فزعتكم يالربع اتمنى تساعدوني

مساكم اللهـ بالخير

مالكم بالطويلهـ

بعرض لكم قصيدهـ واتمنى تعلموني صاحبهااا ضروري


ياهجوسي ورديني بالهوى حوض المنيه
نوّخي ذود الهموم العوب في عوج المحاني


واسهجي فكري على القيفان يم ارض ٍ خليه
العوض في مسامر القمرا ولا قطعة زماني


ماوطيت النار من طوعي مادام النار حيــّه
لعنبو حظي يطيع ومير هالمره عصاني


كل ماجيت اشتكي همي كواني ألف كيـــّه
ولاهجد لارحم أبو مجناه عوّد ثم كواني


البليــّه ياعرب والله ماغيــــــــره بليــّه
أن تركته ماتركني .. وان رجيته مارجاني


ياعرب وشهي سوات اللي عشق بنت بدويه
حطت النيشان في صدري وبارقها رماني


لا ربت يم الحجاز .. ولا وطت نجد العذيه
لاسكنت أرض الجنوب .. ولا نصت درب العماني


حايـليه لعنبو من لا عشق له حايليه
أشهد ان دنياي زانت عقب ماخلي نصاني


صوتها لامن دعاني كن جوفي به حميـّـه
يفزع بنبض العروق أليا سمع خلي دعاني


عينها القايد وانا كلي لها مثل السريه
ان رفع بالصوت ياجندي ألبــّي بأمتناني

وان وصلته اجمع الرجلين وادق التحيه
وان لحظني برمش عينه أنحدر باقي كياني


كن مابيني وبين الزين قوّه جاذبيه
حالف ٍ قلبي على طاريه مايوم يعصاني


شامخه مثل الجبال و زينها ماشفت زيـّـه
مايوصفها قصيد .. ولابيوت .. ولا اغاني


وعزها عز الشيوخ اللي على الشيمه وفيه
وخصرها لامن تثنى شبه عود الخيزراني


شعرها مثل السفايف لا اعتلت ظهر المطيه
منه ريح العود ينفح لا وصلني ثم غشاني


منبهر .. ياقوة الله في تواصيف البنيه
لو بعدد بالوصايف طول عمري مامداني


طالبك يالله يارحمن ياجزل العطيه
أتغفر للمودماني عن خطايا المودماني


اللي يع ـرف الشـآع ـر يقولي من هو ..

سلام

مشكوره والفزعه انها لحايلي ولكن اسمه لاعرف

ادري انهااا لحايلي اكيد بس ابي الاسم

الي عندهـ يفدني تكفووووووون لاهنتوو طبعاا

حياك نادرة الووجود
اعتقد يعلمك بصاحبها فواز الغسلان هو راوينا هنا
لو ارسلتي له يفيدك

صح قلبك على النقل
والبحث جارى مع انه مو دليل تكون
لواحد من حايل مع انى من حايل


تقديرى

تسلموووون ماقصرتوواا


بداح

الله يحييكـ اخووي

وبالنعم بفوااز الغسلان بس ماادري ااناا جديدهـ واستحي ارسل صراحهـ>>الحيا ذابحهاا

بس اذاا تموون يالييت تخليه يشرف بهالموضووع واذاا عندهـ افادهـ يفيدني




عقاب النهاار

تسلم خيوو وانتظرك اذاا حصلت الاسم

وعواافي جميعاا

هذي لي يانادر وجودي
ههههه
لا امزح بس بسالك عنها

تسلم والله

ولازلت انتظرر

محد حصل لي صاخب القصيدهـ؟ّ!!

للحين محد حصل؟>>فيس يتعبر