اختلاف الدويش وبن سويط بلغز الخلاوي وتحكيم بريك الاسعدي

في حدود عام 1195 للهجره نزل الشيخ فيصل ابن سويط شيخ الضفير


على بقعاء في وقت الصيف للقرب من الماء وبقي لمدة ثلاثة اشهر هي ايام الصيف

0 وفي البدايه كره بريك راعي

بقعاء او خاف بمعنى اصح ان يكون هناك مضايقه منهم لاهل الديره بسبب كثرتهم0

الا انه وبمرور الايام اكتشف ان ذلك الظن غير صحيح فقد وجدهم في منتهى الاحترام

والخلق وعدم التعرض لاهل

الديره وممتلكاتهم كما نشأت علاقة صداقه قويه بينه وبين الشيخ فيصل ابن سويط

كما قال بريك:

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

حنا كرهناهم ليالي ورودهم=واثريهم السكر بجوف حليب
تسعين ليله جيرة الشيخ فيصل=تقل ربع يوم مع احب حبيب
عسى طارشن قال السويطي مقفي=عسى ذلوله ماتدب دبيب[/poem]

وعندما قرر ابن سويط الرحيل لم يخبر بريك وارتحل في الليل وعندما اصبح بريك

وجد السويط قد ارتحلوا وكل

راعي ذود عقل بكره بمراحه لراعي القليب اللي كان يسقي حلاله منه0

تضايق بريك وخاف ان رحيلهم ليلا بسبب اذى او اهانه من واحد من اهل الديره

فأرسل اخاه خميس في اثرهم

فلما وصل لهم قال ابن سويط اخبر بريك ان وجيههم مثل بياض الشاش ومادفعني

لذلك الا كراهية دموع الفراق

فرجع خميس واخبر بريك فقال بريك قصيدته المشهوره ومطلعها:

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

شربك قراح الماء مع الناس عيشه=وشمك هبوب الريح والشوف قايد
وقرب حـبـيـبـن من حـبـيبن يسرني=والبـغـض هـذا مـن مـناه الـبـعايد
عــساك يادارن تـــلــم الـــمـرشـــد=تــهــل عــلـيــك المـرزمات الرعايد
على وجــه شــيـخن من شيوخ المرشد=لـهــم بـمــيــلات الـوهـيد العوايد[/poem]

وهي طويله 00

وبعد سنتين جلس الشيخ فيصل بن سويط مع الشيخ الدويش شيخ مطير (ولاادري

بالضبط ايهم) فتذاكروا الوفاء

وجاء الذكر على وفاء الخلاوي عندما اطلق الظبيه لانها تشبه عيون ميثاء عشيقة

صديقه منيع بن سالم والتي

ذكرها الخلاوي بقوله:
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

يقول الخــلاوي والخــلاوي راشـــد=هرج الفتى وافــق قـريـض البتايع
يامــبــلـغــن مــنــي منيع بن سالم=قــديــم الـــســبايا والجيوش القوالع
قل حبايلي صادت عنودن من المها=رباعــيــتــن مــن سايــلات المدامع
وذكرت وصاتـــن من منيع بن سالم=وغيري اليا من جاع ينسى الودايع[/poem]


الى قوله في القصيده عندما قال انه ربما ياتيها وحش وياكلها ( الظبي) فقال في

وصف الوحش هذا:

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

قليل قذى الاعيان لاناش نوشه=من الزاد معتاشن بها غير شابع
يقـعــد بـهــا يومــيــن والا ثلاثه=وخـطــرن بها يقعد الى يوم رابع[/poem]

فقال ابن سويط هذا قصده الذيب وقال الدويش لا هذا قصده الطير 0 فتراهنوا من

فرسي لفرسك واختاروا بريك

راعي بقعاء يكون الحكم00

وهو الطير على كلام الدويش والسبب كلمه وحده وهي ( قليل قذى الاعيان) يعني

الوسخ بعينه قليل وهذا ينطبق

على الطير وليس الذيب0

وعندما جاء المرسول لبريك عرف ان فرس صديقه ابن سويط راح ياخذه الدويش

فلجأ الى خطه ماتضر الجميع

فقال للمرسول باقي بيتين من الوصف وهن :


