انــا كـل ماذعــــذع نـسـيــم الــهــواء فــزيـت=تـجـيـني عـطـور الـلـــي مـن الــعـام ذابحـني
براد الـهـواء يـصـبح بوسط الحـشـى كبريـت=تـقـول الـهـبـوب بواهـــج الـقـيـظ يـلـفـحـني
واذا طاف بي طايف صخيف الحشى ونيت=واخـفــي هـجــوسـي لا تـزايــد وتـفـضــحــني
اذا جيت راس الرجـم من ضـيـقـتـي نـاديت=اخـاف الـهـمـوم بـنــقــرة الـقــبــر تـطــرحـني
سبـب مـن رمـى قـلـبـي بـفـرقـاه مثـل الميت=مـع انــي طـلـبـتـه قـبــل هـجــره يـصــارحني
واذا كـنـت بـعـهـودي بحـبل الـغرام اخطيت=يجـيــني وفــي غـلـطـــات طـبــعـــي يـفـاتحـني
وانـا ذقـت غـلـطـاتـه بدرب الهوى واغضيت=سـمـحـت الـخـطاء وش يـمـنـعه لا يسامحني
الاحـبـاب يـلـزمـهـم بـوقـت الـغـلـط تـفـويـت=ايـا طيب من شاف الخـطــاء ثـم صافـحـني
ولـو قـلـت عــذرك لـلـغــلا فــارق الـتــوقـيـت=الاعــذار مـن زيــن الـمـجــــاديــل تـفــرحـني
وانـا عـادتــي لاشـان هـرج الـعــرب شــديـت=واخـلـي وجـيــه(ن)بـالـشـمـاتـه تـشـرشـحـني
مـنـامـي تـحـت ثـلــج الـعــقـــارب بـلا جـاكيـت=بـعـيــد(ن)عــن عـيــون الـحـواسـد يـريحـني
وانا لو وطيت الـجـمـر بـالـرجـل ما شـاكـيت=وامــازح رجــال(ن)بـالـســوالــف تـمــازحـني
تـعـودت شـرب الـزاج والـصــبــر والـحـلـتـيـت=وهـبـوب الـعواصف لو زجـر مايـزحـزحـني
ولا يـخـدعــن قــول الـعـــرب يـارفـيـع الصيت=والامداح ماتـلـعــب بـعـقــلـــي وتـشـكـحــني
اشـوف الـعـــواجـــه بـالــــقــرايــب ولا بـالــيــت=واراجـي نـصـيـب(ن)دايــم الـدوم كاسـحـني
واذا كـنـت يالـغــالــي بــدرب الـهـــوى مـلـيـت=مـع انـك بـوقــت(ن)راح يـازيــن تـمــدحـني
ايـا كـثــر مـاضــاقــت دروبــك وانــا حــامـيـت=وطـبـيـت بدروب(ن)على السجن تسدحني
وايـا كـثــر ما خـضـت الـشــدايــد ولا داريــت=ولا طـعــت نـاس(ن)عـنــك يازيـن تنصحني
يـجــي يـوم تـــنـــدم يـالـــغـــلا بـالـــذي ســويــت=ولا يـنـفــعـــك دامــك مـن الـفــكـر ماسـحني
اذا ضـقــت بـهــمـــومــك تـــنــــادي ولا نــابـيـــت=تـمـــنـــى خـســـارة كـــل ربــعــــك وتــربـحـــنــي
سلـوم الـهــوى مـاهــي جـمــالــه ولا تـصــويـت=وخـلـك عـلــى لـحـنـك وانا عـازف(ن)لحـني
قـــعــودي خــلاوي كـلـمــا رحــت والا جـــيـــت=ولا خـفــرة(ن)تـلــغــــي وجــودي وتجـرحـني
العضو الأكثر نشاطاً هذا اليوم 
العرض العادي
