لغز(( بلغوا عواد ))((فغصته غموض بالدقيقه الاولى حسافته))

موال اللغز هذا ابيات من قصيده موجهه الى عواد العلي

لانه دايما يقول ياليتي بدل حمود اللي تحطه بقصايدك يابوفهد وذلك لان اكثر

قصايدي ابتدي بقولي ياحمود000 فقلت لعواد:

قال منهو لابغى القاف جاشه يـسـتـهـيـش=في حروفن هاشت الصدر من غيضه وجاش
لانوى صيد الجـزيـلات رمحـه مايـطـيـش=لا حصل حوله مـغـالـط وزادوا بالـنـقاش
من يصيبه رمـح قافي وقـع قلبه غـشـيـش=فيه جـرحن مايـداويـه فـي مـرهــم وشاش
من يـشـوفه قال مطـعـون ماظـني يـعـيـش=ليت لو ماساق روحـه عـلـى قـبـره بلاش
وش يبي ياطى برجله على جحر الحـنـيـش=ليت لو باعـد عن الرمي في وسـط القراش
من يذوق جروح قافي قـعـد يـقـرش قريش=وعقب جـرحـه قـال ياناس مافـيـها مهاش
بلـغوا عواد يحـضر لـنـار الحرب جـيـش=ابي تـسـديـد الـفـواتـيـر من عواد كــاش
ان بغى يصبح عن حمود بأشـعـاري دقـيـش=ويسقي ركاب القوافي ولاتاتي عـطـاش

واما اللغز فهو صعب هالمره الا للشخص اللي عنده اطلاع واجد

وذكاء خارق بالالغاز وخوذوه:

زول ابن غسلان يذهل في حلاه=ياحصان الطـيـب في وقــت الجـري
الله اللي في حلى الطـلـعه عطاه=والـنـــقــاوي يـمـكــن انــه مـادري
ويش رجل غايـبـن محـدن شراه=وهــو يـبــاع الـيــوم للي يـشـتــري
اول الحــرفــيـن يارجــلــن بغـاه=تــدركه بالخـــشـم عــادي او ثــري
له حروفن خـمــس والتالي تراه=لـو طـبخـتــه دايـمـن يـبــقـى طــري

اوصاف اللغز: قليل اللي شافه بعينه وهو يباع بالسوق ونسمع فيه واول حرفين تدركه بخشمك وباقي

الحروف اسم شي مهما تطبخه يبقى طري 00 وعدد حروفه خمس حروف00

السلام عليكم ورحمة الله وبركاته


لغز صعب


بس وش رايك انه شمطري ؟؟

غموض>>>بدأت اشعر بفضول غريب تجاهك

حاستي السادسة تشعرني بأنك مانتي هينه!!

>>> اشتغلت الحاسة السادسة

وينك يابو فهد شف غموض((((الغامضة))))بدت تفغص الظاهر؟؟

انا اقول ماشاء الله عليك ياغموض

واجابتك شكلها مو بس فغصته

الا طحنته طحن


وصح لسانك يالراوي انت وزولك الله حاليك

اقتباس:

المشاركة الأصلية كتبت بواسطة غموض

السلام عليكم ورحمة الله وبركاته


لغز صعب


بس وش رايك انه شمطري ؟؟

من وين نطقتي علينا ياغموض الله لايبارك بعدوك؟؟

ماخليتي اللغز لو يوم الله يهديك رميتيه وهو بالعتبه قبل يطلع ياخليفتي الله

صــــــــــــــح الشــمــــطـــــري

ممتاز ياغموض وهذا يبشر بالخير ان معنى الان متخصصين بالالغاز

والله من يوم شفت العيون اللي تويق بتوقيعك وانا مغصن بطني

حياك الله معنا ومليووووون مراحب

اقتباس:

ماخليتي اللغز لو يوم الله يهديك رميتيه وهو بالعتبه قبل يطلع ياخليفتي الله

ههههههههههههههههههههه المره الجايه بخليه يومين لكن.........

اقتباس:

مغصن بطني

ماهو من عيون غموض الا من البرد اشرب لك شيح

سلامتك

صح لسانك غموض
على الحل قدها

سلملم

صح لسانك غموض

بارك فيك فواز
وصح لسانك غموض

ابو فهد وشو الشمطري ؟؟؟؟؟؟؟؟؟؟؟؟؟؟؟؟؟؟

اقتباس:

المشاركة الأصلية كتبت بواسطة اجوديه

ابو فهد وشو الشمطري ؟؟؟؟؟؟؟؟؟؟؟؟؟؟؟؟؟؟

الشمطري نوع من الطيب يضاف للقهوه ويجعل ريحها حلو اكثر00

ذكره الشاعر الداهيه محمد العبدالله القاضي في قصيدته بوصف القهوه فقال:

يامن لقلب كل ما ألتم الأشفاق= من عام الأول به دواكيك وخفوق
يجاهد جنود في سواهيج الأطراق=ويكشف له أسرار كتمها بصندوق
الا عن له تذكار الأحباب وأشتاق=باله.وطف بخاطره طاري الشوق
قربت له من غاية البن مالاق=بالكف صافيها عن العذف منسوق
أحمس ثلاث يانديمي على ساق=ريحه على جمر الغضى يفضح السوق
حذراك والنيه وبالك والأحراق=واصح تصير بعاجل الحمس مطفوق
الا أصفر لونه ثم بشت بالأعراق=وبقيت كما الياقوت يطرب له الموق
وعطت بريح فاضح فاخر فاق= لاعنبر ريحه بالأنفاس منشوق
دقه بنجر يسمعه كل مشتاق= راعي الهوى يطرب الا دق بخفوق
واحشه بدله مولعه كنها ساق= بلورة منصوبة تقل غرنوق
خله تفوح وراعي الكيف يشتاق =الا طفح له جوهر صح له لاق
قمور صغار كالزمرد بالأشعاق= وكبارها الطافح كما صافي الموق
وزله على وضحى بها خمس ارناق=هيل وسمار بالاسباب مسحوق
مع زعفران والشمطري الا انساق=ريحه مع العنبر على الطاق مطبوق
اذا اجتمع هذا وهذا بتيفاق= ف صبه كيفت العوق عن كل مخلوق
بفنجال صين صافي عنه الارماق =تغضى وكرسيه غدان لمعشوق

السلام عليكم ورحمة الله وبركاته


والشمطري تستخدم بعض النساء الكبيرات بالسن للتطيب به سمعته من جدتي