راكب اللي لامشى محدن يطوفه

راكب اللي لامـشى محـدن يطـوفه=وارد الـجـرمــن ورى ذيـك الـشــواطي
لو مـشى الطبلون ماتسـمـع بلـوفه=مـايـجــاكـر بـالـطــريــق ولا يـهـاطـي
بالـثـلاثـه جـامـعـن كامـل حـروفه=والـثــلاثـه هــي عــدد كـل الـنــقــاطي
ماوقـف بالدرب من تهريـب صوفه=او حـصل للـزيـت مـع مــاه اخـتـلاطـي
راكبه ياصل على حـروة شـفـوفـه=جـنـب كـل طـقـومـهـا طـقــم احـتـياطي
تـقـل ياخـذ فـي طـواريـقـه بـروفه=يـطـربـك وقــت الـمـجـاكـر والـغـلاطي
يوصلن لـديار مـن يـنـقـش كـفـوفه=الـغــزال الـلـي عـلـى الخــفـاق واطـي
ان بغـيـت عـيـونها تـشـكي ظروفه=لين طـاح الجـســم مـن كـود الـمـساطي
الحواسـد بالخـفـى تـكـثـر صـفـوفه=كلـهـم بالـهــوش جـسـريــنـن نـشـاطي
خايـفـن يـوذونـها لاقـمــت احـوفـه=وتـقــعـد الـعـالـم عـلى راسـه تـطـاطي
اشـتـكي شـوقه وتشكي نار خـوفه=وصرت يـقـطـاني عـن المحـبـوب قاطي
والـرسـايـل دوم مـاتـاصـل زروفـه=تـقـل يـربـطـهـا عــن الـغـالـي ربـاطي
والله ان القلب ضـايق وسـط جـوفه=مـن جــروحــن لا تـطـيـب ولا تـخـاطي
لاطـرى لـي زولـهـا تـنـقـل ردوفـه=قـمــت لـلـمــوتـر وخـلـيـت الـقــشـاطي
من خـفـوقـن بالهوى ترجـف رفـوفه=هي سـبـب فـرحـة خـفـوقـي وانـبـساطي
مـع دروبـن سايـقـه يـشـكي كـتـوفه=كـن فـي كـتــفــه مـسـامــيـر ومـخـاطي
نـوب دربـي حادرن وسطي جـروفه=ويـنـتـزح خـشـمـه عـن الـدرب الهـباطي
وعـقـبـهـا نرجـع ولا نـقـدر نشـوفه=مـثـل لـعـب الريـح فـي بعض الـقــواطي
مـثل عين اللي مـشـت تـتبع خشوفه=لاجـلها نـمــشـي عـلـى شـوك الحـمـاطي
في وصايف زيـنـهـا تصعب وصوفه=لـو فـعــولـه فـي خـفـوق الـصدر خـاطي
ذابـلـن جـسـمـي مـثـل تـالـي قطوفه=دايـمـن مـع هــاجـس الـخـافـق شـبـاطـي
ذقـت فـي دنـيــاي يـاعـالـم جـنــوفه=لـيــن صارت نـومــتـي فــوق الـبــلاطي

اقتباس راكب اللي لامشى محـدن يطوفـه وارد الجرمن ورى ذيك الشواطـي لو مشى الطبلون ماتسمـع بلوفـه مايجاكـر بالطريـق ولا يهاطـي بالثلاثـه جامعـن كامـل حروفـه والثلاثه هي عـدد كـل النقاطـي ماوقف بالدرب من تهريب صوفـه او حصل للزيت مع ماه اختلاطـي راكبه ياصل على حـروة شفوفـه جنب كل طقومها طقـم احتياطـي تقل ياخذ فـي طواريقـه بروفـه يطربك وقت المجاكـر والغلاطـي

عز الله ان اليجربه يعوف كل موتر بعدة



بن غسلان صح لسانك ولا هنت

شكرا لك

يسعد قلبك وفكرك الطيب ياطيب
يلبسك العافيه وصح لساااانك مليار

اقتباس المشاركة الأصلية كتبت بواسطة غموض عز الله ان اليجربه يعوف كل موتر بعدة بن غسلان صح لسانك ولا هنت شكرا لك

العزيزه غموض كل الشكر والتقدير يالعزوه00

انخرعت من توقيعك اللي تحت00

اقتباس المشاركة الأصلية كتبت بواسطة ذيب سنجار يسعد قلبك وفكرك الطيب ياطيب يلبسك العافيه وصح لساااانك مليار

ذويبان كل الشكر لحروفك النبيله

تسلم والله

الغالى


مبدع من عرفتك
صح لسانك
ولاهنت



تقديرى

السلام عليكم ورحمة الله وبركاته

ابو فهد من زمان متحفنا ليس غريب عليك ونت من بيئه شعريه
خدمة لاالشعر وسطرة امجادا في الزمن الماضي وهائنت تبدع ابقاك الله اخوي فواز

الله الله

تسلم والله ايوفـــــــــــــــــــهــد
ايه يابعدي هذا اللووووووون الغســـــلاني

والله اني نسيته لولا هذه القصيدة الشامخة

دمت ودااام عزك يالغالي

اقتباس المشاركة الأصلية كتبت بواسطة عقاب النهار الغالى مبدع من عرفتك صح لسانك ولاهنت تقديرى

ابوضاري تسلم يالعزوه لاهنت

تحياتي لك

الشاعر القدير رااااوي الجبل

فواز الغسلان


حِيْنَ يَلوحُ بَرقُ قَصِيدكَـ
بِلا شَكـَ ..
تَسْعَـدُ الروحِ . . وَ تَنْتَشِي الأَحْرُفِ . .

بَاذٍخه . . . تَنْتَشِي بِهِا الأَحْرُفْ وَ تَزْدان

صح الله لساااااااااااااااااااااااااااااااااانك


كُن بِـ خ ـَـيُر

اقتباس المشاركة الأصلية كتبت بواسطة بقايا حس السلام عليكم ورحمة الله وبركاته ابو فهد من زمان متحفنا ليس غريب عليك ونت من بيئه شعريه خدمة لاالشعر وسطرة امجادا في الزمن الماضي وهائنت تبدع ابقاك الله اخوي فواز

كل الشكر والتقدير لشعورك الطيب ومشاعرك النبيله

ودي وتقديري00