[align=center]اعزائي اعضاء وزوار المنتدى
السلام عليكم ورحمة الله وبركاته
اليكم هذه القصيدة المتواضعة راجيا من الله ان تحوز على رضاكم[/align]
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
المرجلـه ماهـي معاميـل ودلال=المرجله ماكـل شخـصٍ يطولـه
المرجلـه فيهـا قوانيـن وافعـال=ماهـي كـلامٍ بالمجالـس نقولـه
والمرجله ماندركه بكثـر الامـوال=ومايدركه من زان شكلـه وزولـه
صدقٍ وزين نيه ومواجيب وافعـال=مثل الجبل راسي بعرضه وطولـه
والسر بقلبه لـه مفاتيـح واقفـال=لاضاقـة الدنيـا بربعـه عنولـه
حشمة رفيقه فوق راسه له عقـال=صادق صدوق بكل فعلـه وقولـه
بلسم رفيقٍ صابتـه ضيقـة البـال=يابو سعد هذي صفـات الرجولـه
ولايهمن اللي نظرته ثوب وعقـال=وكـلٍ بعقلـه مرضياتـه عمولـه
حيث البشر تخطي على كل الاحوال=زله وتنكـر كـل مزايـا فعولـه
ادمح خطاه عشرٍ وعشرين بالحـال=والعشره الزينه صعيـبٍ حصولـه
تطيح بناسٍ شوفتـه تشـده البـال=مصلحجي ماداجوا النـاس حولـه
يفرح ليا منـه لقـا فيـك مدخـال=طبعه خسيـس وبالغـدر صفقولـه
والا بخيلٍ ضرس عالـي ودجـال=وقت اللزوم تشوف مفاحط نعولـه
والا بلوس ينشـر العلـم بالحـال=اكلـت مـن زاده دجـاجٍ وفولـه
والا حقود يفرحـه طقـة الجـال=والكلمـة الزينـه حـرامٍ يقـولـه [/poem]
العرض العادي
