اعتذر عن الغياب واليكم هالمتواضعه
اسعد الله صباحك واسعد الله مساك=يالفتاة الابيه مرحبا يالعنود
المشاعر تترجم مرحله من غلاك=والمحبه لك الله كل يوم تزود
هي حقيقه خفوقي منهمك في غلاك=وانتي ادرى بخفوقي لاتكوني شرود
ماسكن في خفوقي يالعزيزه سواك=بنت عز ومهابه ومن رجال اسود
فيك شعري كتبته واتمنى رضاك=والقوافي شهدت لي كان تبغي شهود
كل بيت كتبته لاحشا ماخفاك=وكل بيت نظمته شجعن للصمود
وكان وقتي حداني والضروف تحداك=ماتزحزح غلانا ولايصيبه ركود
حب طاهر نصونه لو نشوف الهلاك=والليالي الجميله نطلب الله تعود
القوافي تترجم حالتي في هواك=وللقصايد معاني والعقل له حدود
جاك شعري هديه جعل ربي يحماك=جيت كلي مشاعر ماعرفت الجحود
بس لحظه تعالي عبري عن مناك=عبري عن غلانا كان وقتك يجود
العضو الأكثر نشاطاً هذا اليوم 
العرض العادي
