انا خلت براقن شعاعه يزيد الشوق

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
انا خلت براقن شعاعـه يزيـد الشـوق=نخيله ركز من وسط غيمه لحـد القـاع
تلاعج بغيمه والهبايـب تسوقـه سـوق=هزيم الرعد يرجف وغيمه غـدا لمـاع
حداها من الشرقي نسيمن وصار طبـوق=هميله لوديـان الخـلا قاصفـن شـلاع
عسى قاعها تخضر ويسكب بها الزملوق=وتكثر مطاليـع الخـلا بـاول المربـاع
تشوف الخزامى في دعوثه غدى له ذوق=تباشر بها بدو(ن) حلاله بقيضـه جـاع
تروج الخبـاري فوقهـا طايرالغرنـوق=على سيله اللي بالخباري غـدى نقـاع
تشوف الكماء يشطب فلوقن بها الرقروق=تتالى مظاعين المواتـر مـع المطـلاع
يسيح الخفوق اللي سهر ليلتـه مزنـوق=حزينن على مال(ن)عزيز(ن) جميعه ضاع
اذا داج مع ريح الخزاما تناسى العـوق=تفوح الخزامى والبختري مـع الذعـذاع
او اللي يبي شوف البداوه وشقح النـوق=شقاحـن غـذاوي لاتهـادا ولا تنبـاع
حدادن نواظرهن بنات الفحـل خـازوق=وساعن مناحرهن شبب والعيون وسـاع
نجايب ولافيهـن شرايـا ولا مسـروق=نشيرن تشوق اللي حياته غـلا الاقطـاع
نحرهن كمالبيبان مع طولـة السمحـوق=ولاناشها وسمن نقـل شـارة المضبـاع
ولاشفت حذوات الهزايل لهـن مطـروق=ولاجيب له ماها خضيضن بوسط شـراع
شدادن محاقبهن طوالـن تقـل زرنـوق=مناجيب شيخن من عتيبه طويـل ابـواع
او اللي وقع مثلي طريحن بوسط السوق=سبايب عنودن فاح ريحـه تقـل نعنـاع
غزالن رمى حالي سهيرن تقـل مفلـوق=اراجي خيال اللي نقوشه زهى الاصبـاع
جمع زين بوصوفه وطيب وحلا منطـوق=وزولن زهى حلو الملابس وزيـن قنـاع
يضيمه حلا ردفن شلع ثوبها المشلـوق=خفوقي من اسبابه بوسط العرب ملتـاع
مع المشي ثوبه ينطوي ثم يصعد فـوق=تشده ردوفن من يشوفه شهـق وارتـاع
صدوقن وهرجه بالهوى صادقن موثـوق=ولامثلها حازت مع الملح زيـن اطبـاع
عيون النداوي لانوى يقطـع المعلـوق=تقفى الحباري له فعولن خبرهـا شـاع
صفقها بكفن شال قلبه وخمـس عـروق=يشادي صواريخ القذايف اليا مـن فـاع
عساها تجي تمشي ويركد حشى المخنوق=واشوفه واحاكيها بموقن غـدى دمـاع
عنودن لك الله مامشى مثلهـا مخلـوق=غنوجن اليا شفته تسولف خفوقي مـاع
نصيبي ترك باب الحبايب معي مغلـوق=نصيبن هزيلن حط كيلي سديس الصـاع
يقولون مطرود الهوى دايمـن ملحـوق=والامثال تخطي لو بعضهـا بصدقـه ذاع
لاني طردته قبل تلبـس جميـل الطـوق=واذا حفتها جتني رماحه مـع الاظـلاع
من اول وحظي بالهوى دايمن مسبـوق=نخيته وداويته واشوفه رفـض ماطـاع
نصيبن عثورن بالمحبه وقـع مطفـوق=كواني بمسمارن جروحه ثمـان انـواع
سلامي على قلبن توسد قسى الطابـوق=يطـارد مراميعـن ولاصابـة المرمـاع
وسلامي على قلبن بثلج الشتاء مرشوق=تمنى ربيع ولا حصـل شوفـة المربـاع [/poem]

