ملحمة الزميل من سنجاره لابن غسلان

[poem=font=",6,white,bold,normal" bkcolor="black" bkimage="" border="double,8,orange" type=2 line=0 align=center use=ex num="0,black""]

يـقـول الــذي بـمــدوح ربـعــه مهــو مجـبــور=او انـه يـقـول الـلـي بمجـد الـعـرب ما كان
ولا هـاض جـاشـي فـي جـزيـل الـمـثل مخبور=يجـي كاملـن مافـيــه زود(ن) ولا نقـصـان
وانا فـي فـعـول اولاد الازمل نـظـمـت سـطـور=وتاريخـهــم يحـتــاج خـمـسـة عشر ديوان
جـموعـن الـيـا سارت مع البـيـرق المنـشــور=تلاطــم تـقــل موجـن بدخـلـة شهـر نيـسان
كـفـوفــن نـداهـا بالــصـخــى دايـمــن منـثــور=وعـنــد الـوغى ترمي ولا تخـطـي النيـشان
ومـن عــال حــول اولاد الازمـل وقـع مثـبــور=ويلـقــى بـهــم ناســن تسوقـه وهـو منهان
سـباعـن رعــت دار الـمـعـادي بـدون سـبــور=يهيلك جـحـيـم قــفــوشـهــم داخـل الـميـدان
تحـت بـيــرقــن يلـفــح الـيـا زرفـل المـظـهـور=بـرايـة سـلــيــل عــبــيــد وزمـيــل وثـنـيـان
موارث سعد شيخـن رفـض خـاوة المـسـطـور=وقال الـثــمــن قــدح الـفـتــايل مع الغـلـمان
سمي الـفـهــد واف الـعـهــد لـيـن نفخ الصور=ولـه وقـفــتــن تـفــتــح قـفـولن على البيبان
لـه الجـود طـيـب الـعــود والـمـاقــف الـمـاثور=حـمى الناس وقـت الباس عن ثورة النيران
ذرى الضيف ضد الحيف والزيف واهل الزور=وله قومت(ن)تطرب حـشى الحاير الولهان
خــذى شـيـخـتــه مـاهــي جـمـالـه ولا ديكــور=ولكـنـهــا قـصــرن قــديـمــن عـلـى عـمـدان
وعـمـدانـهـا كــف(ن) بسـيــل الـنــدى مغـمور=وماضـاع وقــت الـصـوم حـطـه قـبل شعبان
شرى الـطـيــب ناب الـذيـب لا دفـلـج المذعور=هو الشيـخ وابن الشيخ شيخـن تلى شيخان
شـيـوخ الـنـدى ضـيـم العدى شـمـعة الديجـور=تقـود الجـمـوع السـبع والخـيـل والـفـرسان
ومـعـهـم دعــوج الـطـيــب شـيــالـة المكـسـور=وصار الـمـثـل يضرب عـلـى خــوة الشلقان
هل الـقـفــش والـبـنــدق هـل الرمي والشرشور=وفي بـنـدق الكاسـب لمجـد العـرب عـنـوان
مع الشـيخ ابو كاسب عـبـكـلـي صليب الشـور=ونخـوة خـلــف حـشـاش والشيخ ابوسلطان
ومع فعل اخو وضحى قصيدن يـفـوح عـطـور=على الصدق يكشف صايب الراي والغلطان
ويـوم الـــرواويـــه شـبــع راعــي الـمــنــقــور=وبـارود ابـن داثــان والـلـي فـعــل خـشمان
لـهـم سـبـع فوق اهــل الـمـراجـل بدون قصور=ومن يطـلـبــه يـزهـم عـلـى نـمـرة الغسلان
غــدو جــوهــرة شـمــر مع الـمـسك والكافـور=والامـداح ماتــزهــى الـخــلايـق بـلا برهـان
ومع جمـعـهـم جمع(ن) مقـامه بـروس الـقـور=معـه تـاج مـرصـوعــن عـلى هـامة النبهان
حـروف الـذهــب بأخــوان مـيـثـاء وحـبره نور=ويكـفـيــك قــول الـلـي لـقـى بالحـفـر مزبان
عـيــاده وهـايـس والـدمـانـي شـفـى الـمجــدور=تـواريخــهــم بــدر الـغــداري الـيـا مـن بـان
ومـيـقـافــهــم بالـعــامــريــه شــبــيـــه الـســور=وبالـصـدق مانجـحــد ثـنــى ربـعـنـا الجرذان
وحــواس مـع قـاســم وجـلــبــاخ تـقــل نـمــور=ومعـهــم حـسـيــب الـلـي هـداده تقل شيهان