[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
قليل قذى الاعيان لاناش نوشه=من الزاد معــتاشـــن بها غير شابع
يقـعــد بـهــا يومــيــن والا ثلاثه=وخـطــرن بها يقــعــد الى يوم رابع
محنوني كالقوس من مهرفن به=شجاع من بعض السباع الــهــلايع
عشاه دم الجوف في ليلة الدجى=وشربه من جال الحوض يلقاه ناقع[/poem]

يعني ازاد بيتين من عنده علشان يصير الوصف للذيب بالضبط00

وهكذا صار الوصف ينطبق على الذئب ثم قال للمرسول امسك بن سويط واهمس

باذنه وقل يسلم عليك بريك راعي

بقعاء ويقول لاتاخذ فرس الدويش تراها بوجهي00

وفعلا فهمها ابن سويط وفهم ان الحق مع الدويش وان فرسه ماتحل له وان بريك

فعل ذلك فزعه لصديقه علشان

يفك فرسه 00

وطبعا بعد اسبوع عجز يصبر ابن سويط وهو يعلم الدويش وقال هذي فرسي خذها

لان الحق معك انت0

فقال الدويش مدام بريك قال ان فرسي بوجهه ؟ اجل انت فرسك بوجه بريك عني والله

ماتجيني0000000


رحمهم الله جميعا على هالسوالف الحلوه اللي توسع الصدر000

الله يعطيك العافيه

استاذي الفاضل

فواز الغسلان

على هالقصة الرائعه

والتي تدعو الى الفخر


...... ممكن طلب استاذي الفاضل: اذا ممكن تذكر لنا لمن هذه القصيده وياليت توردها كامله ومنها هالشطر((ياتي زمان بالسجلات ملزوم))


الله يعطيك العافيه

رحمهم الله جميعا

وبيض الله وجهك فواز
على هالسوالف الحلوه اللي توسع الصدر

يامالا العافيه والله يافواز
ونعم ببريك رايع بقعاء
ماقصرت على
السالفه والشهود القصايد

الله لايهينك يافواز
يسلم راسك
على المشاركه

بيض الله وجهك
على القصص الحلوه
ابن غسلان
تقبل التحايا

[align=center]الله يرحمهم جميعا ويسكنهم فسيح جنااااته


ابو فهد

الله يبيض وجهك وسوااالفك تجيب العافيه


يامال الغناة يالطربه



لك الغلا


اخوووك

سرحان[/align]

ماقول الا وفيت وكفيت يالذيب
لاهنت ولا هان غاليك ومغليك

باااااارك الله فيك ـ وبيض الله وجهك على هالمشاركه
الي تشفي الغليل
وتداوي العليل

اقتباس: المشاركة الأصلية كتبت بواسطة اجوديه    الله يعطيك العافيه استاذي الفاضل فواز الغسلان على هالقصة الرائعه والتي تدعو الى الفخر ...... ممكن طلب استاذي الفاضل: اذا ممكن تذكر لنا لمن هذه القصيده وياليت توردها كامله ومنها هالشطر((ياتي زمان بالسجلات ملزوم)) الله يعطيك العافيه

هلا وغلا عزيزتي اجوديه00


ومشكوره على مرورك الطيب وتعليقك النبيل00

والبيت اللي تنشدين عنه اعتقد انه من قصيده ابن غيث الاسلمي يوم يرثي اخوه

ناصر وهي موجوده بهذا القسم شعبيات يالعزوه00

الراوي

ماقصررررت
وفقك الله
يابو الفوز

[align=center]الله يرحمهم ويرحم أموات المسلمين

بيض الله وجهك على القصه والقصيد

دمت ودام قلمك

آآمنتك الله[/align]