وهذه قصيدة للشاعر : ناصر القزلان قالها بعد مشاهدته للشاعر : خليل الشبرمي في شاعر المليون
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سلام الله سلام وكل تسليمـه لهـا مدهـال = سلام ٍ يتعب الرجـال ماياصـل مواصيلـه
واثنِّي بالتحيه لابن عمـي طيـب الافعـال = خليل الشبرمي ّ اللي يدين الشعر تومي لـه
خليل الشاعر الباهر خليل الطيـب الرجَّـال = الى قال القصيدة كلنا نسكت ونصغـي لـه
تدفق من كلامه ماتقول الا الشعـر شـلاَّل = تحدَّر من علو النايفه والطيب يجـري لـه
رسم في شاعر المليون لوحه بالبها تختـال = ولا واللَّه شفت اللي يفوقه فـي مواويلـه
تقول انه جرير الي تناقل شعـره الاجيـال = ولا فيها غرابه كان جـده مـد لـه كيلـه
نحت مثل الفرزدق بالصخور القاسيه موال = ترى شبل الاسد دايم يدوِّج فـي مداهيلـه
خليل : الله يبيض وجهك اللي بالوفا سبَّـال = تميمي الاصل لو نام راس المجد يدني لـه
توكل وارفع البيرق وخل البال عال العـال = لانك من سلاله طيبه والفـوز تحـري لـه
على راسك لبست الوافيه غتره وفوق عقال = تحاليل القصيـده طابقـت دمـك وتحليلـه
عسفت القافيه والخيل مسراها من الخيَّـال = ولا مثلك عسف بالملعبه يالشبرمـي خيلـه
لانك من تميم المجد ساس العز عم وخـال = ومن مثلك على الدنيا سمو المجد يعطي له
لنا هامة مضر بين القبايل مضرب الامثـال = يقولون التميمي لو زعل تزعـل مخاييلـه
لنا فخر العقيده قال " وهابي " وش اللي قال = يصفي دعوة التوحيد من شركه وتضليلـه
وابن سلوم بالشعر الحديث العنقري حـلاَّل = وشعر محمد القاضي اليا وصَّـف معاميلـه
خليل اسلم وسلم لي عليها ديـرة الابطـال = قطر دار التميمي قالها ابن فطيس منهي له
حكمها الحاكم اللي شال عنها قاسي الاثقال = عسى ربي يمد بعمر ابو مشعل وتصفي له[/poem] [/align]
العضو الأكثر نشاطاً هذا اليوم 
العرض العادي
