[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
على جال البحر والسيف على شاطي العزيزيه = قبل لحظة غروب الشمس قبل لاينطفي نوره
على ذيك الصخور اللي تحضن الورد في فيّه = على ذيك الرمال اللي تلامع در بلوره
وطت رجلي كذا فجأة بلا مقصد ولانيّه = او انه يمكن اقداري تسوق الروح مجبوره
لمحت البدر قدامي زهى خمسة عشر ضيّه = نسيت الناس من حولي على تشريفة حضوره
وشفت اوصافه النجلا..طلايع حسن نجديّه = وعيونه (نجمتين وتاج) عقيد بصف طابوره
ورمشه مؤتمر طاغي يضم احزاب نازيّه = انا اشهد لانوى فيني يطوعني تحت شوره
وحزب البعث في صدره نواها حرب اهليّه = يمين (قصّي) يسار (عدي) تمرد واعلن الثوره
وخصره (هتلر النازي) بـ باكوره وكوفيّه = وردفه (روميل الثعلب) بكوفيّه وباكـوره
وريقه من نهر دجله زلال وعذب في ريّه = وخدّه ورود بستان ن لها ايام ممطوره
كذا كله على بعضه شبيهة وصف حوريّه = تبارك جل سبحانه خلقها واحسن الصوره
في منهو انزل الآيات مدنيّه ومكيّه = فلا عيني رأت مثله تفوق الشعر وبحوره
ومصيبه جيشي اشعاري وقيفاني بدائيّه = ومن اللي ينطح الغازي بقوافي شعر مكسوره
توكّلت ونويت اقرب ولو قربي بدا سيّه = طلبتك يالله الرحمه عساها ذنوب مغفوره
وقربت وماتت اللحظه ومالت بي خطاويّه = توقّف عقرب الساعه بلحظة صمت مقهوره
فركت ايديني وسلّمت..سألت الاسم يابنيّه = منى..سلوى..رنا. .فدوى..هنادي...نوف او نوره
تبسّم هز لي راسه وقال لاذي ولاذيّه = انا اسمي ياولد ازهار وصعبه تقطف زهوره
توكّل روح ياشاعر دروب الحب مو ليّه = كذا طبعي واسلوبي ولو بتقول مغروره
وبعد اخذ وعطا معها...ايجابيّه وسلبيّه = وكر وفر...صد ورد...عدلي..وظلمه وجوره
نويت ارحل وقبل لاارحل طلبته بكل حنيّه = ابي اوصف لك عناويني لعل الوقت له دوره
انا وسط (الخبر) ساكن بداية شارع الميّه = وداومي بــ. . نجمه الاولى..ارامكـو..راس تنوره
وهذا رقم جوالي وعناويني الاساسيّه = طلبتك تحفظه يمكن يغيّر قلبك شعوره
اذا جينا على بالك تعال املك محانيّه = واذا ماجيت في قلبك عساها تذبل زهوره[/poem]
[align=center]شاعرها : عساف
من ذوقي لأذواقكم .. عشوق[/align]
العرض العادي
