حيرانه بالامر وابي رايكن

السلام عليكم ورحمة الله وبركاته
اقول ياغاليات
اتوقع ان مصيبه بتحصل
وحبيت اخذ رايكم
وانتن تعرفن قصدي مصيبه الحرمه ان زوجها يفكر بزواج
وهذا الي مانمت والله من هالي سمعته
سمعت من اهله ولا سالته مدري وش سايو ياغاليات
والي يخلي نواف مالي الا انتن بهذا قلت اخذ رايكن
واعذرني كتبته غصب من الي قاهرني

ام نواف ياقلبي انتي تاكدي منه اول قبل اهله
وشوفي رده لاتستعجلي بشي
ربي يوفقك يارب
ويهدي الرجال ان مالهم امان

اكيد قابلتي النت ونسيتي زوجك واهملتيه
راجعي نفسك واجلسي مع حالك وقولي وش ناقصني وليه وصل بتفكيره انه يعرس
كانك اهملتي حالك واهملتي رجلك تداركي الموضوع وغيري من حالك للاحسن
جددي حياتك وشكلك واهتمي بنفسك اكثر
وبعدها باسبوع او عشرة ايام اساليه قولي سمعت انك ناوي تعرس وش قصرت معك
لا تسالينه وانتي مقصرت معه
وعلمينا وش يصير معك

ياربي وربي بكيت
باي

ام نواف ياغاليه الرجل له اربع نسوان
مافيها شي
ولكن حاولي فيه وربك يريد الخير

ربي يسعدك ام نواف
ماعرف ايش اقول والله

يالغاليه
ردي برساله خاصه ياليت تقرينها
الله يهدي سرك ويوفقك ويسعدك يارب

..ياقلبي قلبتس ..يا ام نواف تدرين قلت لامي تقول مالتس غير الصبر ..

واذا علي تأكدي اذا الكلام صح اخلعيه بس بدل الرجل عشر هههههههههههه <<مامعه وقت هههه

..دامتس مؤظفه وتقدرين تقومين بنفستس من ناحيه الماده طلقيه ههههه حلوه طلقيه ههههههه

..حنا ليه نعرس ..!!

نبي العاطفه ونبي الماده ..دام مانلقى عاطفه وش نبي بالعرس حنا ما تركنا اهلنا ..وحريتنا

علشان نتعذب ويؤخذ علينا ..حنا نبي الي يعزنا ويكرمنا ويعوضنا الحنان والعطف علشان ..

نصون انفسنا عن الحرام ..دام هذي تاليته ..بدل الرجل عشر ..

ياحيي احس الرجال الي يبون يقرؤن كلامي كل واحد منزل عقاله وعض السانه خخخخخخخخخخخــ

ام نواف الله يعينتس ويوفقتس ويفتحه بوجهتس وان شاء الله تكون مجرد ظنون

الله كريم ولا تنسين الدعاء بالثلث الاخير ان يسخر لتس زوجتس ولا يشوف غيرتس ..

الله ما يرد عبده لا رفع يدينه وقال ياودود ياودود يا مغيث ...

تفكير غريب !!!!!!!!!!!!!!!!!


حورية خاصة !!!!!!!!!!

مع أني عزابي ،،، ولكن الي اعرفة إن الرجل لا يتزوج إلا فيه سبب !!!!!!

وأغلبه يكون مو مرتاح !!!!!!

وبالتوفيق

البيوت اسرار ومحد يعلم فيها الا رب العباد
اجلسي مع نفسك ياغاليه وفكري
ليه فكر يتزوج غيرك
واكيد بيكون الحل عندك و مش مع غيرك
ربي يسعدك

اختي ام نواف احسن حل هو الحوار هو زوجك ليه ماتحاوريه وشفيها
لكن حاوريه بطريقه هاديه لانه ممكن يطلع الخبر مو صحيح
خصوصا انك سمعتي الخبر عن طريق الحريم وسوالف الحريم معروفه اغلبها فبركه ليس الا
واذ قرر يتزوج وتاكد الخبر ما انصحك تتهوري عشان ولدك نواف

تعقيب \ الزواج من امراءه ثانيه لايعني دائما ان الزوجه الاولى جاء منها تقصير او وجد منها عيب
هذي طبيعة الرجل والله عارف طبيعته عشان كذا حلل اربع له ماقال اذا واذا لقيت تقصير او عيب بزوجتك تزوج الثانيه

