000


قال الاصمعي فتعجبت من سرعة بديهته (مادري ان هذا مفعول السمن)

فقلت له اراك تجيد الشعر؟؟

فقال الاعرابي انا بحر الشعر ومحيطه هات ماعندك؟؟

(الملعون بدى يصخن الحين يوم نقع السمن بمعدته) يقول الاصمعي

فغصت في بحور الشعر من القهر فلم أجد اصعب من الواو المجزومه

فقلت له: قومن بنجدن عهدناهم00 سقاهموا الله من النو

فقال: نو تلالا في دجى ليلتن00 مضلمتن حالكتن لو

لو سار فيها سائرن لانثنى00 كطائرن يثنى من الجو

(( الملعون بدل بيت جاب اثنين ماصارت ثريده هذي عصير جذعان))

قال فعلمت انه لاحيلة لي في هزيمته فقلت لعلي استفيد منه في اللغه

(اول الكراتين هذي هم اللي يحكون عربي صح قبل كراتيننا هذي اللي

اسمه صلفاح وشخبوط0 لا هذولا كراتين مال قبل اللي صج كراتين)

فقلت له يااعرابي هل تهمز الفاره؟؟؟

يعني هل تضع الهمزه على الالف في كلمة فأره؟؟

فقال الاعرابي الان علمت انك غبي00 فقال الاصمعي ولماذا قال

ياغبي انا لااهمز الفاره0 قال لماذا قال لان الفاره تهمزها القطه 00

قم احضر بقية الغداء0 (ياملا العزاف لو هو انا أكل سمن وعسل وخبز

كان ربضن على كبدي اسبوع كامل وهذا نصف ساعه وجرشهن)000


وهذا جارنا الشايب ابوعواد عاشقته علهب (العلهب عمرها مابين 40

الى 50 سنه اللي بس تلطخ قواطي المكياج على شدوقه عساهن للتراب)

لكن الشايب مليعين كان مواعده بالزواج اثريه يبيها احتياط ان مالقى

اللي تاخذه يرجع له (يعني مخبأ سوداني من وراء للحالات الاضطراريه)

لكنه خطب هكالجذعه اللي عمرها صغير بس الوجه نعال مقطع ووافقت

له من الموت تدري انها فرصتها الاخيره قبل يروح عنها قطار الزواج

عساه يغرز بطعوس جبه ومايصير معهم سبير بنشر00

ويوم عرفت العلهب انه خطب وعقد على البنت قالت هاه حطن على

الجابوح؟؟ انتم ماتشوفون قصيدي دايم اجيب طاري الجابوح ياجماعة

الربع؟؟ خايف اصير مثل المحرومه هذي اللي ماتهنت بشبابه الزيزفوني0

ولحسن حض العلهب ان البنت هذي هربت عن الشايب عقب اسبوع

وعلى ذمة عدنان الخشرم يقول انه سمع ان مابه خير المريويح00

وهو يزين الهجاء له من عشقته السكراب الاولى ام القواطي وفرصته

تشمت به علشان تبرد كبدها (كبد هالجعل) فقالت قصيدتها العصماء

واللي كانت 50 بيت وعلى ذمة سرحان يقول كمشت القصيده الى ثلاث

بيوت فقط من شدة البرد اللي جانا هالسنه هاللي ماصار عجزنا ندفى

حتى اني لبست بدل الفروه لبست فصل الصيف ومادفيت000

حتى الحيران يقول مات عند اهلي عشر عشاير وضح وتيس اقرن عور

فحل يسوى له عرب من البرد اللي هب علينا وحنا قطين على خب ال[****][****][****]

ايمن من طعوس القمل شمال شارع الخمسين اللي يفتح على دوار البحتري

والقصيده على ذمة الساري هو اللي حافظه كله تقول العلهب:




[poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

وش لون عرسك يابوعواد=عن عرسكم يالغلا قل لي
هو انكسر قيركم من غاد=والا انفرط به رمان بلي
وش به خرب عندك العداد=ومن ريحتك صاحبك ملي
مسمار شاصيك وش به باد=وليش الصواميل تنحلي
ليتك تمشى وسط بغداد=وبنادق الموت تنهلي [/poem]



طويلتن هجينيته المسكينه من القهر0 خاصه انها انقهرت علشان خضاب

صبغت به اصابعه عساهن للمطرقه000


انا قعدت اكتب انتظر الدوام يبدى وهالحين وصل الوقت واللي تجوز لكم

من سوالفي جازت واللي ماتجوز عندكم المساحه حقت السبوره اطخموها

وتالي القصيده اللي يبيها تروها مع منذر قاضبه على صدره000

صباح الخير الساري0

مفعول الدهن شي صراحه شكلنا نبي ندور
على دهن لعل وعسى
هههههههههههههههههههه
الشكر لك ابو الفوز

