مشرفتنا بنت الهيلا هنا

السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين
يعاود كرسي الاعتراف استضافته للاعضاء للتعرف على شخصيتهم
وفي هذا الاسبوع نستضيف مشرفتنا بنت الهيلا المعروفه باخلاقها ونشاطها في المنتدى من خلال

طرحها للمواضيع او مشاركاتها بالرد على المواضيع ...

فأحببت ان استضيفها هذا الاسبوع بكرسي الاعتراف لكي نكتشف شخصيتها وايضا ان تسألوها عما يدور في خلدكم ..

اختي ارجو ان تجيبي على الاسئله بكل صراحه وصدق ووضوح كما عهدناك في هذا المنتدى

اترك المجال لكم

السؤال الاول: ماهو طموحك في الحياه ؟

السؤال الثاني : ماهي هوايتك الي تحبين تمارسينها في اوقات فراغك؟

ولكِ مني جزيل الشكر

تسلم جبلاوي

هلا بك بنت الهيلا
سؤال وحيد

شهادتك لو ممكن ؟

[mark=#00FF33][align=center]طيب انا ودي اسالك كم سؤال

كم عمرك ؟

هل تحبين الجن ولو شفتى جنى ماهو شعورك ؟

وين ودك تسافرين ؟

ماهو اصعب موقف مريتي فيه ؟

ماهو اطرف موقف في حياتك ؟

اول ماشفتيني داخل الموضوع هذا ماهي ردت فعلك ؟

ياكثر اسالتى وان شاء الله نلحقها باساله اللحاقيه

تحيااااتي[/align][/mark]

اقتباس اول ماشفتيني داخل الموضوع هذا ماهي ردت فعلك ؟

هههههههههههههه

بنت الهيلا جاك الموت

انا عندي مجموعة اسئلة ولكن بختصرها

واقول نبي بطاقتك الشخصية لاهنتي

وبسررررررررعة

ياعساكم تسلمون
الاسئله من سال يترك المجال لغيره
يعني لانسال بمشاركيتن
ماهو امر ولكن طلب
لان فيه عضو ينتظر جلسته هنا

اقتباس المشاركة الأصلية كتبت بواسطة جبلاوي السؤال الاول: ماهو طموحك في الحياه ؟ السؤال الثاني : ماهي هوايتك الي تحبين تمارسينها في اوقات فراغك؟ ولكِ مني جزيل الشكر

هلا فيكم جميعا واشكر اخوي جبلاوي على استضافته لي بالكرسي...

نبداء بأسئلة جبلاوي ..
طموحي بالحياة اكمل دراستي ...

هوايتي الرسم او العب سكيت والنت هو سر حياتي ..


شكرا جبلاوي..

اقتباس المشاركة الأصلية كتبت بواسطة اليافعيه تسلم جبلاوي هلا بك بنت الهيلا سؤال وحيد شهادتك لو ممكن ؟

هلا اليافعية ..

شهادتي الثانوية وحاليا في الجامعة ..

يسلموووعلى السؤال ..

اقتباس المشاركة الأصلية كتبت بواسطة ^سفير الجن^ [mark=#00FF33][align=center]طيب انا ودي اسالك كم سؤال كم عمرك ؟ هل تحبين الجن ولو شفتى جنى ماهو شعورك ؟ وين ودك تسافرين ؟ ماهو اصعب موقف مريتي فيه ؟ ماهو اطرف موقف في حياتك ؟ اول ماشفتيني داخل الموضوع هذا ماهي ردت فعلك ؟ ياكثر اسالتى وان شاء الله نلحقها باساله اللحاقيه تحيااااتي[/align][/mark]

