منك العذر وعلي المعذره @@ لاتحسب حساب هجر ولا هجير
كـل ذنـبِ بتذنبـه بستغفـره @@ واحـدِ مايعـذرك مافـيـه خـيـر
دور بقلبي وطـن واستعمـره @@ عنـدك مـن الضلـع الأول للأخيـر
عيش فيني ودمر اللي تدمره @@ واعتذرلي وإعتبـر سـرك فـي بيـر
لاتبشرنـي ببجـرح وتذخـره @@ ولا تعشمنـي بحـزن وتستخـيـر
ولاتنومنـي بليـل وتسـهـره @@ ولا تـنـام إلا وجفـنـي سهـيـر
خلني مثـل النجـوم امبعثـره @@ عيـش فينـي لاشهيـق ولا زفيـر
لاتقول العفو عند المقـدره @@ خـل قلبـك صلـب وحسابـك عسيـر
المسامح والزعـل للمبـزره @@ ولا انـا لانـي زعلـول ولا صغيـر
ودي اداري كيف للحزن إثمره @@ ودي اقطـف مـن قساوتـك العبيـر
ودي اجفل من افراقك واحذره @@ ودي اعرف لـو فقدتـك وش يصيـر
لو تقدر خاطري صدق.. إكسره @@ لـو صحيـح تحبنـي.. لاتستشيـر
إزرع بقلبـي سبـب يستنفـره @@ إثبـت إنـك غيـر والنـاس غيـر
شاعرك ماكل بنت تجرجـره @@ حـارت بـه عقـول نـاسِ ماتحيـر
النسا ماحركن فيـه إشعـره @@ ثـار عشـقِ ومالقـي شـيِ يثيـر
إن سكـت كـن الوقـار فمنبـره @@ وان تكلـم زمهريـر بزمهريـر
مايحضـر إلا قلـوب مجمهـره @@ ومايغيـب إلا وعشاقـه كثـيـر
إن هجرته تستقـر بمحجـره @@ وان تبعـت ارضـاه ماعينـت خيـر
اسكنـه لاكـن بعـد ماتهجـره @@ إبتسملـه بـس لاشفتـه كسيـر
حن لاكن حن لاجبـت إخبـره @@ حـب لاكـن خـل حبـك بالأخيـر
لو عطيته وجهك اعطاك إظهره @@ صد عنـه ويتبعـك مثـل الضريـر
لاتحاول تكسبه ماتخسـره @@ صيـر ثلـج يصيرلـك مثـل السعيـر
ماتميـل إلا الغصـون المثمـره @@ ومايسيـل إلا الجـرح الغـزيـر
من قبـل لاتنقهـر منـه إقهـره @@ قبـل لايستحقـرك خلـك حقيـر
انثره ولملمه ولملمه وانثره @@ صد.. كابر.. طيـر لـو تقـدر تطيـر
من متى وانا اتحرالـي مـره @@ تثبـت انـي لاوقعـت اوقـع كبيـر
ابك انا مقطوع من غصن إشجره @@ لاصديق.. ولارفيـق ولا عشيـر
إبدوي شيب الصبر إشعـره @@ ماعـرف ريـش الحمـام ولا الحريـر
إن غفا كن السحاب يدثره @@ وإن صحى يفرش من الرمضـا حصيـر
ماخذِ من قسوة البيد اكثره @@ ومـن شمـوخ البـدو شـيِ مستطيـر
جنته صحراء والشوك إزهـره @@ والسـراب بنظرتـه مثـل الغديـر
إن فزع يامشجعه يا مظفره @@ مـن خلقـه الله وهـو قـرم وفقيـر
كان ماتقدره قول مـا اقـدره @@ صيـر غالـي صـدق ولا لاتصيـر
الغلا إللـي ماتزعزعـه اهجـره @@ كـان قلبـك لايجـار ولا يجيـر
شوفلك رجل بليـد واستحقـره @@ واجـد إللـي يعشقـون بلاضميـر
بس انا لو جبتلي ميت مره @@ ماتحرك فيني إشعره لو تطير
العرض العادي
