قصة الشلقان الخالده(شيلة خويهم المكسور)

[align=center]قصة الشلقان الخالدة

الشلقان فخذ من قبيلة شمر وسبب تسمية الشلقان بهذا الاسم (((اتى اشخاص بالقرب

من بيت سالم القاضي ووجدوا بنته مع الغنم واخذوا تيس من الغنم بالقوة وقالت لهم

بنت القاضي :روحوا لبيت ابوي يكرمكم ويذبح لكم احسن من التيس فضحكوا

متهكمين ورفضوا ذلك وذبحوا التيس امامها وشقوه من الحلق الي السر لتخبر ابوها

بتحديهم له وذهبوا وعندما أخبرت والدها بذلك تبعهم وكان كبير السن واعرج .

واختبأ يراقبهم حيث انهم كثيرين وهو لوحده .فكانوا ويتسامرون ويضحكون قائلين

(بربر ياتيس القاضي) وعندما ناموا وثب القاضي على كبيرهم وقائدهم وكتم انفاسه

ونحره من الحلق حتى اسفل السرة((كما فعل بتيسه)) حتى تأكد من موته وتركه وفي

الصباح وجدوا زعيمهم مقتول وقالوا : من نحره هكذا (وباللهجه العامية من شلقه؟)

وقال بعضهم : شلقه الشلاقي . واشتهروا بهذا الأسم حتى يومنا هذا ....)))

ونعود للقصةالتي اشتهر بها الشلقان وخلدها الشعراء من شمر وغيرها:

فقد غزوا الشلقان بقيادة الشيخ عبكلي بن فالح :والد الكاسب أمير الشلقان

حاليا.وكان معه /غريب بن معيقل( وهومن الفرسان المشهورين وله قصص كثيرة)

وشحاذ بن مخيمر وجفران بن مخيمر ومشوط بن مخيمر وثنيان بن معيقل ومشاري

بن مظيهير وحسن بن مظيهير وبناخيهم /مجيدع الربوض السلماني

وكانت القصة مابين عام 1303هـ -1315 فالتاريخ ليس دقيق فقد أخذوا إبلا من

إحدى القبائل شرق العقبة (الاردن) بمنطقة جبلية تسمى صرغ.وأنهزموا تحت جنح

الظلام ولحقت بهم القبيلة ومن معهم وكان عددهم يتجاوز المائة فارس أما الشلقان

فكانوا 8 والتاسع مجيدع وتركوا الابل التي اخذوها واصبحت المعركه دفاعا عن

النفس وكما يقول اهل البادية(هوش ساقه) وكسر مجيدع في المعركة واحاطوا بهم

لكن الشلقان لم يتراجعوا واضطرشيخ القبيلة ان ينادي بهم ((ارجعوا برقابكم)) وهذا

النظام في البادية يسمى ((المنع)) أي حقن الدماء ومصادرة السلاح ومايركبه

الخصم.

وقد أستسلم الشلقان لقلة عددهم (فالكثرة تغلب الشجاعة) وبعد أن عرفهم شيخ

القبيلة تحسر قائلا: لو نعلم أنكم الشلقان لقتلناكم ولم نمانعكم (وذلك لوجود عداوة

سابقة حيث اخذوا منهم ابل في السابق) وأخذوا متاعهم وتركوهم في الصحراء بلا

طعام ولاشراب وقالوا لهم موتوا من العطش ولولا عهود البادية لقتلناكم) فقاموا

بجمع الاشجار وعملوا نعش للكسير مجيدع ورفض ذلك قائلا: الموت اقرب لي من

الحياة فاتركوني وأنجوا بانفسكم حتى لانموت جميعا ولم يلتفتوا لكلامه وحملوه

ونقلوه لمسافات طويلة وذلك من العقبة حتى وصلوا الجوف ولمدة خمسة عشر يوما

سيرا على الاقدام في الصيف الحار فيحمله مجموعه لمسافة وتناوبهم المجموعة

الاخرى حتى وصلوا فأحدهم سمي (أبو عقبتين :ولاأدري أيهم) وذلك لانه يرفض ان

يبادله احد حتى يجبروه على ذلك.

وقد تجلت أجمل صور الايثار وأصالة المعدن فيهم جميعا ففي الطريق اصطادوا

جربوع وشووه واعطوه اصغرهم سنا (شحاذ بن مخيمر لرفض الجميع اكله وترك

الباقين جياع .

وقد حفظه في حزامه واخرجه بعد وصولهم للجوف قائلا: لاتحسبوني أكلت الجربوع

وتركتكم تتضورون جوعا.

وأما غريب بن معيقل فقدكان يبحث عن الماء وكانت المنطقة دحل ووجد ماء بينما

زملائه ينتظرون العصر ليتبين علامات الماء وبشرهم بالماء وقبل وصول الماء

اوقفهم قائلا :أنظروا للأثر فلم اصل الى الماء ولم اشرب حتى تشربون وكانت

الارض رملية ورأوا أثره لم يصل الماءومنذ ذلك الحين اشتهر الشلقان بالخوة وعدم

ترك الخوي مهما كانت الظروف.

