|
نصيحه ......لاتقول اني فعلت خل فعلك ينحكي به
اسعد الله اوقاتكم جميعاً
كل حلم وله نهايه وكل مجد ولـه ضريبـه=وكل دوله له زمان وكل نجـم ولـه مغيـب
لاتظنك شيء ثابت انت فـي دنيـا غريبـه=والصراحه مو غريبه انت الي فيها غريـب
كنت اظنك تفهم انه كل شخص وله نصيبـه=يعني مهما كنت بلوى ماتطول الا النصيـب
لو تحايل منت طايل مـن وراه الا الغليبـه=والندم محصول حول من التحايـل ياللبيـب
لو تسمى في رجالٍ عز منهو يعتـزي بـه=لاتظنه صار كافي قولـتٍ ساسـي عريـب
النبيذ ام الخبايث كان فـي اصلـه زبيبـه=شوف عاد شصار منهو كان في اصله زبيب
إفهم ان الطيب مطلب والرجل يرقى بطيبـه=والمنافق شخص فاسق خايب وفعله يخيـب
وإن قول الصدق يعني للرجل قـدرٍ وهيبـه=و الكذب خصله تعيبك عيب ماهو اي عيب
وفي النهايه كلمتين اقولها لك وانتهـي بـه=بختمه مني نصيحـه علهـا تلقـى مجيـب
لاتقول اني فعلت وخل فعلـك ينحكـي بـه=ولجل تكسب ود غيرك كن مع غيرك اديـب
منقول / للشاعر بدر الشمري
|
العضو الأكثر نشاطاً هذا اليوم 
العرض العادي
