سلطان الادغم السبيعي يشتكي الشيب

[align=center]





سلطان الادغم من قبيلة سبيع فارس مشهور وشجاع وله سيره ظاهره لدى من

يهتم بتاريخ الجزيره العربيه وقد جاور الاسلم فتره من الزمان000

وبعد ان كبر سنه وشاب وجد من الناس عدم اهتمام مثلما كانوا بحاجته في شبابه

فقال مخاطبا ابنه ناصر:[/align]


[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

الـيـــوم يـانـاصـر غـــزا شـاربــي شـيــب= مـــن عـقــب مـاكـنـه جـنــاح الـغـرابـي
عـقـب العـلـوم وعـقــب ذيـــك التعـاجـيـب= الـيـوم عـــود وفـــي مـروفــة احـبـابـي
يـامـا رقـــيـنـا فـــي طـويــل الشـنـاظــيــب= دلـيـلــة للهـجــــن خــضــع الـرقـابــي
ويـامــا جـذبـنـاهـن لــــدار الأجـانـيــب= بـرهــراهــة يــزمـــي وراه الـســرابــي
وان وردوا رس قــلــيـــل الـمــشــاريــب=وردتـهـــن عـــــد بـعــيــــدن وغــابـــي
أدل مـــن مـشـقـاص هـــدف الـعـراقـيـب= لاوردت حـــــوض مـقــفــدات الـعـقـابــي
وان لـحـقـت الـفـزعـات مـثــل العيـاسـيـب= والـجـيـش خــــف ولابــــزاه الـتـرابــي
اردهــــا لـعـيــون زيــــن التـعـاجـــيـب= وأخـــرب الـفـزعـه بـضــرب الـصـوابــي
واقــدم عـلـى حــوض المنـايـا الــى هـيـب= وان هـابــوا الـرديـان مـانـيــب اهــابــي
والى رزقــنــــا الـله بـكــارن عـيــاديــب= اعـطـيــه للي مـــن ربـوعــي هـقـابـي
ولانـيــب دعـــبــول هــروجــه ربــاريــب= شـره عـلــى ربـعــه غـضـيـر الشـبـابـي
شــري عـلـى الفـزعـة بـكـثـر التـصـاويـب= وأثـنــي الـــى نـــار الـذلـيـل الـرعـابـي[/poem]


1- الرس البير قليل الماء وعكسه العد كثير الماء00

2- مشقاص هدف العراقيب يقصد ابرة البارود اللي تطق الرصاصه لانها موزونه

على وسطها ماتخطيها وهدف العراقيب يقصد البواريد00

3- الدعبول اللي هروجه وسط0

4- الرعابي الخواف اللي يرتعد من الرعب00

[align=center]قصيدة جميلة جدا

صح فكرك يا راوينا وأستاذنا فواز

والله فيه ناس حرام فيهم الشيب

ولكن هذي سنة الحياة!![/align]

شكرا لك فواز

عساك للقوه فواز لعدمناك على هالمشاركه
الطيبه

الله يعطيك عافيه فواز الغسلان
مبدع دائما بكل شي
يرعاك الله بحفظه

يالله حسن الخاتمه
الناس مالهم خاتمه
باخر العمر الكل مايجيك ولا يبيك

بارك فيك فواز الغسلان

[align=center] الاخوه والاخوات اعضاء منتدانا الكريم000

لقد اطلعت على تعليقاتكم الكريمه وتشرفت بمروركم النبيل يالعزوه00

اشكركم جزيل الشكر على مشاعركم الكريمه والغاليه00

تحياتي العطره لكم000 الراوي[/align]

[align=center]عزااااه غدى عووووود

هذي الدنيا مابه احد ياخذ زمانه وزمان غيره


ابو فهد

لاهنت يالطربه على السالفه الطيبه

الله يسعد قلبك يالغلا



تقديري[/align]

بعد حيي فواز
ماقصرت
عساك للقوه فواز لعدمناك

[align=center]شاعرنا وراوينا الرائع

لاهنت على السالفه والقصيده

دمت ودام قلمك

آآمنتكـ اللهـ[/align]

فواز الغسلان
كم انت رائع كل الشكر لشخصك الكريم

ومن قصصه الفارس الشيخ سلطان بن سطام الادغم
الملقب بالكامل في قبيلة سبيع
أنه ورد على بئر ماء ومعه احد افراد جماعته شاب وسيم لكنه
لايعتمد عليه شخصيه فقط وهرج
فوجد عليه فتاة كانت قريبه من الماء فطلب ان تعطيه ماء هو وصاحبه
فأعطت الشاب في قدح
وأعطته في الفراشيه الذي يستخرج الماء بها من البئر
وكان كل ما اراد يشرب منها نثرت الماء عليه
فقال : للفتاه منتقدها لماذا عطيتي الشاب في القدح وانا في الفراشيه
فقالت الفتاة : شايب ونفسك عيافه
فقصد الادغم
يابنت والله مابهرجك خمالى
,,,,, وانحاس بالى يوم طريتى الشيب
والشيب هو قبله وجيه الرجالي
,,,,, فحول الرجال اللى تسموا على الطيب
كم أشمطن لاهاب بعض العيــالي
,,,,, يارد على حوض المنايا لياهيب
وخطو الغليم لو بوجهه جمالى
,,,, يجيك دعبولن هروجه رباريب
كباي لكربت عليه الحبالي
,,,, نقاز في وجيه الدنايا الاصاحيب
يابنت ياللى مثل وصف الغزالي
,,,, يا أم الجعود اللى تنثر على الجيب
إنتي من اللى يبعدن المفالى
,,,, شقح البكار اللى زهن بالدباديب
والامن عوس الغنم الطفالي
,,,, صفر العيون اللى يفرسهن الذيب

فلما سمعت ذلك أسفت على مابدر منها وقاطعته بان لايكمل فقال

خوذي كلامن مثل نقد الريالي
لابه عذاريبن ولابه شواذيب