| :: كل عام وانتم بخير :: | |||||||||
|
| التميز خلال 24 ساعة | |||
 العضو الأكثر نشاطاً هذا اليوم |
الموضوع النشط هذا اليوم |
المشرف المميزلهذا اليوم |
المشرفة المميزه |
قريبا |
بقلم :  |
 |
قريبا |
| كلمة الإدارة |
|
|||||||
 « آخـــر الـــمـــشـــاركــــات » |
 الإهداءات |
 |
02-18-2008, 11:23 AM
|
#1 | |
|
عزوبي ومعرس
عزوبي ومعرس
العزوبي بدأ بالقاف ويقول فيها قال العزوبي يوم شـاف المعاريـس الرابـح اللـي لاقـعـد مايقـومـي أول سنـة كـلٍ يبـث الاحاسـيـس وثاني سنة تجلب عليـك الهمومـي وثالث سنة حط الرمـل والمتاريـس لابـد مـن حـربٍ تقـوم وتدومـي لامن دخلـت الـدار لاكنهـا بليـس متلفلـفٍ فـي غاليـات الهـدومـي تأخذ من المخباة وتسحب من الكيـس وتغيـر الموديـل شـيٍ لـزومـي وان قلت ما أملك يامره لوهو فليـس قالـت تديّـن لا تكـثـر بلـومـي ولاجيت مرة نـاويٍ لـك ب....... قالت تصّبـر خـل قلبـك رحومـي ليتك تساعدنـي تصحـح كراريـس زادوا علينا أربع حصص في العلومي أزوارة في العصر والصبح تدريـس والليـل تصحيـحٍ وودي أنـومـي تبكي إذا جاها وجع لوهـو ضريـس وتقول أبي دكتـور ماهـو حكومـي يروح عمرك بين عـرسٍ وتأسيـس واربـع سنيـن والبزاريـن كومـي وسط المطابخ بيـن قـز ومحاميـس هـذا صحـن رزٍ وهـذاك ثـومـي والا خلصـت إمنظـفٍ الملالـيـس جتك تقول انهـج نبـي زود لومـي ولا جبت قالت اكنس الحوش تكنيـس خل البلاط يصيـر مثـل النجومـي ومكرسٍ جهدك من الخوف تكريـس وان نادتك بالصوت اقبلـت مومـي يجيـك تـال الليـل دايـم كوابيـس ويشيبنـك مزعـجـات الحلـومـي هذي حياة اللي ركض باغـي ...... ضيع حيـاة أول وصـار محرومـي تعيش يالمعـرس حيـاة المحابيـس وشف العزوبي بكل شارع يحومـي من مفرق جلاجل إلى جوي للخيـس وان حار حايرهم بوسطـه يعومـي يفرح إذا شاف الوتـر والمراويـس وفي كل يـومٍ كاشـتٍ ومعزومـي شف العزوبي مايعـرف الهواجيـس ولا يـودي حرمتـه كـل يـومـي يا عنك ماحاش الفخـر والنواميـس الا عزوبـيٍ يـعـرف السلـومـي اذا اعرس المعرس غدا عندنا هيـس ونزيل اسمه مـن سجـل القرومـي والى بغيـت البهذلـة والدحاويـس فأعرس وخلك من عـداد الرخومـي وش صابكم من عرسكم يا المفاليـس وش استفدتوا غيـر دق الخشومـي اللي تزوج أشهد انـه غـدا تعيـس والرابح اللـي ماخـذٍ لـه.......... ترى عناق العام نطت علـى التيـس والحرعقب العـرس يصيـر بومـي شعر :- واحد ما بعد عرس رد عليه المعرس قال العريس أنا الذي فـي سعـاده ماني عزوبي ضايق الصدر مهموم مبسوط من مثلي قعد عنـد غـاده مهوب مثل اللي لحالـه تقـل بـوم في كل ليلـه حاضـنٍ لـه وسـاده وانا مع المزيون في غرفـة النـوم أنا اشهد انـه عايـشٍ فـي قـراده يروح عمـره مـا تهنـى ولايـوم الى دخـل للبيـت يبلـش بـزاده يقعد يقطّع له طمـاطٍ معـه ثـوم ولا قضى عقب العصر من عـداده والحوض من كثر المواعين مزحوم والى غسلهـن ثـم فـك السـداده دلى يغسل لـه سراويـل وهـدوم وان ماطبخ روّح لمطعـم حمـاده والا قعد في منزله واعلن الصـوم وان جاه ضيفٍ باغـيٍ لـه رفـاده يروح يشري رز وايـدام ولحـوم ما يعرف الشمبو وراسـه عـراده وشمغه من الكواي مليانـه رقـوم ما يكنـس الفرشـه ويلقـط بـداده امـا بقايـا رز او خبـز معـروم عنـده صراصيـرٍ بحاجـه ابـاده تسرح وتمرح في الغرف دايم الدوم يجمـع قروشـه ويتسلـف زيـاده حتى يسافر مصر او ديرة الـروم او راح يـم التـاي وتـرك بـلاده ناظر جوازه ممتلـي كلـه ختـوم دايم يسافـر مـا يعـرف العبـاده يسكـر وينكـر و........ بالكـوم وإلى رجـع يـروح يـم العيـاده حيث ان فيده من فعايلـه مزكـوم وإلى قعد مارس مـع .......عـاده حيثه مسيكينٍ من العرس محـروم لـه موتـر خـرده كثيـر فسـاده في كل يومٍ في الاشارات مصـدوم غمارتـه تقـول ورشـة حــداده ومريقده في شنطتـه دوم محـزوم دوم يتنقـل تقـل كنـه جــراده في كل يومٍ نازل لـه علـى قـوم يسهر والى قام الظهر مـن رقـاده روّح على شغله والى اليوم مخصوم يذي بنـات النـاس يبغـي مـراده في كل يومٍ زاهمٍ له على ( هـوم ) اراه مايعـرس ويـقـدح زنــاده يترك بنات الناس ويصير معصـوم يلقـى هنـوفٍ تخدمـه مثـل داده ويصير رجّالٍ ويسلـم مـن اللـوم يفرح الى من قرب وقـت الـولاده ويصير معنى العرس بالحيل مفهوم يشـوف أولاده ومعهـم شـهـاده قبل الوفاة وقولة النـاس مرحـوم منقول |
|
|
|
|
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
(عرض الكل)
الاعضاء الذين شاهدو هذا الموضوع: 0
|
|
| لا يوجد اسماء لعرضها |
العرض العادي
|
|
الساعة الآن 12:01 AM.