أم نواف

(
)

شوفي ياغاليه .. الرجل إذا سألتيه مستحيل يعلمك الا بعد مايملك

لكن إذا أنك ملاحظه على تغيرات يمكن السالفه صدق .. أما أنك سامعه السالفه من أهله

فأقولك لاتخربين بيتك بشكوك يمكن مالها أصل

نرجع لمسألة أنك حاسه بتغيرات على زوجك

ياغاليه حاولي تغيرين بشكلك ولبسك وتهتمين أكثر بأناقتك

حاولي تغيرين ترتيب غرفتك او تضيفين لها بعض اللمسات الرومنسيه

أكيد أن شاء الله أنك تكوني فاهمه علي

وبالنهايه الرجل إذا حط شي بباله مستحيل مايسويه .. الا إذا وجد من زوجته كل اللي يبغيه

وربك مايخذلك ياغاليه .. إلجأي لربك

ماتشوفين مكروه إن شاء الله

[align=center]

ياعيني عينك ياأم نواف
والله لوبيدي فزعت لك وفلقته
بس مدري وش اسوي
ولاعندي اي تجربة اقدر انصحك ولكن
انصحك بالثلث الأخير من الليل
اطلبي ربك يكتب لك وله اللي فيه الخير
وربي الوحدة ماتدري وين الخيره فيه
بس مجرد التفكير بالموضوع يذبح
لكن تدرين؟؟؟>>>بإذن الله ماراح يسويها
تراهم خوافين


[/align]

مالهم امان ابد ربنا يوفقك ويخليك دوم بسعاده

ياربي وش هالتحطيم كانها هى المقصره
من الى قريته كأن الحق عليها وهذا دايم الى نشوفه بحياتنا
لما الواحد يفكر انه يتزوج او يطلق الضحيه بتكون المراه على طول حتى لو كانت مظلومه
وبعدين مو شرط تكون الزوجه مقصره معه او هو مو مرتاح ليه مايصارحها ويبين لها غلطها او يلمح بتقصيرها بس هذولا الرجال مالهم امان وعينهم فارغه وبعضهم ينحطون عالجرح يبرى وهذولا قله
اسمعى اختى انتى الحين سمعتى من اهله الله اعلم يمكن يكذبون عليكى او صادقين وهو مخلى الموضوع بينه وبين اهله محد يدري بما انى ماتزوجت للحين بس راح اقولك رايي ونصيحتى بما انك طلبتى نصيحه اسمعى لاتقولين له انه بيتزوج او انك سمعتى من اهله ولا تبينين له اي شى مهما كنتى مقهوره يمكن حركه بيسويها عشان كلما زعل او جت براسه بيفتح موضوع زوجه ثانيه ولا تفتحين الموضوع قدامه نهائي انتى وشطارتك حاولى تغيرين شوى بنفسك وبحياتك بدون مايشك لانك لو بالغتى راح يقول خافت ولاتنسين تدعين وتصلين فى الليل وتطلبين ربك لان الرجال لو بغى يتزوج وطقت فى راسه يتزوج بدون مايشاور احد حتى لو كان فى السر خاصا الحين منتشر الزواج الثانى والثالث وبالسر بعد اهم شى انك تصبرين وشوفى اخرتها معه اذا سواها من جد وتزوج الله يعينك ياانك تضلين فى بيتك وتكملين حياتك وتصبرين او انك تطلبين الطلاق وترجعين لااهلك لو انى مكانك بضل فى بيتى عناد فيه وما اطلع منه الا مزاجى وياما رجال تزوجو وفشلو لان محد يتحملهم غير زوجتهم الاولى ورجعولبيتهم ولعيالهم ربي يوفقك ويسعدك بحياتك ياارب
وان شاء بدعيلك بصلاتى انه مايتزوج عليك ويسعدكم مع بعض ويبعد عنكم كل حاسد واذا كنتى تروحين لاهله كثير قللي روحاتك عندهم عن وجع الراس مرات الزيارات مايجى منها غير وجع الراس...
ادري طولت ,,,ههههههههه بس قلت ادخل الموضوع وما اقول رايي ....

طمنينا وش صار معك..
موفقه يالغلا