۩۝۩ 12/9.. مع الحكواتي ..} عقاب النهار { ۩۝۩

}{ 12/9 }{

نرى في مساء اليوم نسيم عليل ..

حكواتي الليلة

*۩* عقاب النهار *۩*

فـل يتفضل في صدر المقهى .. للجلوس على كرسي الحكواتي ..

.. بتوفيق له ..

السلام عليكم ورحمة الله وبركاته

حلفت ماحد يقوم من مركاه كلن بمكانه
مساكم الله بالخير يالربع والربعات كلكم

اولا احب ان اشكر صاحبة الفكره على مجهوده الرائع واستضافة
الاخوه والاخوات جميع وفعلا جعلتنا اخوه ونكلم بعض وكأننا في بيت واحد


اما انا حكواتى والله من زين السوالف
الوكاد

بالنسبه لرمضان الله يعيده علينا وعليكم اجمعين بصحه وعافيه اعوام عديده
ولرمضان طابع خاص فى جميع الدول العربيه وله حلاوته فيه تجتمع الاخوه والعوايل ويكون
شهر خير ورابط للأسر وتكاتف

بالنسبه للمواقف قبل كل شى بكل من حظر وشرف هذا المتصفح بوجوده

الوكاد انى رجال تخبرون مالى مواقف لانى رجل حذر دايم جد يا هايدى

من المواقف اللى مرت على كنت باول الصيام وتونى بتعلم مثل الاهل بصوم زيهم
ان شافونى صرت مانا حليلي وان غابوا عن عيونى موذى بالعربي

المهم بيوم من الايام قال الوالد الظهر ان الما خلص عندنا نبى نروح نجيب وايت ما
قلت مشينا يالله رحنا وجبنا الوايت وبعد ما فتحنا الخزان قال الوالد خلك عند الخزان
انا تعبت بروح انام وانت لا أمتلا الخزان حاسب الرجال ولاتنسى تقفل الخزان قلت
ابشر بسعدك والله الوكاد ان الجو هاك اليوم حره بالمره امتلا الخزان ورحت
وحاسبت العامل ورجعت بقفل الخزان والا الما طافح الى غطا الخزان يعنى الما فل
والله والمس الما باصابعى والا بارد بالمره واقوم واعطيها نظره يمين ونظره يسار
والا مافيه احد قلت مابدهاش نبى نشرب ما والله والله وانا انسدح ارضا
واعطيها شرب من الما وهات ياشرب وهات ياشرب وجاز لى برد الما مانتبهت
الا واللى يطق على ظهرى والتفت والا ابوى قلت لا انا بس كذا مالكم بطوله
الشايب طول الله بعمره مردغن مردغه على كيف كيفكم

اتمنى انى ونستكم لو بعض الشى الله يونسكم بالعفو والعافيه
وعساكم من اللى يعودونه سنين عديده




اخوكم
عقاب نهار الشمرى

... هلا والله بـ عقاب النهار ...

جازلك برد الماء والله ما الومك ...

... يعطيك الف عافيه امتعتنا بحديثك الله يونسك با الخير والعافيه ... ويخلي الوالد ويعافيه

ههههههههههههههههههههههههههاي حليلك متكي تشرب اجل ..تستاهل المردغه لووول

عقاب النهار

تسلم خيو عالموقف بصراحه يضحك<<جالسه تتخيل كيف التكايه لوووووول
ومشكوره هدهد عالفكره الرائعه

تقبل تواجدي
رجوجه

والله إنك خطيررر
شربت في الوقت المناسب ..

اقتباس واعطيها شرب من الما وهات ياشرب وهات ياشرب وجاز لى برد الما مانتبهت الا واللى يطق على ظهرى

بس قهر أبوك ما صقعك إلا بعد ما رتويت ..
<< لئيمة ..

اقتباس والتفت والا ابوى قلت لا

ما فيش لا .. مكفوش مكفوش .. ما فيش مهرب


ربي يعافيك .. ويسعدك ..
استمتعت بالقصة الحلوووه ..
شاكر لك من القلب ..
لقبول الدعوة ..

طاب يومك ..

ابو نهار لو أنا منك

كان منزل الملابس ونازل سباحه

ههههههههههههههه

مازين منه تشرب وتسبح

عشان تكون الضربه على سنع

ههههههههههه

تسلم ياحكواتي ويازينك على الكرسي وانت تسوولف

شف منذر نيم وانت تسولف ههههههههههه

تسلم يابعدي حيي والله يونسك يالغلا


محبتي \ عشوق

صدق يازين الماء البارد
والجو حار ماتنلام والله
بس ياشين الكفشه لا ومن الوالد<<<<<يؤيؤ قويه
ههههههههه

ربي يسعدك
عقاب النهار
جد استمتعت بقصتك

هههههههههههههههههههههه

والله ما ألومك .. المار بارد والظهرية

بس يا زين المردغه في الظهرية

عقاب .. الله يعطيك العافية

عساك بس ارتويت قبل يمردغك ابوك عشان تصير المردغه على اصوله

ياليت من شايفك وهو يمردغك

تسلم اخوي عقاب امتعتنا بحكايتك الله يعيد عليك هالشهر ومن تحب بالخير ويخلي لكم الوالد ويطول عمره

هههههههههههههههه
والله شهيتن بالماء الله يهديك هههه
يعطيك العافيه وماقصرت يالغالي ..

[align=center]

انوار الشمال
هلابك وغلا الف الف

ويعافيك ربي



تسلمين على المرور الغاليه


تقديرى

[/align]

[align=center]

انسه رجه
ويلك من ربك
وانا على بالى رحمتينى
يسلمك ربي على مرورك

تقديرى

[/align]

[align=center]

هايدى
ياشين النذاله
ولابكم رحمه
حسوا فينى ما وعطشان شسوى


يعطيك العافيه
على الموضوع ومرورك العطر



تقديرى

[/align]

[align=center]

عشوق
والله لو سبحة طيحة رضمه ماعرف
ومع الحمى مليله مردغه

تسلم يالغالى
والله يونسك بالعفو والعافيه

تقديرى لك واحترامى

[/align]

[align=center]

مناهى
اى والله ياشينه
بس حظيظ انا وقعت به

يسلمك ربي



تقديرى

[/align]