[poem=font=",6,orange,bold,normal" bkcolor="black" bkimage="" border="double,8,darkblue" type=2 line=0 align=center use=ex num="0,black""]
قال من صاغ القـوافي وغـاص بحـورها=ولاطـرت لـه حـايل الـمجــد شـال اشعارها
الـضـمـايـر بالــقــوافــي تـدور سـيــورها=فـي خـفــوقـن بالـقــوافـي يـنــال اثـمـارها
لانـوى جـزل الـقـوافـي كـسـر طــابـورها=واذعـنــت بـمـدوح حـايـل تعــزف اوتارها
جـاب جـزلات الـمـثــايـل وعاف كسورها=وكـلـمـا تـصعــب قـوافــيـه زان احـضارها
لاحـضـر بـدر الـقـوافـي محـى ديجـورها=وان طفح جـاشـه بحـايل غــدى بـيـطــارها
حايل رياضن يجـيــنـا عـبــيــر زهــورها=والصخى والطـيـب يجري بوسط اسوارها
حايل الـعــزه والامجــاد طـول عــصورها=ومن كفوف اهل المراجــل تسـيـل انهارها
حـايل الـتــاريخ يـرقــد بـوســط قــبــورها=وانـشـد اللي بالــتـــواريــخ حــاز اخـبارها
انـشــد الـلـي حـاف جـالـه وذاق مـرورها=عـن سيوفـن يجهـل الناس غيب اسرارها
كان واشـنـطــن تـفــاخــر بكـثر قـصورها=او نـواطــيـح الــسحـايـب وطــول ادوارها
تفـتـخــر حــايـل بحـاتـم وطـيــب جـذورها=مع سبـاعــن تغــلـي اللـيـل في مشــوارها
وتفتخرباللي رجى الناس فـضـل خـيـورها=والضواري من سـبـاعه تهـاب اخـطـارها
وفـي رجـالـن بالـلــوازم تـدوس شـرورها=لاغـدت بـيـض الـعــذارى تـشـوح خمارها
وعقب حاتم جــت رجـالـن وشالـت دورها=لـيـن شـاعــت بالـقــبــايـل لــذيـذ اذكـارها
مثل من عــشــى ذيـابـن شـكـت بدهــورها=والــذيـابـه بالــمـهــونه تـعــاف اعــمارها
راح لـبــيــوتــن بـعـــبـــده يـذري ســورها=عــن لـواهـيـب الـثـــريـا عـلـى مصهارها
قــام لـلـخــاطــر مكــازي شـبـيـه نـمــورها=ومن حـلاله حــط لـلـذيـب جــزل خـيـارها
لـك يـمـيـنــن يامـكـازي تـفــوح عـطــورها=وحـزت مـن بـيـن القبايل رفـيـع افخـارها
اشـهــد انـك يامـكـازي كـســرت ظـهــورها=وان كـفــك تـشـبه الـمزن وقـت امطـارها
وبالـوسـيـطاء واللحـيــدان حـــس نـجـورها=في بـيـوتـن يـنـعــش الروح ريـح بهارها
او كــرم راع الـلـحـيـســه بـعـالــي قـــورها=فوق خـرفـان الـنـشـامـى يسوق اعـذارها
شاربـن مـن نـبــع الاسـلــم وطـول شبـورها=ماشكوا ضـيـق اللـيـالي وجـور اسعـارها
من رجـالــن بالـشــدايــد عـطــت مـيـسورها=والـقـلـيــل بـعــيــن الاجــواد يمـلـى دارها
وراعي جفيفاء عطى الناس قـبـل حضورها=لـه كــفــوفــن بالـمـكــارم تـزيـل اكـدارها
او سـمـيـراء وابـن جـلـعــود يـسـكـن دورها=وابن سيـف بوسـط بقـعـاء يحـط ازوارها
ماتـنــول الـطـيـب نـفـسن شكت مخـسـورها=ولا خذى الفرسه بخـيـلـن يهاب اضرارها
وقـام بالجـنــفــا شـجــاعــن عـلى مجـدورها=وهــو عــدو(ن) له يطـالـب عـقـيل بثارها
وطاح فايز لاجـل بـنـتــن شكـت مـن جـورها=ومات مـن بـعــد الـمسافه وطـول امتارها
ياتـواريخـن بالانـــوار حــبــر ســطـــورها=وياعــقــولـن بالـشـــدايـــد تـزيـن اشــوارها
حايل سباع الـمــراجــل وكـور طــيـــورها=وهــي خـيــولــن بالـمـعــارك يـثــور غـبارها
راس أجا وركون سـلـمـى يشـعــشـع نورها=مع صـواريــم الـنـشـامى وطــيــب جوارها
ياقــــنـــاديــل الـلـــيـــالـي ونـــور بـــدورهـا=ويامـشـاهـيــب الـكـواكـب وضوح اقـمارها
ياوعــودن بالـفــــعــايـل تـمــد جـــســـورها=وياهــروجــن بالـلـــوايـح ثـبــت مـســمارها
ياقـــلاعــن بالــمـحـــبــه تـفــوح صــدورها=ويابــيــوتــن بالــمـكــارم يـطـــول جـــدارهـا
مـاتـغـــطــي طـيــب الايــام كـلــمــة زورهـا=وشمس قـيـظــك مايحـجـبـه غـلـيـظ ستارها[/poem]
العرض العادي
