ردوا علي وضحولي نواياه

قصيده غزليه لشاعر بندر من غزليات زمان


[frame="1 98"]ياعلي وين اللي عيوني تمناه=اللي ليا سجيت ساعه طرالي
اللي غدى بالقلب والجسم خلاه=حكمه علي ابقى من القلب خالي
ياقسي حكمه ياعلي ماقويناه=أعلن قراره مادرى وش جرالي
وان كان يدري قاسي القلب مااقساه=مانيته ياعلي ينظر بحالي
ياواصلينه كان منطوقي اوحاه=هو ويش مردوده الى جا مجالي
ان كان مايشعر بشين شعرناه=وشبه خياله يقترن مع خيالي
ردوا علي وضحولي نواياه=ياليت محبوبي يجاوب سوالي
ليته يجاوب ويش في قلبه اخفاه=اربي افهم ميلتي من عدالي
ثم قال كل اللي نظمته سمعناه=لكن ويش اغواك مالك ومالي
وراك تجرحلك عيون(ن) مشقاه=من دونها قد صر حدب المحالي
لو في يدينا شي حنا فعلناه=لكن مربوطين ربط الحبالي
اقنع بمقسومك وحنا رضيناه=ولاحدا لمقسوم(ن) لغيره ينالي
ثم قلت كل اللي ذكرته فهمناه=لكن عيا القلب ماهوب سالي
ياقلب ريح خل عنك المعاناه=لافات فايت مايسر الجدالي
مالك ومال اللي ودادك تناساه=خله يروح وسج لو كان غالي
عساك تلقى فالقبايل حلاياه=وتصير مسرور(ن)ويرتاح بالي
عنده ظروف ومنه عذره قبلناه=والبيض واجد كاملات الجمالي
ثم قال قلبي كيف ومنين ابنساه=وانا معه مشدود شد الحبالي
انا ماابي غيره ولا غيره اهواه=هو منوتي من لابسات الشيالي
مالله خلق مثله ولا مثله انشاه=سبحان خلاقه عزيز الجلالي
لكن قله عن كلامي ومعناه=قله عليه معلقين الامالي
وان كان عذره حبل شخص(ن)تحداه=ياما قطعنا من قوي الحبالي
واليوم انا حيران والفكر مالقاه=بين الحبيب وبين قلب(ن)غدالي[/frame]

وسلامتكم

منقوله للامانه

[gdwl]ياواصلينه كان منطوقي اوحاه=هو ويش مردوده الى جا مجالي
ان كان مايشعر بشين شعرناه=وشبه خياله يقترن مع خيالي
ردوا علي وضحولي نواياه=ياليت محبوبي يجاوب سوالي[/gdwl]

الوافي
لاهنت اخي على النقل الجميل

اشكرك نور الدنيااا وفقك الله على مرورك الكريم

كل الود

هلا وغلا الوافيـ ..

ابيات غزلية قمة في الروعه

يسعد قلبك ياغلالاي ..

محبتي / عشوقـ

وراك تجرحلك عيون(ن) مشقاه=من دونها قد صر حدب المحالي
لو في يدينا شي حنا فعلناه=لكن مربوطين ربط الحبالي

صح لسان قايلها وسلمت يدين ناقلها

الوافي يعطيك العافيه

[align=center]الوافي

قصيدة رائعه ..


وأبيات جميلة


شكرا لك[/align]

الوافي

(
)

قصيده رائعه

لاهنت على النقل الرائع