لغز((غزوة الشرعان))((حله النقاوي الغثيث))

طبعا هذا لغز بمناسبة العيد ومناسبة نجاح غزوتي على بندر الشرعان

حيث صبحته صباح تالي ليل وهو نعسان وصارت الغنايم واجد بفضل الله وجبت حلالهم

اقشه قش مع هالبطين000 نبدأ بالموال:

[poem=font=",7,white,bold,normal" bkcolor="green" bkimage="" border="double,8,black" type=2 line=0 align=center use=ex num="0,black""]

ياروح روحـي يـاسـبـايـب جـروحي=جـانـي مـن جـروح الحـشـى ماكـفـاني
والله يلو شـفـتـي جـروحـن بروحـي=مـاكان هـرجـك فـي جـحـيـمـه كـواني
روفي بروحي كان قلـبـك سـمـوحـي=دام الـنـصـيـب بـوسـط دربـك رمـاني
ياعـيـن خـشـفـن ذيروه الـسـروحـي=يـتـلـيـه مـن جـول الجـوازي ثـمـانـي
رمـشـك لمـعـلوق الضمـاير ذبـوحـي=رمشن مـن اصنـاف الـعـذارى خـذاني
نارك غـدت بجروح روحي تفـوحـي=لاقـيـل مـحـبـوب الـضـمـايـر نـسـاني
وقلبي على شـوفـة عـيـونك شفوحي=وقـلـبـك بـهـجـره ياغـنـاتــي جـزاني
اشـكي ومحـدن بالـمـخـالـيـق يوحـي=وارجـي عـنـودن قـلـبــهـا مـارجـانـي
كن الـضـمـايـر مـن جـروحي تنوحي=تـشـكـي عـشـيـرن باعـنـي ماشـرانـي
واسـهـر عـلـى بـراق غـيـمـن يلوحي=ضـوحـه لـمــن عـاف الـمـوده دعـاني[/poem]

اما اللغز فهو رهيب لانه بمناسبة غزوه ولازم يصير قوي00

ابي شطارتكم عقب اكل الضحايا لانكم صرتوا شبعانين ومتعافين00

[poem=font=",7,orange,bold,normal" bkcolor="black" bkimage="" border="double,8,red" type=2 line=0 align=center use=ex num="0,black""]

خـلـيـت سـيـفـى يابـنـيــدر يـلالي=يقـصف على راسك تقــل قـصف مـيـراج
بـيـــرك غـمـيـــق وياصلـنـه حـبـالي=مـدام قــيــفــانـي مـثـــل نـبـع هـــداج
جـيـتـك قـبال الـبـيـت غافل وخـالي=وقـفــلـت دونـك داخــل الـســور مـزلاج
وفـلـقـت راسـك في طـقـوم الدلالي=وهي عـادتـي اضرب علابـيــه بالصاج
ياويـش مخــلـوقــن وصـوفـه مـثالي=اربع حـروف ولايجـي حــول الامـواج
اول حـروفـه عـن حــروب وقــتــالـي=وتالـــيــه لـلـــي راح بـالــدرب دواج
انا شجـاع وحـــزت زول وجــمــالي=لو كـنــت صـاحـي نوم من دون مكــياج[/poem]

وفلقت راسك فـي طقـوم الدلالـي ** وهي عادتي اضرب علابيه بالصاج

ههههههههههههه

صح لسانك يالغلا

والله يعين اللي انت تصبحه صباح بدر .. ماهو صباح خير

انا شجـاع وحـزت زول وجمالـي ** لو كنت صاحي نوم من دون مكياج

ههههههااااااي

الله يقطع بليسك هههههههه

على العموم

ابفكر بوه وانكس

سلام

اقتباس المشاركة الأصلية كتبت بواسطة راعي الذلول وفلقت راسك فـي طقـوم الدلالـي ** وهي عادتي اضرب علابيه بالصاج ههههههههههههه صح لسانك يالغلا والله يعين اللي انت تصبحه صباح بدر .. ماهو صباح خير انا شجـاع وحـزت زول وجمالـي ** لو كنت صاحي نوم من دون مكياج ههههههااااااي الله يقطع بليسك هههههههه على العموم ابفكر بوه وانكس سلام

هلا اخوي ابوفيصل وعز الله ماصار هالمغزى00

هو ماغصه بطنه من شهر لاني زعلت عليه وقلت تراني قدامك وهو يختبص لانه يدري اني لاقلت