هلا بسفير الجن ..
....................
عمري 20 سنه ..
.....................
إيه والله احبهم احسهم مثل اخواني ... هههههههههه وإذا شفت جني يبدا فيني شعور الاحساس بالضيافه .. {{ اقلط القهوهـ }} <<< جو وناااسه ..
.....................
ودي اسافر لمثلث برمودا بصراحه متشوقه لشوفتك .. واصير سفيرة الانس .. احجزلي كرسي قبل الزحمه ..
....................
إختباااااااااارات الوزارهـ .. حسبي الله عليهم .. ماعندهم ذووق اوووف .. <<< خلاص عرفنا انك تكرهينهم ..
...................
اطرف موقف كان الاسبوع الي فات كنا في الملاهي وكان وقتها للنساء يعني يا سحليه ادخلي وارمي عبايتك وبنت الهيلا ماقصرت رمتها ذاك الرميه وراحت تلعب يوم خلاص الدنيا مشت والخلق راحوا قلنا يلا نرجع البيت ادور عبايتي منا منا مافي ياهوو وين عبايتي خواتي دوروا ما لقوها والله واطلع الشارع مع اختي الكبيره في عبايه وحده من الضحك والفشله نمشي وفجاه طحت واختي مشت وماانتبهت والناس والعالم وانا ركض {{وعندي احساس ان في تصوير بس يلا النظره الاولى حلال}}<<< تعرف تفتي ..
وارجع ادخل في العبايه مره ثانيه وخواتي الباقيات يقولون مانعرفكم رحوا عنا فشلتونا وما صدقت اوصل السياره وحنا نفكها ضحك وهواش وكل انواع الكلام قلناه بس يوم حلووووو ..
وتبت من بعدها ارمي العبايه صدق انها نعمه .. ههههههههههههه
............................
شعوري يوم شفتك وقف شعر راسي وزاد نبض قلبي .. وبديت اذكر الله واسمي بالله واقول الاذكار .. <<< كل شي قالته حتى دعاء دخول الحمام الله يكرمكم وخروجه ..
...........................
ايه والله ياكثر اسئلتك .. بس خفيفه علي ..لووووووووووول ..

اقتباس المشاركة الأصلية كتبت بواسطة نورالدنيا هههههههههههههه بنت الهيلا جاك الموت انا عندي مجموعة اسئلة ولكن بختصرها واقول نبي بطاقتك الشخصية لاهنتي وبسررررررررعة

هلا نور منوره كالعاده ..
..............
الموت يجي عدويني .. هذا لو عندي اعداء الموت حق ..
.............
بطاقتي عند ابوي يعني خذي هالرقم وكلميه 050 والباقي معرووووف هههههههههههاااااااااي..
الاسم : بنت الهيلا العتيبي << عااد تعرفينه يانور خخخخخ
العمر : 20 سنه
الوظيفه : <<< خلصي دراسه اول .. طالبة جامعه
الحاله الاجتماعيه : آنسه
الحاله الصحيه : سليمه مع شوي هذيان
الحاله السياسيه : قناة العربيه توفي وتكفي
.............
اي جواب ماقلته وحابه تعرفينه ارجعي اسئلي الله لا يهينك مو تخليني ضايعه كذا مدري وش احط .. <<< بزنس الاخت ..

شكرا جبلاوي على استضافة مشرفتنا الرائعه والنشيطه بنت الهيلا

منوره الكرسي يالغاليه

سؤال واتمنى يكون خفيف بس قبل تجاوبين قولي والله العظيم اقول الحق

ماهو الشئ الذي تخافين منه بالدنيا ويشغل بالك طول الوقت ؟ (غير سفير الجن طبعا )

شاكره لك الاجابه مقدما

سهر

منوره بنت الهيلا

سؤالي كيف وصلتي للمنتدى
واي منتدى اعجبك بالنت ؟؟

اقتباس المشاركة الأصلية كتبت بواسطة سهر شكرا جبلاوي على استضافة مشرفتنا الرائعه والنشيطه بنت الهيلا منوره الكرسي يالغاليه سؤال واتمنى يكون خفيف بس قبل تجاوبين قولي والله العظيم اقول الحق ماهو الشئ الذي تخافين منه بالدنيا ويشغل بالك طول الوقت ؟ (غير سفير الجن طبعا ) شاكره لك الاجابه مقدما سهر

هلا مراقبتنا الغالية سهر ..
والله سفير الجن من يوم ماحل علينا وهو مشغل بالي <<<<<< ماتحب طاريه
تامرين امر (والله العظيم اقول الحق)..
مخافة الله عز وجل اولا
والخوف من فقدان اغلى واحب شخصين لي الوالد والوالدة وخصوصا اذا مرضوا ..

الشكرلك سهورة بس تصدقين تصلحين قاضية بالمحكمة

ههههههههههههههههههههههههههه ياحليلك ياجبلااااااوي ..

الي يبي يعرف عن بنت الهيـــــلا شي بس يدق على هذا الرقم .. 511 .. <<< الي تذبحه اللقافه يدق ولا يتردد عرض خاص ومحدود.. هع هع هع

[align=center]بنت الهيلا منوره الكرسي



ماعندي اسئله بس

قلت اجي اسلم عليك



و





واسالك







ابي اعرف برنامجك اليومي متى تقومين متى تنامين وش تسوين اول ماتقومين وقبل ماتنامين : ) ؟؟


بس [/align]