وفـيـهــم حـكــيــم الـشـعــر كالـخـايع المـمـطور=فـهـيــمــن نـظـم شـوره لنصح العرب قيفان
وفـيـهـم ولــد طــارش سـقــى جـاره الـمـقـهـور=سـقــى ذود جـيــرانــه وذوده وقــع ضميان
وكان الـدهــر جـمــره كــوى جــانـح العـصـفور=تـرى الـريـف مزبان الجـياعا على الشـدفان
ومن قـــال انا ضــوي فــهــو بالــنــدى مـذكــور=ونـسـل الـهــريـش اللي بهم سلوة الجـيران
وابن غـصـن بجموع الـسـعــد كـنـهـا الـطــابـور=مع اولاد الازمـل كـنـهـا الـمـسـك والريحـان
ومع جـمـعــهــم ســارت ســلايـل وســاع الـدور=تـداحـم بـهـا روس الجـمـاعـه مع الـضيـفان
جـمــوعــن مـع ابـن سـمـيــر له بيـرقن منصور=وريح الصخى يسـري ورى سربة السلـمان
وبالــعــرق يـوم الـرمـي كــنـــه لـهـــب دافــــور=ظهـر فـعـل ابـن هـادي وصولات بن عردان
ومـن بـيـنـهــم بـدعــي جــوابـه تـقــل ســاطــور=وخـمـسـة صواريمــن تسلـسـل من الربضان
ومن يمدح النمصان واهـل النقـى معـذور=جموعن لها شيخن يسمـى ابـن لحيـدان
ونسل الغوينم حـازوا الماقـف المشهـور=وموارث لحيدان الصـوارم مـع النمصـان
ومن راح له ذود(ن)وقلبـه وقـع مدمـور=بفزعة ربوع الصنخ عـادت لـه الذيـدان
زمـيـل الـصـخــى قـصـرن بـمـجـد العرب معمور=ومـن دونهـم ظـلـعــي قـــديـمـن مع الـذرفان
ومن يـزبـن الـشـيـحـه رقــى فــي جـبــال الـطـور=هـل الـمـوس والـدبـوس للــعـايـل اللي خـان
وجــيــرانـهــم عــاشــوا بـروضـن زهــاه زهــور=ابا قـــريـن قــدام الـنــشــامـى رفــاع الـشـان
وفـيــهــم عــيــال لـويـش بالـجــمــع تـقـــل بـدور=من زمـيـل ثــم سـهـيـل ولـويـش من شرهان
وعـاداتـهــم حــيـــل(ن) وقـع جـزلــهــا مـنـحـور=ويشهد لهم حي(ن) على الـغـرب من صديان
وفــي قــربـهــم نـسـلــى ونـامــن دروب الـجــور=وبـربـاعــهــم كــنــي وســط رفــة الجـــربـان
عــيــال الـهــيــالا جــنـــة الـخــافــق الـمـجــمــور=وبسـيـوفـهــم راع الخــزى يلـعــن الـشـيـطان
جـمــوعــن مـشــوا فــي راي كـل ابلـجـن منعـور=وعــــاداتـهـــم ردة ديــونــه عــلــى الـــديــان
وشالـوا حـجــيــج اهــل الجـبــل والـزمـان حـرور=عــقـب سرقـة ركاب الجـماعـه ورى الوديان
يـسـوق الـزمـيــلــي نـاقـــتــه طــايـعــن مـســرور=لـغـيــره ويـمـشــي لـلـحــرم والـقــدم حـفــيان
وانا لــو بغـيــت احـصـي فـعــولــه نـثــرت بحــور=وعــديـت لـي فـعـلــن زمـى عـالـي الـظـلـعان
ومـن يذكــر اهــل الـطـيــب والـمــرجـلــه مـاجـور=وبالـكــذب ماتـلـــزي بـيـــوتــن بـلا سـيــسان
الا يارجــالــن عـــلــمـــهــا مــن ورى الــخــابــور=ويا لابة(ن) وقــت الــوزى تـشـبـع الجـيـعـان
ويا لابـــة(ن) شـــادت بـوســط الـكـــرام قــصــور=وياســربــة(ن) ذيـبــه رقــى نـابــي الجــيـلان
واريـد الـسـمــوحــه يـاشـفــى الـخـاطــر المـمرور=اذا مــا نـسـيــت وآفــــة الــراوي الــنــســيـان
وهـــذا ســلام الـلــي بـربـــع الــــنـــدى مــاســـور=ولـــو غــبـــت قـولـوا يـرحم الله ابن غـسلان[/poem]