فعلت هذا انا ونور وجوجو اذا هددنا احد اعرف انه راح وطي00

خاصه انا ونور والا جوجو ماهي دايم لانها من ضاعت بمكه بهالقيظ وانا اشوفه منخرعه اكثر الوقت0

ايه نرجع لموضوعنا والا جوجو تدهن الجفون والركب بالفكس وتطيب

لان الشاعر البلوا والهامه والصارومه والمرعب يقول:

[poem=font=",7,orangered,bold,normal" bkcolor="black" bkimage="" border="none,4," type=2 line=0 align=center use=ex num="0,black""]
جوجو نشوفه خاربن نصف طبعه=من يوم ضاعت بالحرم من ورى التكس
قـامـت تحـسـب الاربـع ايام سـبعه=وان قيل دربك شرق تمشي على العكس
يمكن طــلـع لـه تالي اللـيـل ضبعه=ونصحـتـهـا تـدهـن جـفـونـه مـن الـفكس[/poem]

راح الوقت يابوفيصل بسالفة جوجو لذلك احكي عليك سالفة

المغزى بعدين يالعزوه 00

ههههههههههههههههه

عسى ربي يوسع صدرك يابو فهد

تصدق اني ضاربتن 80 كيلومتر عشان اسمع سالفة هالغزوة

لانه جانا خبر عنها عبر القمر الروسي

اما اللغز لي رجعتن ان شاءالله وابي افغصه>>منذو مبطي مافغصت الغاز

اقتباس المشاركة الأصلية كتبت بواسطة نورالدنيا ههههههههههههههههه عسى ربي يوسع صدرك يابو فهد تصدق اني ضاربتن 80 كيلومتر عشان اسمع سالفة هالغزوة لانه جانا خبر عنها عبر القمر الروسي اما اللغز لي رجعتن ان شاءالله وابي افغصه>>منذو مبطي مافغصت الغاز

هلا نور والحمدلله على السلامه مادري وين غابت هالسحالي؟

والقمر الروسي اخبره بلوس الله يقطع بليسه00 ماتشوفين وليد الشرعان منصفر الى الان

ماله حس ولا رس المسيكين يبي له شهر يالله يرجع لحالته الطبيعيه00

اما المدفع حقه يانور قضى خلاص والله مايرمي غير مارمى عقب اللي جاه تخبرينه00

مكتوب عليه مغلق حتى اشعار اخر وماهو قبل عشر شهور يالله يالله00

المسبوع ابن غسلان عرف وشلون يبطل مفعوله وهو ماله حل ابد غير اللي سويت به00

اقتباس اما المدفع حقه يانور قضى خلاص والله مايرمي غير مارمى عقب اللي جاه تخبرينه00

هههههههههه

فعولك ماتخفى يابو فهد بعدي والله

خله عشان يعرف يهددني ثاني مرة


هل أخر اللغز يابوفهد كلمة((مد))؟؟؟؟

اقتباس المشاركة الأصلية كتبت بواسطة نورالدنيا هههههههههه فعولك ماتخفى يابو فهد بعدي والله خله عشان يعرف يهددني ثاني مرة هل أخر اللغز يابوفهد كلمة((مد))؟؟؟؟

بسم الله تبين تلعبين بي يانور هاه تدرين اني اعلم على طول00

الحرف الاخير منه لام وش تبين اكثر من كذا؟؟

ياويلي يانور سويت لي قصيده خمسين بيت مايسويها دليقان اللي يذكر وشوفي اولها:

[poem=font=",6,white,normal,normal" bkcolor="green" bkimage="" border="double,8,black" type=2 line=0 align=center use=ex num="0,black""]

لاهـاض جـاشـي ماتعـوق حروفه=لـو تـشـتـرط قــافـي بـدون نـقـاطي
بـالحـال تـاتـي ماتـريـد بـروفـه=مـثــل الـورود بـريـشـة الـخـطـاطي
عـنـد الفـهـيم حروفها مـكـشـوفه=وتلـقى لـهـا عـنـد الـهـبـيـل غـلاطي
لامـال فـي قـاف الـعـرب ملقوفه=لـو يلـقـط الـعـســرات بالـمـلـقـاطـي
لـو هـي بـكـود الـقـافـيـه ملفوفه=ضـرسـي لـغـلـق الـقـافـيـه شـعاطي
وياتـيـه قـافـي فـي بياض زروفه=تـاتـيـه كـاش ولا تجـيـه اقـسـاطـي[/poem]