وقد كافأهم بناخيهم الكسير مجيدع الربوض السلماني الشمري بهذه القصيدة:[/align]





[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

البارحة عن لذة النوم سهار =بأيسر صرغ لاجاه وبل الشخاتير
في ديرة مازان به نبت الاشجار =ولاقيل به غرز العشاير مخاضير
من خلقته ماشيف به النزل دوار =ولاصاربه سود المباني مقاطير
عسى ألياجاء طارش الوسم مبذار =يخطي جنابه ماتجيه القواطير
غرنا على البل فوق عدلات الازوار =حيل عليهن قمشهن واصلهن دير
وجنناه من خشم الزمل حث الاوبار =حمر(ن)وصفر(ن)وفاصلاته مغاتير
ولجن حيارينه على فج الاسفار =أرزام مزن فايضات حوادير
ولحقوا هل البل فوق قحص الامهار =خيل تفاهق روسها كالخنازير
أول بغونا طفحة قبل الأفكار =وغصب خذواعن تالي الجيش تشطير
بساع سريع يالدعيجات حضار =تطابقوا بقفوش حدب المناظير
خمننا واقفن مع الحزم صدار =وحصل لهن من صافي الملح تثوير
وكم واحد من ضربنا طاح ماثار =لجن عليه مخوتمات الدواوير
وبسهلة يالربع أنا شفت ماصار =عليه من الدم الحمر له شخاتير
وسحابة طشت على القاع نثار =خرفية دلت تجدع مسامير
وهلت وطاح بماطره خيل وبكار =وغدابه من الدخان والدم تيسير
ربع بغونا طفحة قبل الاشوار =ياما جبرناهم على المنع تجبير
حناوردنا مار ماقفونا أصدار =وهوش بقل ماتجيبه مقاهير
وحنا ربيع وشورنا بس مشوار =والسيف مايقطع بليا شوابير
ومشيك ضعيف هوسبب جعف الاوثار =ياعاد مابطرافهم شور ومشير
اليا عاد ماأنت لزام الجع قهار =تعزل كمينه عن شذا القوم وتغير
والقل مايدي حسيب اليا ثار =والكثر تاكل به قصار المناقير
قبل امس وأنا للمناعير سبار =واليوم يامشكاي للرجل مادير
وقعت بماقع من وقع به ماثار =كسرن حدا الساقين غدا شنانير
يلعنك ياحظ وقع عقب ماثار =فزيت له بالليل واصبح معيثير
قلت أرشدوا حقي من الاخره صار =مع السلامه ياحماة الظاهير
قالوا علومك مالها عندنا كار =هي نيتك ولا تقوله مصاخير
أركب على المتنين عدك على حصار =أركب علينا كفيت شر العواثير
وركبت فوق أثنين وأثنين حظار =غدوا لي اقران تقل حطحطة ظير
واليا أوجسوني من الشيل جظار =صفوا أخطاهم لي هون بتقصير
وفكرت بدم وجيههم كيف ماغار =تقل بدات للمصنع مسايير
وحفايا بالقيض جهيل وصغار =وشلون لوعقيلهم لي حواضير
وخمسة عشر ليله على الوجه عبار =متمركي من فوق روس المناعير
مع سهلة العوجاء مطابيق وادبار =تفل حيل مهاوزات البواكير
عفية خوالي مابهم صنع شبشار =حصن تشابا ماضي له مغاوير
خوالي اللي مابهم ولد نجار =ماضاق مذهبهم بدوٍ سمادير
شحوا براسي يوم ضيعات الابصار =زمل التخوت مسهلات الحوادير
معهم هديب الشام شيال الاقطار =زود على حمله نقل حمل مادير
تراالياجاد أول العش مابار =لازم من التالي تجيله نوادير
ونحمد اللي زينه والي الاقدار =ذبن من الجمه على ملفظ البير
ولابد ماتبقى مع الناس تذكار=والفعل فعل الله حسين التدابير[/poem]


[align=center]وفعلا بقيت تذكار مع الناس والطيب مايضيع وهذي ابيات لي انا في مدح طيب الشلقان

وهي قليله امام طيبهم ومراجلهم الشهيره000[/align]