عنودن لك الله مامشى مثلها مخلوق
غنوجن اليا شفته تسولف خفوقي ماع
نصيبي ترك باب الحبايب معي مغلوق
نصيبن هزيلن حط كيلي سديس الصاع
يقولون مطرود الهوى دايمن ملحوق
والامثال تخطي لو بعضها بصدقه ذاع


فواز الغسلان

كم انت رائع

شكرا لك

صح الله لسانك فواز الغسلان
قصيدة شامخة تقطر عذوبة ً وإبداعا ً
من شاعر مبدع
شكر ً لك من الأعماق على تحليقك
بنا في عالمك المبهج الممتع

صح الله لسانك فواز الغسلان
سلم بوحك ووجدانك
يالمبدع
ماشالله تبارك الله
ننتظر جديدك
العطر

عيون النداوي لانوى يقطع المعلوق
تقفى الحباري له فعولن خبرها شاع
صفقها بكفن شال قلبه وخمس عروق
يشادي صواريخ القذايف اليا من فاع



رااااااااائع ياراااااااائع
بوح يعبر عن شاعر متمكن
صح لسانك مليار

صح الله لسانك فواز الغسلان
بيض الله وجهك
على هالجزاله
الفائقه

رائع بكلماتك وقوة معانيها
صح الساتك
فواز الغسلان
يبارك فيك

[align=center]شدادن محاقبهن طوالن تقل زرنوق
مناجيب شيخن من عتيبه طويل ابواع
او اللي وقع مثلي طريحن بوسط السوق
سبايب عنودن فاح ريحه تقل نعناع
غزالن رمى حالي سهيرن تقل مفلوق
اراجي خيال اللي نقوشه زهى الاصباع

الله الله

حــــــي هــــالـــوصـــــــــــف

وربــــــــــــي رووعــــــــــه


صـــــــــــح لســــــــانــــــــــك مــــــــلايييييين..[/align]



[align=center]


دمــــــــــت بــــــــــــــود..[/align]

صح الله لسانك فواز الغسلان
بيض الله وجهك

اقتباس المشاركة الأصلية كتبت بواسطة الحيران عنودن لك الله مامشى مثلها مخلوق غنوجن اليا شفته تسولف خفوقي ماع نصيبي ترك باب الحبايب معي مغلوق نصيبن هزيلن حط كيلي سديس الصاع يقولون مطرود الهوى دايمن ملحوق والامثال تخطي لو بعضها بصدقه ذاع فواز الغسلان كم انت رائع شكرا لك

شكرا للمرور والتعليق الغالي وتقبل تحياتي العطره


الراوي00

اقتباس المشاركة الأصلية كتبت بواسطة نواره الوايليه صح الله لسانك فواز الغسلان قصيدة شامخة تقطر عذوبة ً وإبداعا ً من شاعر مبدع شكر ً لك من الأعماق على تحليقك بنا في عالمك المبهج الممتع

الوايليه مشكور وهذا من ذوقك عزيزتي00

الراوي000

ماشاء الله قصيده ابداع في ابداع
ربي يحرسك و يحفظك شاعرنا فواز الغسلان

هلا والله براوينا وشاعرنا
ونبض القصيد
كلمات بقوتها اتت بنا
وبجمال معانيها سحرتنا
رائع كعادتك فواز
اشكرك وصح لسانك

اليك تقديري وشكري

اقتباس المشاركة الأصلية كتبت بواسطة الخلاوي صح الله لسانك فواز الغسلان سلم بوحك ووجدانك يالمبدع ماشالله تبارك الله ننتظر جديدك العطر

الخلاوي تسلم يالعزوه عساي مااعدمك ابد00


تحياتي الراوي0

صح لسانك ابو فهد
وسلمت يالغالي على القصيدة الاكثر من رائعه
الله وصف جميل


[a7la1=FF0000]وسلامي على قلبن بثلج الشتاء مرشوق
تمنى ربيع ولا حصل شوفة المرباع[/a7la1]
انشهد ما اقول الا صح لسانك وحنا افلسنا من الربيع هالسنة لكن الي عند الله قريب
وسلم بوحك