السلام عليكم ورحمة الله وبركاته

صباح الخير

رمعتن على الطاير

ان كان ماهو الفتيل

اقتباس المشاركة الأصلية كتبت بواسطة النقاوي السلام عليكم ورحمة الله وبركاته صباح الخير رمعتن على الطاير ان كان ماهو الفتيل

غريبه يالنقاوي مافغصته من اول رمعه اشوى00

انا من شفت اسمك قلت لاجابتك هله جاي يبي يصبحنا صباح الشريفات ويحوس لغزي ويروح

لكن اشوى له لقمه بهالدنيا00

كيف يالنقاوي يقولون السويد انهم من شدة البرد الواحد تطيح بومته وهو يمشي مايدري بها00

عسى الله يفك غويشنا وسحالينا والا التماسيح كيفهم يتحملون00

[poem=font=",6,orange,bold,normal" bkcolor="black" bkimage="" border="double,8,red" type=2 line=0 align=center use=ex num="0,black""]
سـرى بـارقــن هــاض الـمـعــالــيـق لاحــبـابــه=جــحـيــم الـلــهـب بالـمـزن شـبـت شـبـايــبـهـا
تـلامـــع بـروقـــن فــات عـــامــيــن لـغـيــابـــه=ضحــاحـه خــدود الـلــي بـكــبــدي لـهـايــبـهـا
شـعـاعـه ركـز يـوضـي على الـجـال وهــضـابـه=رواعــيـدهـا تـرجــف بــصــدري حـطـايـبـهـا
وريـح الـنـداء صـلـف الـهــواء صـوبـنـا جـابــه=عـسـى وابــلــه يـتـبـع رعــايـــد سـحــايــبـهـا
تـهــل الـسـحـــايــب وبـلــهــا حــول صــبــابــه=بـهـا مــن زمــول اهــل الـمـكـارم نـجــايــبــهـا
ودار الجــبــل تـمــشــي شـــغــايــاه وشــعــابــه=وتـرخــي عـلـى ظـلــعــان سـلـمـى سـكـايـبـهـا
جـبـال الـكـرم مـنـقــع هــل الـطـيـب واقــطــابـه=غــدى الــطـيـب والـعـزه نـوادر كــســايــبــهـا
هــم الــطـيــب هــم سـاسـه ونـاســه ومـشــرابـه=ولااحــدن فــعـل طــيــبـن يــشـادي غـرايـبـهـا
مـرابـي رجـالــن يـجــهــر الـفــجــر مــحــرابــه=وعــن ديـنـهــا تـصمــد جـحــافــل كـتــايـبــهـا
رجـالــن بـحــبـل الـمـرجـلـه تـفــتـــل اشـنــابــه=ولا وســطـهــم عــفــن الـسـجـايـا وخــايــبــهـا
نــجـوم الــصـخــى فـوق الـطــخى طـقـت اطـنـابه=ومــن عــال ذاق الــكـايــده مــن ضــرايـبـهــا
عـســى الـسـيـل مـن عـذفـاء الـيـا مـاورى طــابـه=وقـبــل الـشــهـر بــالـريـف تـشـبـع ركـايـبـهـا
وعـقــب الـجـبــل لـلـي خــذا الـقـلــب تــرحــابــه=ولــو مــاحـســب قــلـبــي لـنــاره حــســايـبـهـا[/poem]

ياهلااااااا ومرحبااا

بخير الله يسلمك يالراوي

والله تطيح كلك من البرد عندنا

الله وكيلك الساعه 11 الضحى والماء جامد بالجوف

نرجع للغز

وش رايك بهالرمعه هذي(غزال)

اغديها تفغصه

اقتباس المشاركة الأصلية كتبت بواسطة النقاوي ياهلااااااا ومرحبااا بخير الله يسلمك يالراوي والله تطيح كلك من البرد عندنا الله وكيلك الساعه 11 الضحى والماء جامد بالجوف نرجع للغز وش رايك بهالرمعه هذي(غزال) اغديها تفغصه

الله لايجيبك يالنقاوي عز الله انك فغصته عسى تفغصك الجذعه الشقراء

اوله في حروب وهي (غزى) وتاليها واحد راح وغاب (زال) فعلا رمعه رائعه يالنقاوي00

وادري انك ماتجي بساعة زينه يافغاص000

يوم شفت الزين طاحت قاعتي00 واحمد الله ماطقعت بساعتي

الا واحلولاة يالجذعه الشقراء

ومشكوووووووور على هاللغز

ويعطيك العافيه