واوجودي وجد مطلوب في سجنه كفيل

اوسمتي · 07-23-2007, 05:40 PM

واوجـودي وجــد مـطــلـوب فـي ســجـنـه كـفـيــل=واتـصـل بـاقــرب ربـوعـــه وعـيــا يـكـفــلـه
عـقـب عـشـر سـنـيـن بـالسـجـن مـضـهـودن ذلـيـل=ضايـقـن ضـاعــت عـوالـي حـيـاتـه واسـفـلـه
عـقـب مـاهــو عـالـي الـقـدر بـربـوعـــه جـلــيــل=كـل رجــلــن مــن دنـايــاه عــافــه واغــفـلـــه
مـن غـرامـن شـب كـبـــدي عـلـى زيــن الـجــديــل=عـيـن ريـمـن ذارهــا حـس غـصـنـن واجـفـلــه
فـي فـيــاضـن جــاه بـالــوســم مــن مـزنـه هـمـيـل=واخـتـلـط بـالروض ريــح الـخــزامـا ونـفــلــه
شـفـت زيـن الـردف والـعـنـق والـرمـش الـكـحـيـل=رمـشــهـا حـاس الــمــعـالـيــق كـلــه وعـفــلــه
مــن يـضـيـــع بـرمـشـهـــا تـاه لـو عـنـــده دلــيـل=لـيــت قـلـبـــي مـاقــربــهــا وداج بـمــحــفــلــه
دايـمـن رمـش الــعـذارى كـمـا الـسـيـف الـسـلــيــل=شــال شــيـخــان الــقـبــايـل وراهــا زرفــلــه
والـلـه انـي قـبـــل شـوفـــه وانـا عـقـلــي ثـقــيـــل=لـيـن جـانـا جـيـش رمـشـه وطـحـت بـجـحـفـلـه
كـنـت اظـن الـدرب بـالـعـشــق مــمـهــود وطــويــل=لـيــن صــك الــزيــن بــابه بـوجـهـي واقـفـلـه
صـرت كـنــي لـقــمـــة ايـتــام قــدام الــبــخــيــــل=لاكــهــا ثــم اعــتـصـرهــا وبـالـقــاع تـفــلــه

07-23-2007, 09:46 PM

صح لسانك وقلبك شاعرنـــــــا فواز الغسلان ...

يعطيك ربي الف عافية ...

تحياتيي//// دمعة غلا

07-23-2007, 11:50 PM

فواز الغسلان
صح لسانك وسلمت أناملك الذهبيه على ماخطته من كلمات رائعه
يعطيك العافيه وبانتظار المزيد
سهر

07-24-2007, 12:06 AM

شفت زين الردف والعنق والرمش الكحيل
رمشها حـاس المعاليـق كلـه وعفلـه
من يضيع برمشها تاه لـو عنـده دليـل
ليـت قلبـي ماقربهـا وداج بمحفـلـه

ايها الشاعر المبدع
شاكرك ومقدرك
وصح والله منطوقك
يسلم نبضك ابو فهد

07-24-2007, 12:26 AM

السلام عليكم

صح لسانك وسلمت أناملك على الكلام الجميل

تحياتي

07-24-2007, 12:27 AM

فواز الغسلان
صح لسانك ياغالي عزلله وفيت وكفيت وعادتك

07-24-2007, 01:54 PM

صح لسانك اخوي فواز الغسلان

بريح العود احييك .

07-24-2007, 06:59 PM

تسلم يابوفهد

07-24-2007, 08:14 PM

دايمن رمش العذارى كما السيف السليـل
شال شيخـان القبايـل وراهـا زرفلـه
والله اني قبل شوفه وانـا عقلـي ثقيـل
لين جانا جيش رمشه وطحـت بجحفلـه

الله الله الله الله
الله الله الله
الله الله
الله

ياااااا سلااااام يااااااسلام عليك

ابو فهد

سلمت ولاهنت على الجزله

وصح الله لسااااانك ملاااااااااااااايين طاااال عمرك

اطربتنا مع هذي الفاتنه

جوووواهر واحاااسيس مرهفه ودرر

لله درررررك يالغالي

لك مني كل التقدير والاحتراااام

ودمت بسعد لا ينتهي

اخوووك

سرحان

اوسمتي · 07-24-2007, 08:54 PM

اقتباس

المشاركة الأصلية كتبت بواسطة دمعة غلا


	صح لسانك وقلبك شاعرنـــــــا فواز الغسلان ... يعطيك ربي الف عافية ... تحياتيي//// دمعة غلا

دمعة غلا هلا وغلا يالعزوه00

اشكرك جزيل الشكر على تشريفي بمرورك الغالي وتعليقك النبيل المحترم00

تقبلوا تحياتي العطره الصادقه الراوي00

07-28-2007, 02:29 AM

قرأت بوضوح بالغ هذه العذبه ( الرائعه )

بكل اعجاب

.. أقول : رائع..!!

يا سيدي...

تقبل مني ورود المساء..!!

..

تقبل مروري..
بقايا حلم..

اوسمتي · 07-28-2007, 11:45 AM

اقتباس

المشاركة الأصلية كتبت بواسطة سهر


	فواز الغسلان صح لسانك وسلمت أناملك الذهبيه على ماخطته من كلمات رائعه يعطيك العافيه وبانتظار المزيد سهر

العزيزه الغاليه سهر00

مهما كانت روعة القصيده فتعليقك دائما اروع واجمل لدرجة

انه يضفي على القصيده جمالا اضافيا ورونقا جديدا

تقبلي تحياتي العطره لشخصك الغالي00

الراوي

07-29-2007, 01:08 PM

فوازالغسلان
صح لسانك وسلمت يمينك

اوسمتي · 07-30-2007, 10:48 PM

اقتباس

المشاركة الأصلية كتبت بواسطة عبدالله


	شفت زين الردف والعنق والرمش الكحيل رمشها حـاس المعاليـق كلـه وعفلـه من يضيع برمشها تاه لـو عنـده دليـل ليـت قلبـي ماقربهـا وداج بمحفـلـه ايها الشاعر المبدع شاكرك ومقدرك وصح والله منطوقك يسلم نبضك ابو فهد

هلا وغلا اخوي عبدالله00

مهما كانت روعة القصيده فتعليقك دائما اروع واجمل لدرجة

انه يضفي على القصيده جمالا اضافيا ورونقا جديدا

تقبل تحياتي العطره لشخصك الغالي00

الراوي00

اوسمتي · 07-30-2007, 10:50 PM

اقتباس

المشاركة الأصلية كتبت بواسطة الملهوف


	السلام عليكم صح لسانك وسلمت أناملك على الكلام الجميل تحياتي

اخوي الملهووووف00

هلا وغلا والله000 مرورك نبل وتعليقك تكريم وشهادتك تشريف لي ولحروفي

اشكرك جزيل الشكر على ذلك واتمنى لك التوفيق 0 دمتم بود ومحبه0

الراوي00