من غلاتك بعت ناسٍ تشتريني

السلام عليكم ورحمة الله وبركاته

راقت لي وحبيت تشاركوني بقرائتها
لا اعرف شاعرها


[frame="2 98"]
لاتغلا وانت تدري في غلاك اللي سكني ** من غلاتك كنك اللي في دلالك مشتريني

والله اني من صدفتك في طريقي صرت كني ** طفل ظامي للحنان بحاجة اللي يحتويني

كنت اطالع في ذهولي واندهاشي واذكر إني ** رحت يمك واحسب اني واقفٍ وانت بتجيني

من نظرتك في عيوني صرت احسك جزء مني ** صرت احسك نصف روحٍ غاب ثم ارتد فيني

وصار طيفك في خيالي عالقٍ ماغاب عني ** احتريه بوقت نومي واشعر انه يحتريني

وصرت احبك في جنونٍ منه عقلي يستجني ** كل ماتبطي عليه الف هاجس يعتريني

ساكنٍ كل المشاعر كل مابي لك يحني ** في وجودك لي وجود وفي غيابك ضعت ويني؟

كنت اشوفك في منامي والبسك ثوب التمني ** صرت قبله في جبينك وانت خاتم في يميني

في غرامك والله اني مستريحٍ مرجهني ** ماحسبت حساب غيرك لو تركني مايبيني

مدري اهني فيك قلبي؟والا عيني فيك اهني؟ ** من غلاتك ودي انك تلتحف باهداب عيني

لاتغلا وانت تدري في غلاك اللي سكني ** من غلاتك بعت ناسٍ بالمحبه تشتريني[/frame]

اقتباس: وصار طيفك في خيالي عالقٍ ماغاب عني ** احتريه بوقت نومي واشعر انه يحتريني وصرت احبك في جنونٍ منه عقلي يستجني ** كل ماتبطي عليه الف هاجس يعتريني ساكنٍ كل المشاعر كل مابي لك يحني ** في وجودك لي وجود وفي غيابك ضعت ويني؟

صح لسانك اخوي ولسان شاعرها
كل الشكر لك على اختيارك الذوق

مشعل الطلال

احساس راقي

ونقل جميل

احترااامي لك...

... قصيده رائعه بكل معانيها وكلماتها ...

اختيار رائع وصح لسان شاعرها وناقلها

... مشعل الطلال ...
الله يعطيك العافيه .. تحياتي وتقديري لك

شكرا على جمال حضورك الرائع

ويعطيك العافيه على مجهودك ونقلك

روعه الاختيار
صح لسان من قالها
ومشكور اخوي مشعل