ا- سليل عبيد هو الشيخ فهد بن عبيد ابن ثنيان0

2- سعد هو ابن ثنيان الاول الذي رفض دفع الخاوه لابن وتيد 0

3- ابوسلطان هو الشيخ مياح بن فالح شيخ الشلقان 0

4- اخو وضحى هو غريب الشلاقي 0

5- اخوان ميثاء هم النبهان وهم(الرخيص والخمسان والشمروخ والضو والعماد)0

6- جلباخ راعي جرافه من عقداء الرخيص وحسيب هو ابن منزل من عقداء الخمسان0

7- حكيم الشعر هو ابوزويد 0

8- ابن طارش هو سمير بن طارش الصلعاء الخمساني اللي منع نياقه عن الماء

لكي يسقي نياق جاره الرويلي لين رمن المعاشير من العطش 0

9- الشدفان لقب للشمروخ 0

10- الهريش شيوخ الضو والغصن شيوخ الابي سعد وهم مشهورين0

11- بالعرق اقصد قول الشاعر:

[poem=font=",6,white,bold,normal" bkcolor="black" bkimage="" border="double,4," type=2 line=0 align=center use=ex num="0,black""]
ياما جرى للنظى قبل امس=بنـقـيــرة العرق من غادي
يالبيض يامخضبات الخمس=شومن لبرجس وابن هادي[/poem]


12-اللحيدان شيوخ النمصان والغوينم من فرسان النمصان 0 وربوع الصنخ اقصد كاتب الصنخ الشهير

وربوعه هم جماعته النمصان 0

13- الشيحه اهل الدبوس وشيوخه ال اباقرين 0

14- اللويش هم عيال لويش بن شرهان بن سهيل بن زميل 0

15- شيلة الزميل لحجاج حايل عندما سرقت ركابهم وهي مشهوره للجميع0

16- ظلعي مع الذرفان لان الجميع يعرف صداقتي القويه معهم لذلك ماحبيت

ان امدحهم لكي لاتكون تهمه علي نظرا للصداقه 00

17- الهيالا لقب للزميل وكذلك اولاد الازمل 0

يعطيك العافيه ابو فهد

وصح لسانك

تحياتي .. ابو فهد

[align=center]
يسوق الزميلـي ناقتـه طايعـن مسـرور
لغيـره ويمشـي للحـرم والقـدم حفيـان
وانا لو بغيت احصي فعوله نثـرت بحـور
وعديت لي فعلـن زمـى عالـي الظلعـان
ومن يذكر اهل الطيـب والمرجلـه ماجـور
وبالكـذب ماتلـزي بيوتـن بـلا سيسـان
الا يارجالـن علمهـا مـن ورى الخابـور
ويا لابة(ن) وقت الـوزى تشبـع الجيعـان



ابو فهد صح لسانك
انا اشهد انك كفيت ووفيت
لاخلا ولاعدم يامبدعنا
[/align]

اسعدك الله يالطربه ابو فهد
يشهد الله
انك نابغه ماشالله عليك

اقتباس: المشاركة الأصلية كتبت بواسطة عاشق حائل    يعطيك العافيه ابو فهد وصح لسانك تحياتي .. ابو فهد

شكرا جزيلا عاشق الليل لاهنت يالعزوه

تحياتي لك

بيض الله وجهك يافواز رواينا الطيب
ماقلت من رواياتك
امام المجالس الا وقالو نعم هذا لصحيح

ابو فهد صح لسانك على الابيات

ياهملالي يابو فهد يلوموني فيك
يعطيك العافيه ابو فهد

وصح لسانك

اقتباس: المشاركة الأصلية كتبت بواسطة نورالدنيا    [align=center] يسوق الزميلـي ناقتـه طايعـن مسـرور لغيـره ويمشـي للحـرم والقـدم حفيـان وانا لو بغيت احصي فعوله نثـرت بحـور وعديت لي فعلـن زمـى عالـي الظلعـان ومن يذكر اهل الطيـب والمرجلـه ماجـور وبالكـذب ماتلـزي بيوتـن بـلا سيسـان الا يارجالـن علمهـا مـن ورى الخابـور ويا لابة(ن) وقت الـوزى تشبـع الجيعـان ابو فهد صح لسانك انا اشهد انك كفيت ووفيت لاخلا ولاعدم يامبدعنا [/align]

مشرفتنا الغاليه نور الدنيا هلا وغلا ويستاهلون الازمل

تحياتي لك

يعطيك العافيه فواز
على هذه المشاركه
قصص وغيرها لايجيدها الا فواز

كفيت ووفيت

راعيها يافواز الغسلان
صح لسانك وبنانك يابعد حيي تاج راسي والله الله لايهينك يالعزوه

[align=center]راوي الجبل

ابو فهد


لاهنت وبيض الله وجهك يالطربه

وصح الله لسااااانك ونعمين فيك وبالي ذكرتهم



لك الغلا[/align]

اقتباس: المشاركة الأصلية كتبت بواسطة جبلاوي    اسعدك الله يالطربه ابو فهد يشهد الله انك نابغه ماشالله عليك

جبلاوي حياك الله وتسلم يالعزوه لاهنت

تحياتي لك

يعطيك العافيه ابو فهد

وصح لسانك