ذعاذيـع الشمـال

ذعاذيـع الشمـال

[frame="10 80"]ذعاذيـع الشمـال بعـز ليـلـي هــزت الشـبـاك
تبـي تطـرد هواجيـس الغيـاب وتقطـع أحلامـي

برد صدري وأنا " أشهق " من لقاك و " أزفر " بفرقاك
ترى ما أقسى من غياب الحبايـب .. غيـر أوهامـي

نبت بأرض السنين المجدبة حبك .. وصـرت أهـواك
رضيـت أعيـش بآجمـل ذكرياتـك باقـي أيـامـي

حبيبي لو لقيت اللـي تبـي مـن هالحيـاة .. هنـاك
أنـا باقـي ( هنـا ) ليـن الليالـي تزهـق آلامـي

على بابك وقفت أمـس أبتسـم لـك كنـي أترجـاك
تعيـد اللـي سرقتـه مـن هنـاي إن كنـت قدامـي

مشينـا مـن زمـان .. وقـدر الله ينتهـي ممشـاك
على درب الغياب .. وخطوتـك أسـرع مـن أقدامـي

تجاهلت الوداع .. وقلت لك : ياصاحبي وش جـاك ؟!
ترش الماء على رمضى الطريق .. وصاحبك ضامي !!

حنين اللي نقش إسمك علـى صـدري وخـلا شفـاك
تهجـا مـا يـدور بداخلـي مـن جرحـي الـدامـي

جمعني بالورق قصة وفاء .. عاشـت علـى ذكـراك
طمست إسمك من أوراق القصيد .. وصرت بإبهامي !

أنا الوافي علـى كثـر الذنـوب اللـي تبـي أنسـاك
تحزمـت الـوداع .. وشلـت لـك تذكـار بحزامـي

فمـان الله .. رح فـج الغيـاب ولــوح بيمـنـاك
أبرسـم صورتـك فـي داخلـي وأحييـك بإلهـامـي

جمعنا ماضي الحـب الحقيقـي يـا عسـاي أفـداك
أبيـك تطمـن رمـوش السهـر وتقـولـه نـامـي

فزع بعض القصيـد بهاجسـي مـن هـزت الشبـاك
كتبت آخـر تفاصيـل اللقـا .. وإنقطعـت أحلامـي [/frame]

عبدالله البكر ..

نقل موفق لكلمات عظيمه توحي بروعة ذائقتك..

كلمات تستحق الثناء لما فيه من درر كامنه

سلمت اناملك وطابت روحك الابيه ..



تقبل مروري..
بقايا حلم..

فداع

شكرا لك علي حسن اختيارك

تسلم فداع على الاختيار
صح لسانه الشاعر
عبدالله البكر

صح لسان الشاعر
ولك تقديري على نقلك

رعاااك الله

يسلم من قالها
وتسلم على الاختيار
الذوق

يلبسك العافيع فداع
صح لسانه الشاعر
عبدالله البكر
وسلمت يدك على نقلك هالرائعه

شاكر لكم هالتواصل المشرف
..
...
....

فداع

فداع

تسلم اخوي على اختيارك الرائع
وربي يعطيك الف عافيه

وردة العين