[poem=font=",6,,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/32.gif" border="solid,6,blue" type=2 line=0 align=center use=ex num="1,blue""]
جاتني ذا ألعشيه شكوى=من فتاة دهتها بلـــــوى
ظلم بوها عديم التقوى=قاسي القلب مخطر شانه
جات تشكي من امرجاها=من حزنها تعد خـــطاها
باين الظلم في ممشاها=كبدها بالضماء حرقانه
صاحت أنا فتاة عانــس=بين ظلم الطمع والهاجس
اترقب لـذاك الـفــارس=واختفى بالأمل طوفانـــه
اصغ لي لوسمحت وركّز=ذا زمان شبابه عجّــــــــز
وادي اقول علمي واوجز=داين يشتكي ديــــــــــانه
قالت اسمع كلامي كله=وافهمه يافتى وافطن له
كل ما صابني من عله=ودي ابيّنه بالـــــــوانــه
فالثلاثين عمري واكثر=والذي شافني مـتـــــــأثر
قلب أبي مارضي يتأثر=كيف يرضى شقى نسوانه
كل ما جا فتى متدين=قال طيب وكل اش هــيـّـن
والغضب في عيونه بيّن=طاع نفسه مع شيـــــطانه
قال خلك إلين أرسلك=لا تجيني إلين أقل لـــــك
خل ما لك معك وادلـــك=بيتكم عندنا عــنـــــوانــه
مقصده بس تصريف له=والفتى كم وهو يرقب لـه
موعد الرد حل أوتله=والفتى ضاع في نسيانه
قال لا يمتكن تزويــــــجي=لين يظهر على تخريجــي
ثـم تعيين بالتدريجي=بعد هذا إذا بِْمكانـه
والسنين الطويــلة تجري= والسعادة لغيري تسري
بس انا الي عن امري مـدري=تاه فكري ببحر احزانه
هل جميع العذارى مثلي=شتت ذا المشاكل عقلي
ما يحس العنى حتى اهلي=ما حد شافني فرحانــه
كم فتاة مثيلي تشكي=من معاناة هلها تبــــكي
القصص بالمآسـي تـحـكي=كم حشى ولعت نيرانــــه
ما جميع البشر في راحة=كم فؤاد عناه اجتاحــــــه
لين سده من اجله بـاحــه=باح ما كان في وجــدانــه
بس اناابغاك تنشر قولي=يا عسى يفهم الي حولي
إن بين العرب مجـهـولي=أرضنا بالعجب مليانــــه
لويطوف القطار الحالي=ينتهي بي حديث آمالي
وانت يا بوي تأخذ مالي=وانثني ضايعة خسرانه
تكبر المشكلة يا عالـــم=والطمع في عيون الظالم
ماحــدمن شروره سالمم=كلها خطته خربانـة
قلت لا بد مني كلمـة=جعلها تندرج في عـلـمــه
وانصحه لا يطوّل ظلمه=وين دينه غدا وايمانـــــه
هكذا جاتني ذا القصة=في خطاب وهذا نصــه
في سبيل لمن له فرصة=يصرف القلب عن طغيانه
ثم هذي نصيحة مني=يا لبيب استمع وافهمني
سائلٍ خالقي يرحمني=وانت لا يحرمك غفرانه
ذي وصية وبي تـفـهـمـها=بنتك أوصيك لا تظلمها
من هنى العيش لاتحرمها=خاف من خالقك سبحانه
حذر المال لا تشقى به=والحرام انتبه من بابه
لا خـطب واحدترضى بــه=اترك ابليس هو وعوانه
لا ترده على ما عنده=والطمع عنك بابه سده
لا تعامل معه بالشــدة=اعمل الطيب تلقا احسانه
وانتبه لويجيك الخاطبب=لا ترده من اجل الراتب
ذا على الوضع ما هو كاسبب=لو تسلا بنوم أعــيانـه
اكثر الناس مابه رحمه=جعل نارٍ توقد لحمــه
لين يصبح مثيل الفحــمــة=ذا يحد الخشب با اسنانـــه
ليه لنه تعدا حــده=واتجه في صلابة صــده
خافي بالشقاوة سده=كيد قلبه قهـــر ضلعانـــــه
طبع بعض الرجاجيل اقشر=ينشر السم كـــله والشر
ثم يندم على ما ينـشر=بعد ما يرتوي عطــــشـانه
لا بغيت ارشده وادله=قال ذا مش صحيح كله
هرجكم مستحيل اشلـه=اعرف الهرج من رعيانـه
الرجا بس لا تزعجني=يابن لجواد لا تحرجني
كل راعي ثمار يجـني=من ثماره ومن بستــــــانه[/poem]
العرض العادي
