يابنت يكفـي دخيلك لاتبوسيني

[frame="10 80"]يــابنـت يكفـــي دخيلــــك لاتبوسينـــــي
خــــــلاص يكفي ترى مليـت مشكـــورة

وش لك بخـــدي يابنت النـاس فكينـــــي
عندي طــريقة وهي مـــاهيب محظـورة

نامي على صدر ابوك وحـــيل ضمينــي
لو تصبح عظام صـدري منك مكــسورة

انتي أســـاســــــاً مكانـك فـي شرايينـي
مشـــــــاركـة بالمحبـة والغـــــــلا نوره

ولاهي غريبـــــة علـى مثلـك تحبينــــي
لاني أحبـــك وانــــــادي دوم عصفـورة

يابلسم جـــروح ابوك وفرحــــة سنينـي
يامن لها بالضلوع وخافقـي صــــــــورة

أهـــديت غيرك كلام رويشــــد اعفينــي
وانتـــــــي لـك بذمتـي درة وبلــــــــورة

امـــوت في ضحكتك وانتـي ذبحتينــــي
بلشـة .. عنيدة .. وكتكوتـة .. وشطورة

أن جيت اريّــــح وانــــام الليـل توذينـي
متسلطنـــة تضــــرب الجـدران بالكـورة

تلــــعب على عينـي الكـورة تورينـــــي
والله ولا سامــــــــي الجابـر وجمهـورة

واليـــــا بكت تنقلـب عنـدي موازينــــي
دنيـــــاي من دمعها وأن سال مذعـورة

كن الــــــزلازل بصـــــدري والبراكينـي
قامت تفجر وكـن الـــــــروح مخطـورة

واليا ضحكت قـــلت أنا بالسوق بيعينـي
لو كان ســـعري ثلاث ريـال معــــذورة

والله ما أحسد على ضحكك سـلاطينــي
اموالهم في بنـــوك جنيـف محشـــــورة

انتي حيـــــاتي وعمري شمعـة سنينـي
ودي اشــــوفك اليــــــا شيّبـت دكتـورة

ادواي لاجيت لك تعـــــبـاااان ضمينــي
الوصــــفة اللي تـرد الـــــروح عبـورة[/frame]

الشاعر
فيصل العتيبي

صح لسان العتيبي
وسلم قلبك على نقلك
ولاهنتى

تقديري

اختيار رائع

شكرا لك

انتي أســـاســــــاً مكانـك فـي شرايينـي
مشـــــــاركـة بالمحبـة والغـــــــلا نوره

صح لسانه العتيبي
وتسلمي علىاختيارك الذوق

يسعد لي كل من مر من هنا
لاهنتم
الله يسعدكم

عتيبيه وافتخر

الله يعطيك العافيه يالغاليه على نقلك للقصيده الرائعه
صح الله لسانك و لسان الشاعر فيصل العتيبي


في انتظار جديدك المميز دوما

وردة العين