[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

انا البارحه جسمي تململ مهـو مرتـاح=سبايب بروقن في ضحاحه تزيد الشـوق
تخايلـت براقـن يشـوق النظـر لا لاح=وتذكرت لي ناسن مقامـه بقلبـي فـوق
دعوج الشرف سارو بدرب الفخر مسراح=هل الجود شلقان المراجل كعـام البـوق
زبون الضعيف اللي شكى له حلالـن راح=حزينن سهر ليله علـى ذوده المسـروق
لك الله فلا يهنى الشلاقـي لذيـذ مـراح=قبل يضحك الناخي ويشرب حليب النـوق
وهذا ثويني عقب سهـره رقـد وانسـاح=رجع له حلاله والمعـادي قعـد مطقـوق
صوارم عبكلي مثل طيرن نظـر ملـواح=وميـاح راع الديـن والموعـد الماثـوق
وكاسب لبيبان المضايـق غـدى مفتـاح=عيون اشقرن صيده بكفه وقـع مشلـوق
ومعهم دليل الحرب شوره تقـل مصبـاح=غريب بهداتـه خصيمـه يـذوق العـوق
وفرحان ذيب الغدر لا هـد مـع شـولاح=وشحاذ وثنيـان زبنـك بوقـت الضـوق
وشيلة مجيدع يوم جاه الصـواب وطـاح=بقيضن لهيبه يقطـع القلـب والمعلـوق
نخى اللي بلا نخوا تـداري رفيقـن نـاح=حظيظن مع الشلقان رجلن وقع مصفـوق
وصاحوا سباعن بالمراجل غضبهم فـاح=تشادي عوا ذيبن يهـرول بـدون وفـوق
وشالوه مع دو(ن)لوسط الحشـى ذبـاح=صحاصيح بر(ن)مادهج جالهـا المخلـوق
لفحهم سمومن لاهبـه يجـدع السـراح=جياعا بقاعن مالقـوا بـه لذيـذ الـذوق
على المتن فوق كتوف ربعي خذا مشواح=اسابيع مايسمع سوى حالـي المنطـوق
لك الله فلا يقوا علـى وصفهـا القرقـاح=ولا احدن فعلهـا لاثقيلـن ولا مطفـوق
وخشمان مع عارف فعوله شعاعـه بـاح=رجالن بواريده جحيمـن يشيـل عـروق
وسلطان خلا الورع دمـه جـرى سفـاح=ومن كف ابن داثان خصمن وقع مشنـوق
وميقاف ابن حشاش صعبن على المـداح=وترجيع ذيـدان الرفاقـه وفـك الطـوق
فعولن تعرفه كل شمـر بـدون ايضـاح=ومجدن على كبد المعادي غـدى خـازوق
سمع به بعيد الناس والحضـر والفـلاح=ومن عاش بالوادي ومن داج وسط السوق
تواريخهم صـارت تتالـى تقـل مسبـاح=بنوها بيمناهـم مراجـل مهـي طابـوق
هم المجـد والتاريـخ والنـار والقـداح=هم السور للمكسور وسط الظلام شـروق
دعوجن سيوفه جرحهـا يبحـل الجـراح=وعطر الفخر كله علـى طيبهـم مدفـوق
هم الجود بالموجود طيبه تقـول وشـاح=هم المجد وردة نجد طيبه مهـو مسبـوق
ومن بان بالعدوان غصبن رجـع وانـزاح=هم العون للمسجون واللي وقـع مفلـوق
هم الزبن وقت الغبن للي شكى الوحـواح=هم الهزم كان الخصم قرب ينوش المـوق
غدو شوق غرنوقن نهـوده تقـل تفـاح=غدو طوق قفو النوق تتلي ضحاح بـروق
مطانيخ قفو الشيـخ ترسـي ولا تنـزاح=صواريم ترفع ضيم من بالقهـر مرشـوق
رجالن مقاربهم هـو الكسـب والمربـاح=على مدحهم جبنا حلا القـاف والطـاروق
سلامي على الشلقـان ماذعـذع الاريـاح=وماشيف بخبوب الرضم يانـع الرقـروق [/poem]

ونعم فيهم
وفيك فواز الغسلان على التوضيح
صار الحين مثل بدول الخليج
كلها

بيض الله وجهك على الحقيقه
والقصه كامله
ماقصرت ياسنايدي

[align=center] صقر الشمال000جابر شمر


كل الشكر والتقدير لمروركم الكريم الغالي[/align]

ياعساك تسلم فواز الغسلان
على التوضيح والمشاركه
الطيبه

اقتباس: المشاركة الأصلية كتبت بواسطة عاشقة طلال    ياعساك تسلم فواز الغسلان على التوضيح والمشاركه الطيبه

[align=center]
شكرا جزيلا عزيزتي عاشقة طلال لاهنتي يالعزوه

تحياتي العطره00[/align]

مشكور اخوى ..

وانا صرااحه ادور اشرطتك؟؟ هل من جديد اخوى وكم شريط نزلت ختى الان؟؟

اخوك ابوفرح

اقتباس: المشاركة الأصلية كتبت بواسطة ابوفرح15    مشكور اخوى .. وانا صرااحه ادور اشرطتك؟؟ هل من جديد اخوى وكم شريط نزلت ختى الان؟؟ اخوك ابوفرح

هلا وغلا اخوي ابوفرح ومشكور يالعزوه00

لي خمس اصدارات بالسوق والخامس نزل قبل اسبوعين0
تحياتي لك00

[align=center]ونعم فيهم جميعا


ولاهنت يابو فهد على السالفه والقصيد

والتوضيح يامال الغناة يالطربه



لك الغلا [/align]