قصيده للشاعر/مطلق النومسي

[في سكون الليل واصوات الرعود وسع بالي ///جالسن بالمجلس اللي عطرته الشاذليه
جالسن والفكر داله لاجـــنوب ولاشمـــــــــالي///مختلي واقراء حكايات العصور الاوليه
واتكيف لابغـــيت الكــيـف مـن صفــر الدلالــي///واتـخير ما عجبني من عذوق السكريه
ليل غيث وليل خير وليــل مركــوز الخيـــالــــي ///عقربيه تنتهي واليا انتهت جات عقربيه
وبعد ما كف المــطـر شاهــدت لي نورن يلالي///فرق اطراف المزون وطارت العين الشقيه
واقترب مني وانا راعيه واجـــــــود عقالــــي///ومن خبالي يوم قرب اعتــــزي بالوايـــليه
هي شجاعه هي رخامه ما قدرت اقراء سؤالي///المهم اني اشوف الموت اقرب من يديه
قال بسم الله عليك وهد روووعك ياحـــلالــي////ما قصدتك بالهلاك ولا نويتك بالاذيه
حاول انك تفتكرني واذكر العهد المثـــالــي //// حول ست سنين يمكن او بعد اكثر شويه
يوم ترسلني لخــلك يوم انا مرك لحــالي //// يوم انا اطلبك وصله وانت زعلانن عليه
يمكن ان البعد غير شي في شكلي وحالي ////لكن النجم الذي وصيته باغلى وصيه
وقمت احد الشوف عنك وطاب فكري واستوالي///وصحت باعلى الصوت ارحب ياهلا يالله حيه
كيف حالك ياعساك بخير يانجم الليالي /// افزع وخذ لك من الفنجال مزات هنيه
وعطني علومك عسى وصلت غالي عند غالي //// طالبك يانجم قلي كيف حال الغشمريه
هي تبي قربي وان البعد فووق الحتمالي /// او مثل ماهي على خبري لصحبتنا وفيه
قال ابشرك بسلامه بين عم وبين خالي //// ولاتبي غير انت من بد الصنوف الادميه
وتنشد الايام عنك ومخطرن فيها الهبالي/// وصورتك معها وتبكي في الصباح وفي المسيه
وتحلف انك غير ترجع كل ماهل الهلالي //// وان حبك ممتلكها دامها في الارض حيه
وضحكها كان ضحكت مصدره الايام الخوالي/// يوم تضحك قدم وجهك ضحكت الطفل البريه
واذكر اني قبل اجيك وقبل لاشد الرحالي/// امسكتني واشهقت شهقه من الداخل قويه
قالت ارفق في حبيبي عل مال النجم والي/// طالبك ارفق عليه ولا تحده للخطيه
قال انا بعلمك بالعلم واعرض عن جدالي//// زوجهوها غضب واغرى عمها زود العطيه
بس تكفى لا تكمل وش بقى لي وش بقى لي /// ليتني قدام ما اسمع هالخبر ذقت المنيه]

يسلم الشاعر
ويسلم نقلك الطيب
طاب يومك

نقل طيب من شاعر طيب
احنست على مانقلت

يعطيك العافيه
على النقل

وتم نقلها لقسم المنقول

صح قلبك ولسان النومسي

تقديرى

يعطيك العافيه
على النقل لشاعر مبدع بما قال