تصدقون اهلي طلعوا موب اهلي ...@@.. < مشكله يوم يكبر الإنسان ثمن ينصدم بجداار الجيران

هذا الله مير يسلمكم

كنت اطعس في النت بــ سيكلي ومجننه الدوريه ورااي < لاا يكثر يهاطك :rolleyes:

من شبكة الزعيم لـ مديم الشباك مروراَ بـ بعد حيى


ثمن فجأه نسمت عجلاات سيكلي

وانا في ذي الاثناان والحزن يخيم على ذاكرتي وضواحيها

الا واشووف ذا الموضوع



وانا الي احلف على الكيبوور الطلااق من الشاشه إني لاا اخليكم تقرووه معي < عاد كله ولاا حلفاني هوع


بس هنااك نصيحه الرجا من من ارااد قراائة الموضوع

لاا يكون معه الأكل وذالك لكي لاا يوجعه بطنه من كثر الضحك

ووبس


""""""""""""
السلام عليكم



تصدقون اهلي طلعوا موب اهلي


هذا الله مير يسلمك ذاك اليوم


وانا جالسه على كنب بيتنا << يعنني عندنا كنب



واجلس اقلب في جريدة الرياض وكل شوي طايحه على الارض


واقرى ذاك الخبر حق الجيزاني الي بدلووه مع تركي ولخطبه


ومير جاني احساس وشعور والهام ومها ومنيره


وجلست افكر وافكر وافكر


وغفيت شوي همن صحيت وكملت تفكير

وقلت لايكون انا بعد مبدله << معد ورى


واروح لاميمتي وهي في المطبخ ولاهيتن تزين مصابيب


انا : يمه يمه يمه يمه


مامي << يقالي كشخه : وجعتين وشو


انا : انا بنتس ؟

اميمتي : لا انتي بنت ام الدحمي جيرانا


ومير ارووح اركض لغرفتي وانا اصيح ودمعي اربع اربع


واستلقى على سريري وامسك دبي




واجلس ابكي وابكي وابكي<< نصابه قصم ماعندي دب بس يقالي مثل هالبنات هع هع هع


لا صدز ومير انقز واجيب شنطتي وحطيت فيها لاب توبي

وقواطي تونه وفقس هع

وانزل و البس عباتي


واكتب رساله وداع لاهلي واعلقها على الباب


(( إلى اهلي النصابين الي قالو اني بنتهم


وانا منيب بنتهم


تراني برووح الى الابد

الى القاء

ابنتكم المخلصه ))




المهم واروح لبيت ام الدحمي

وادقدق الجرس عليهم


واسمع ذاك الصووت الي يوم سمعته يفز قلبي وحسيت فيه حنان امومه << امحق

خيرررررر وجع بلا وجع وشذا الازعاج


ويوم انفتح الباب ومير ارجفه

واجلس اصيح واضم الحرمه الي فتحت لي الباب


يمه يمه اشتقت لتس




وراتس تركتيني وش انا طوووط طوووط <<<<ماتبي تقول اسمها.... بنتكم


ام الدحمي : قصم موب بيدي بس رجلي غصبني << تعيش الجو بصرعه



واجلس اصيح صدز يعني انا بنتس صدز ؟

ام الدحمي : هااو وشو بنته الله يصلح حالتس


اقول طسي بيت اهلتس بس



انا : بس انتي امي


ام الدحمي : من زينتس عشان اصير امتس


انا بحلتن بذا الي عندي تجين تنشبين لي

انا : الله وعندي اخوان بعد <<< يعنني موب مسنتره عن جيرانهم 24 ساعه هع


ام الدحمي : قصم مالي خلقتس


وخري من خشتي خليني اروح اكمل غسيل الحووش


انا : طيب اذا انتي موب امي من امي (( خخخخخخ تعبر ))

ام الدحمي : انتي اصلا امتس خطفتس من ايطاليين



ولا انتي منتب سعوديه


انا : وانا اقووول وراني احس اني اهبل


وفيني زين مهوب في احد << مشكله الثقه


ام الدحمي : اقول صدز صدز شكل ماعندك مرايات في البيت


تلايطي بس << اخلاق سياحيه



ومير ترقع في خشتي الباب واتحطم


واجلس اركض في الشارع اصيح وشعري يتطاير <<< ودي دايم اسويها هع هع



المهم وقلت يابنت مالتس الا اهلتس


وارجع لبيتنا وانقز بدوون ماحد يشووفني


واشقق الرساله << يعنني ما انحشت


وانقز لغرفتي واحط قواطي التونه تحت السرير واخمد


طبعا وبعد اسبوووع من المووضوع


إلى كل الحاره دارين عن سالفتي

وام دحيم ماخلت احد ماقالت له


وكل ما شفت احد قام يضحك علي

لا واثر اميمتي مصوره نسخ من الرساله


وكل من قالت له ام الدحمي السالفه


اميمتي ارسلت له نسخه من الرساله



وصارت سالفتي على كل لسان (( خخخخخخ وما زالت تعبر ))



ما يستفاااد :


1- ترى اهلك هم اهلك لاتفكر تتركهم


2- كل السالفه نصب انا مألفتها من خرابيطي << قولي قصم بس هع

3- لا فكرت ان اهلك مهوب اهلك

لاتروح لام الدحمي وتقول لها انتي امي

[glow1=ff0000]أم مرام


الله يونسك مثل ماونسيتيني ع القصة الظريفه

دمتي في حفظ الرحمن[/glow1]

هههههههههههه

نكته ها البنت خيالها واسع تصلح مؤلفه

.. ام مرام ..
الله يعطيك العافيه ثنكيوووووووو ع الموضوع الفرفوشي الممتع

تحياتي لك

ههههههههههههههههههههههههههههههههههههه

من جد متحمسه مع القصه بس روووووعه

اجل تنصحيني مااسويهااا لامي واقعد على اهلي

يسلموووووووو

ههههههههههههههههههههههههههههههههههههههههه

تقولي انتي ايطالية هاه هههههههههههههههههه يخرجنا

سولافة حلوووهـ الله يسعد قلبك على الفرفشة الحلووة

هههههههههههههههههههههههه حلووووووووووه

يسلموووووام مرام

ام مرام اهم شي رجعتي بسلام
هههههههه
تقديري لك

ام مرام
ربي يسلم قلبك علي الفرفشه
فطست من الضحك
بس لهجت القصه ماني فهمتها زين
يدوب سرت اترجم

تقبلي مروري

الحمدلله و الشكر !!!
أم مرام وأنت تنزلين موضوعتس وش أفطرتي حبيّبة ؟؟؟
هوع هوع على قولتس
مشكورة يونستس ربي
تحياتي لك
فاصلة بيضاء

ههههههههههههههههههههههه
ههههههههههههههههههه
انا بس عندي سوال :
بالله وشلون شكلك تركضين بالشارع << من قال اني ابي اسويها ^^

الله يسعد قلبك عالفرفشه ^^

دمتِ ..

شكرأ على مرور الجميع
لاتصدقون هذي مهي انا
هذي وحده في










































































































صورته في خيالي خخخخ

ههههههههههههههههههههههه العنوان لحاله يضحك

بصراحة قصة حلوة كثيرر

واسلوبها خطيرررر

الله يعطيك الف عافية ام مرام

تقبلي تحيتي ..

هههههههههههههههه
شككتيني بنسبي يابنت>>>>راحت تتأكد مين امها