ليت منهو عاقبـن خـط سامـوده
مهرفن محني كما الذيـب لاجاعـي
فوق جيبـن دافعـن كـل منقـوده
اشهبن من جمركه وقـم الارباعـي
زايدن سعره بالاسواق من جـوده
وبالفعايـل نايفـن كـل الانواعـي
ان دعس له طلقتن ثـار بـاروده
وان نخيته فاع مع كـل مطلاعـي
قيمته من وافـي الجـود موجـوده
ويشهد الله ماشريتـه بـلا داعـي
ماترك درب الوعر خايفـن كـوده
عارفن طرق الفيافـي والاسناعـي
والرفاقه ضايـح البـرق ورعـوده
بارقن يوضي ظلامـه بالاشعاعـي
سيلها يرمي مـن الظلـع جلمـوده
عن طريقه يشلعه عشرة ابواعـي
في ليالن ترهب القلب مـن سـوده
موتري يقطع بنـا كـل مرباعـي
ومع طلوع الشمس والبدو مع ذوده
زان كيف اللي شكى شين الاطباعي
راح عن صدري غثى البال ولهوده
حين فاح العشب مع كـل ذعذاعـي
وانتعش جسمن غدى ذابلن عـوده
يوم بانت دار منقـوش الاصباعـي
عندلن كن القمـر ضـاح بخـدوده
حبها لاقصـى المعاليـق شلاعـي
والجدايل فـوق الامتـان مرجـوده
طيفها يودع خفى الـروح ملتاعـي
اجتمع فيها شـذى العطـر ووروده
والحلا مايستـره ثـوب وقناعـي
قطعتينن تجمـع الـردف ونهـوده
كم نصحت القلب عنها ولا طاعـي
ان بغيته كـل الاسنـاع مسـدوده
وانت تركت عيونها خافقي ضاعـي
عفت من حبه هنى الليـل ورقـوده
ترقد عيون الخوالي وانـا واعـي
ماحسبت لنقص الاموال مـع زوده
ولو توسدت الحصى الشين وذراعي
ولاشكينا هجر الاقـراب وصـدوده
مع عيونن زانها الكحل ووساعـي
خطوتي صارت مع الزين مرصوده
لين ذقت بدربهـا كـل الاوجاعـي
ويل قلبن ضايعـن كـل مجهـوده
العرب تطرد هواها وانـا اراعـي
صارت ايامي بالاصبـاع معـدوده
ضايعن عمري وراء شقح الاقطاعي
شااااااااااااااعرنا ابو فهد
صح الله لساااااااااااااااااااااااااااااااانك ملاييين ياشاعرنا الغالي
وعلا شااانك
رائعه رائعه رائعه وفوووق الووصف
شعور جميل بلاشك
نطرب معك دوما يالغالي
لك مني اكاليل الورود
وااااصدق التحاياااااااااااا
دمت بود
اخوووك
سرحان