يمه غدرني الشيب قبل أفرح

.






[poem=font="AdvertisingBold,4,black,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]

يمه غدرني الشيب قبل أفرح بشيٍ مشتهيه=أثري نحرت البحر وانا كنت اخاف من البلل

يمه ترى حتى العسل ناسٍ تعرفه ماتبيـه=والا ترى الله مطريٍ في سورة النحل العسل

يمه ترى لوكل رجالٍ جاء مثل جدّه وابيه=ان كان صاروا كل خلق الله نبيين ورسل

كم كنت القح نخل جدّي رحمةالمولى عليه=وان قلت برد يقول "عمر البرد مالقّح نخل"

وكم قلت فاسي ثلّمه جذع الأثل وازريت فيه=والبيد سيل من الجفاف وشلون ابحطب لك أثل

والبير ياجدي حِثل والحِثل ماحدٍ يرتويه=وشلون ابرمي الدلو في بيرٍ وصافيها حِثل

ويقول"مزن الغيب يذبحه الظما من يحتريه=لابد مانشرب هماجٍ لين نلقى له بدل

ولّم حطبك وماك واللي كتب له رزقٍ يجيه=ودنياك داريها قبل مايسبق السيف العذل "

طفولتي كانت رجوله مابها افراحٍ وتيه=في داخلي حتى البراءه عاشت رجولة طفل

طفولتي همّ وشقى يمّه ولا قد قلت ليه=حتى مراجيح الطفوله كانت شداد وجمل‍

أكبر ويبقى الهمّ فيني مثل ضيفٍ بالوجيه=أهجّ من رمضا الضياع لمربعانية ملل

يمّه ومن حظّه مثل حظّي ردي لا تعذليه=لو ساقته فوضى الزمن لديار عاقلها خبل

حاولت من عاري الزمان اخذ سمل ثوب ارتديه=واثري مثل من حاول بياخذ من الحافي نعل

أحلى شبابي وانتهى في غربتي قبل ابتديه=ما لولشت له بنت بدو اتمشط اطراف الزعل

رجعت مثل اللي طلب ثار ولده من عند اخيه=شديت بالقعدان حملي يوم ضيعت الزمل

يمه وكلٍ قال ما لأمه مثيل ولاشبيه=واللي خلق كلّ النساء مالك شبيه ولا مثل

يمه دخيل تراب ماطا رجلك الدمع احبسيه=هالكون كله مايساوي دمع عينك لانهمل

يمه فرح والا حزن دمع الغلا لاتسفحيه=تبقى دموعك غاليه لوكان سبتها بصل

ولاّ انا حظي كذا مافرح بشيٍ مشتهيه=يمه مادام اني غرقت وشلون اخاف من البلل



[/poem]







.

[glow1=FFFF00]حد السيف

الله يسلمك ع النقل الرائع

دمت في حفظ الرحمن[/glow1]

قصيده غايه با الروعه

اشكرك عليها ,,, حد السيف ,,,

الله يعطيك العافيه ... تحياتي لك

صح لسانك وعلا شانك حد السيف ابدعت والله
بالتوفيق
وربنا يعافيك

سلمت وسلم لسانك وصح فكرك اخي حد السيف
قصيده مميزه
وقويه
قواك الله

حد السيف
اختيار موفق
الله يسلمك ع النقل الرائع

ياهلا حد السسيف
وهلا بنقلك واختياراتك الطيبه المميزه دوما وابدا
شكرياتي
يدوم نبضك وقلمك

حد السيف ...
الله يعطيك العافيه ..
أختيار رائع ..
تقديري لكـ.

[align=center]هلا وغلا

أخووويه حد السيف

يعطيك العافيه كلمات في قمة الروعه

يحفظك ربي من كل شر[/align]

حد السيف

يسلم نقلك ومنقولك

احترااامي

طفولتي كانت رجولـه مابهـا افـراحٍ وتيـه
في داخلي حتى البراءه عاشت رجولـة طفـل
طفولتي همّ وشقى يمّـه ولا قـد قلـت ليـه
حتى مراجيح الطفولـه كانـت شـداد وجمـل‍
أكبر ويبقى الهمّ فيني مثـل ضيـفٍ بالوجيـه
أهجّ من رمضـا الضيـاع لمربعانيـة ملـل

قصيده قمه قمه في الروعـــــــه
تسلـــــــــم يمناك على
هالنقل المميـــــــــــز


.,