[poem=font=",6,black,bold,normal" bkcolor="white" bkimage="" border="double,7,darkblue" type=2 line=0 align=center use=ex num="0,black""]
يالـيـت للخـافــق عـن الــشـوق مجـلاز=يمنـع هـمـومـن ذقـت منها اللـعـاويز
من صاحبـن رمشـه طـعـن قـلـب فـواز=تـسـري رمـاحـه للـضمـايـر مجـاويز
ويلعب على الخافـق تقـل لـعـب جـنـباز=وان طبت يرسل لي من الغبن تعويز
تسري هجـوسه من ورى شـط الاهواز=وتشـفـط معـاليـقي بروس الـبـراويز
اوجس لهـيـب الجوف شيحـن على قاز=والـيـا طـفــت جـتـني رماحه مكـازيز
حاولت اجـوز وطـيـف الاحـبـاب ماجـاز=عـجـزت اخـلـي ناعـمـات الـبـزابـيـز
جــاهــا كــلام الـلــي لـلاجــواد هـــمــاز=واغـلـق بوجـهـي واسعـات الدراويز
طـاوع هــروج الـلـي لـلاعــراض نـبـاز=واصـدر بنا حكم السهر دون تميـيـز
والــعـــذر عــنــا خـافــي مـثــل الالـغــاز=ومحـدن يسافـر دون شاره وتفـيـيـز
مرفـوض في فـتـوى المشـايخ وابن باز=والـظـلـم مالـه عـنـد الاجـواد تعـزيز
واصبح وصال الزين في درب الاعـجاز=ياويل من يمـشي على غـيـر تركـيـز
انـا لـــوصـــل ام الـتـــنــانـيـــر معـــتــاز=لاشــك مـن دونه قــفـول ومجــالـيـز
ولـو كـان طـبـعــي مع هل الغـدر منحاز=خـلـيـت حـاجـات الـضـمـاير مناجـيـز
جـسمه سحـرني فـي رهـيـفـات الاجـنـاز=وصـدرن تـتــكـه ناعـمـات الـبـلالـيز
تـشـكي غــثـى ردفـن مع الـمـشي هـزاز=يودع خــرز ثـوبـه وراهـا مـنـاقــيـز
شـالــت خــفــوقــن قــام يمـشـي بعــكــاز=وتجـدع ورى فـواز عـشـرة فواويز
ان سـولـفــت جـانا حــلا الـهـرج بأيجـاز=وتلـبــس ثـيـابـن زاهـيـاتـن مطـاريز
من شـفـت نور الـعيـن لـلـسـوق مجـتــاز=وصارت عيوني في عـيـونه مغاريز
كـــن الـنــواظــر مـن غــنـــاديـر شـيـراز=وعن لاهب الجوزاء سكن بالدهاليز
عـيـن اشـقــرن مع شـوفــة الصيـد نـزاز=بكـفـوف شـيخـن من ثقـال المراويز
ماضــاع وســط الـعــمــر لـلــمـال كــنــاز=يعـطـي ويغـنـي لـه نفـوسن معـاويز
والـعـــطــر فــايـح واردن عـــنـــد قـــزاز=لا فـاح زادت بالخــفــوق الـمـراميـز
جـسـمـن وتقـديـره مـع الـبـيــض مـمـتـاز=ولا ضاحكـت غـيـره بكـثـر المغاميز
حــبــه خـرز وســط الـضـمــايـر بمخــراز=وخــلا نـوافـــذنا لـغـــيــره مـقــازيز
دونــه رجــالــــن ماتــقــــارب وتــنــهــاز=وحـظ(ن)عـثورن ضاري بالمقـاميـز
يطــرد فــرح قــلـبـي بـشــيــنـات الابـواز=ويبحث لـغـيـظـي كـاويات الـمهـاميـز
يـسـقـيـن مـن غــيــظ الـلـيــالي بالاكــواز=وان ضقت زاد الغـيـظ خمسة قلاويز
وصار الخـفـوق لـطـايـر الـغـبــن مـغـزاز=من جـور طـعــنـاتـن لجوفه مراكـيـز
مـتــى يـغــادر فــي سـريـعـــات الابــنــاز=وتنهـض عـظـامـن طـايحاتـن معاجـيز
ويـفـــوز قــلــبــن بـاول الـعــمــر ما فــاز=وافـرح بقــرب الـلـي نهـوده مـبـاريز[/poem]