ههههههههههههههههه
عافاااااااك الله
على المشاركه

وهذا جارنا الشايب ابوعواد عاشقته علهب (العلهب عمرها مابين 40
هههههههههههههههه
علاهب كثرة ياولد
الله يوفقك فواز على المشاركه المرحه

المتألق دائما وأبدا

فواز الغسلان


ما اجمل ما سطرت لنا عساك للقوه

لك الغلا

يعطيك العاااااااافيه
فواز على المشاركه
تسلم اخوي على ماتكتب لنااااا من قصص وحاكايات
واشعار ماشالله عليك

هو انكسر قيركم من غاد
والا انفرط به رمان بلي
وش به خرب عندك العداد
ومن ريحتك صاحبك ملي

هههههههههههههههه
ليت كل يوم طفشان

فواز اشكرك

سلملم

هههههههههههههههههههههههههه

ابو فهد اضحك الله سنك

سوالفك موثوقه لكن الساري ومنذر والحيران وسرحان ماضنتي يمسكون الصحيح ههههههههههه هم ذبحهم البرررررررررررد عجزوا لايمسكون القصيده

بس هالعلهب وينه غديني آخذه مسيار
انتظرك عند دوار التمر اذا تبي تعرفن معي شايب عاض بإفمه شماغه يبي يتزوجه اذا ماعجبتن هههههه

عساك العافيه والله ونستنا معك يابعد حيي

مشكورين يالاخوه على حروفكم الجميله والحلوه00 وانت ياعشوق تبيني اترك لك


العلهب وانا لي حيله بها؟؟؟ عساي للوجعه لو سويته00


تقبلوا تحياتي (((الراوي)))

[align=center]تشمت به علشان تبرد كبدها (كبد هالجعل) فقالت قصيدتها العصماء

واللي كانت 50 بيت وعلى ذمة سرحان يقول كمشت القصيده الى ثلاث

بيوت فقط من شدة البرد اللي جانا هالسنه هاللي ماصار عجزنا ندفى

حتى اني لبست بدل الفروه لبست فصل الصيف ومادفيت000


خخخخخخخخخخ

فواز الغسلان ياخطير رائع رائع رائع جدا"


تحياتي..[/align]

اقتباس المشاركة الأصلية كتبت بواسطة قايــدة الخيــل [align=center]تشمت به علشان تبرد كبدها (كبد هالجعل) فقالت قصيدتها العصماء واللي كانت 50 بيت وعلى ذمة سرحان يقول كمشت القصيده الى ثلاث بيوت فقط من شدة البرد اللي جانا هالسنه هاللي ماصار عجزنا ندفى حتى اني لبست بدل الفروه لبست فصل الصيف ومادفيت000 خخخخخخخخخخ فواز الغسلان ياخطير رائع رائع رائع جدا" تحياتي..[/align]

مشكوره عزيزتي الله يوسع صدرك دائما وابدا00


وانا متحسف على بقية القصيده اللي ضيعوها الشباب اللي مايحفظ00


تحياتي العطره يالعزوه الراوي00

تشمت به علشان تبرد كبدها (كبد هالجعل)




روووووووووعه هالقصص

يضحكن البعارين على قولتهم هههههههه

اخوي فوز مرتن اخرى دور لي

دور بقصصك كود اني

استانس

هههههههه ربي يسعد قلبك مبدعنا ..
فواز الغسلان الف شكر لسموك الرائع..



تقبل مروري..
بقايا حلم..

اقتباس المشاركة الأصلية كتبت بواسطة اجوديه تشمت به علشان تبرد كبدها (كبد هالجعل) روووووووووعه هالقصص يضحكن البعارين على قولتهم هههههههه اخوي فوز مرتن اخرى دور لي دور بقصصك كود اني استانس

اجوديه حنا نبي اللي يوسع صدرك


مشكوره يالعزوه على تعليقك النبيل والغالي000


الراوي00

اقتباس المشاركة الأصلية كتبت بواسطة بقايا حلم هههههههه ربي يسعد قلبك مبدعنا .. فواز الغسلان الف شكر لسموك الرائع.. تقبل مروري.. بقايا حلم..

بقايا حلم الغاليه مشكوره مليووووووووون


اللع يعافيك ويسلم راسك الراوي