قلت الوداع وجاوبت دمعة العين = تجرح بساتين الخدود الندية
وغضت وشفت بعينها الحزن حزنين = وصاحت على الفرقة أنا مو قوية
وجاوبتها أرجوك تكفين تكفين = والله دمعك يشعل النار فيه
قالت تعاهدني عهاد المحبين = الله يخون اللي يخون خوية
قلت أبشري واللي خلق لا تظنين =حرام ماغيرك عشقت آدميه
وقصت شعرها قلت انا :وش تسوين؟ = قالت أبي من غرتي لك هدية
ونادتني الغربة على الهم والبين= أحسب الأيام روحة وجية
وفي كل ليلة ترتسم بين رمشين = خيالها بين الرموش الشقية
غربة سنة في ذمتي غربة سنين = متى على الله يلتقي الحي حية
خلاص هانت مابقى غير يومين = خلاص قفت غربة جرهدية
ورجعت في خوفقي لها براكين = ورجعت انا كلي لها جاذبية
وسألت مارودوا ونا اصيح هي وين..؟؟! = وكلن نثر من داخل العين ميه
وفي معمعة حزني تلقيت رمحين = قالوا توفت غافلتها المنية
وفي غرغرتها ماذكرت غير حرفين = تشهدت بأسمك شفاة البنية
صدمة وجابتني على الأرض نصفين = وشلون راحت دون ذنب وخطية
تكفون دلوني على القبر هالحين = ماعاد فيني للصبر مقدرية
وجلست أطالع قبرها بين نصفين = وجلست أضم اغلى النصايب عليه
وأصيح وش بك ياغلاي ماتردين =أشتقت همس شفاك النرجسية
وش فيك جيت من السفر ماتهلين = ماهي بك عادة ولاأنتي ردية
وفي ظرف لحظة حاولت أجرح الدين= وأزيح تربة قبرها في يديه
وبالغصب شالوني حشا تقل مسكين = واصرخ بهم والله والله حية
ورجعت لدروب الشقى قبل عامين = مادري من اللي صار فينا ضحية
بس لحظه يامهملني وناوي في غيابك = دامك اللي ناوي الفرقا باقول اللي باقوله
انت يعني لانويت تغيب بآقف عند بابك = لا وربي تاقف الدنيا وانا تابى الرجوله
ماتعودت اتبع المقفي ولو حظرت جنابك = رح عساها خيرت(ن) والدرب لك عرضه وطوله
روح لاجابك مجيب الغيم واتركلي صوابك = جيت حلم ورحت حلم(ن) يشبه احلام الطفوله
ما انت باول من طعن هالقلب والدرب انتهى بك = ياثقل خطواتك البارح وهالليله عجوله
باغي الفرقا جعل ربي يعجل في ذهابك = بايعن قلب(ن) لك الله كنت ماتحلم تطوله
من يلومك شايفن حالك وفي بداية شبابك = طاغين تجرح قلوب الناس تحسبها بطوله
ياكثر ماكانت ضنوني دخيل الله تهابك = بس اكذبها واقول اوهام والقلب وميوله
باسئلك كم واحد(ن) قبلي هقابك واشتقى بك = انت ياللي نظرت عيونك قبل عرفك خجوله
وادرك انك تستلذ ان ذاقو العالم عذابك = مشكله والمشكله هذي بسيطه ومحلوله
كان مالفت بك الغيره مثل لفة ثيابك = قل عوافي قل مثل غيره تركته وبسهوله
واجد اللي مشتهين الوصل والخط امتشابك = كان لك جوله ترى محاكيك له تسعين جوله
لابغيت تغيب فارق لاوربي مادرى بك = شاعرن ياكثر ماتل القلوب وصفقوله
لاهلابك في حظورك في غيابك لاهلابك = رح مهف مقيط يوم مقيط ودنه رجوله
باكر ان ماشفت غيرك جا يعوضني غيابك = قل حكي شعار لاتتعرضه ياللي تقوله
تحسب اني بجي عندك وانحني لرضاك....
ورب الكون ذا بعدك ولا يمكن اسويها انا طبعي عزيزة نفس مهما دارت الافلاك بمشي ونفسي بكيفي ابد مااحد يمشيها.....
محبة..!! ماابي منك محبة لو تجي برضاك ابهجرها وبهجر كل شخص اللي يطريها..
العضو الأكثر نشاطاً هذا اليوم 
العرض العادي
