[poem=font=",6,orange,normal,normal" bkcolor="black" bkimage="" border="double,8,royalblue" type=2 line=0 align=center use=ex num="0,black""]
الا يـاسـايـقـيــن الجـيـب كان الدرب لديارن لمـع براقه=صوب دار اللي جـحـيـمـه بالضماير صار مايـنهاطي
اصبروا مـقـدار مايـهـتـاض جـاشـي في بـيـاض اوراقه=اشتكي نـيـران جـرحـن في خفوقي صار مايـنـخـاطي
الـقـوافـي هـي عـلاج اللي طـعـونـه تـرتـكـز باعـمـاقـه=وكلما يطري بفـكـري نور قـلبي بالحـشـى تـشـتـاطي
اخـبـروه بـنـار قـلـبـي كيف ثارت مـن لهـيـب اشـواقـه=وان هجر القلب ثقـلن صار مـن فـوق الضماير واطي
ماقـدرت انـسـى عـيـونـن يـوم لـدت لـلـحـشـى سـراقـه=كن قلبي ذاق من خشم البـنادق فوق خـمـس امـشاطي
ليش تـكـشـف لـي خـدوده يـوم مـرت مـع بـيـاضة ساقه=وهي تعرف ان الردايف للهواوي تقـل لسـع اسواطي
وليش تمـشـي عـنـد عـيـنـي فـي دكاكين الهوى واسواقه=دام رمش العيـن معها شال في وصف الجمال انواطي
ودي اصبر بـس قلـبـي شـال لاجـل الزيـن فـوق الـطـاقه=ماتجيب وصوف خلي بالحروف وريـشـة الخـطـاطي
عـيـن طـيـرن شاح شوفه للحـبـاري في نـبـاء شـوهـاقـه=واعـتلى واهوى عليهن في كـفـوفـن كـنـهـا مخـباطي
شفت وسط الروض سايل والـثـنـادي تـنـتـثــر باشـنـاقه=اشـقرن زرمان جـايـع فـي هـداده بالطـريـده سـاطي
والرمـوش رمـوش ريـمـن فـي طـبـوعـه ذايـرن مطـفاقه=ترتعي نابـي فـيـاضـه فـي خـلاه وتـكـره الـمـهـباطي
مهرتـن محـدن عـسـفـهـا مـثـل غـيـره من عسيـر اخلاقه=ومن عسفها صار يفرق عن ربوعه بالمسير اشواطي
اشـهـد انـه صاب روحي فـي بـعـاده واصبحت مـنـعـاقـه=وان هـجـر الـزيـن لقلـوبـن تـحـبـه ياجـمـاعه خاطي [/poem]
العرض العادي
