مَيـٌ ـحَ

.






[poem=font="simplified arabic,5,black,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
معقولة .. اغيّر عقول الخلق .. واقنعهـا ؟=ماهو معقـول .. ياللـي قـال .. معقولـه
ياخـي .. انـا يالله بنفـسـي اطوّعـهـا=مالي على الخلـق لا حكـم ٍ .. ولا طولـه
يالأجـودي لـو بنفسـك شـيّ موجعـهـا=هالوقت غيّـر كثيـر نفـوس .. بسهولـه
نفس ٍ ذليله .. تشـوف المـال .. يرفعهـا=ونفس ٍعزيزه .. تركهـا الفقـر .. مذلولـه
ورجل ٍ يجيها اللحّـاف .. بطقّـة اصبعهـا=ياللـي يمـدّد بـقـدّ لحـافـه رجـولـه
اثبت لك إنّـا مـع انفسنـا .. نخادعهـا ؟=وانّا نعيش الهزيمـه .. كنّهـا .. بطولـه ؟
نقـول دنيـاك لـو ماطاعتـك .. طعـهـا=وهي عمرهـا ماتطيـع الحـيّ .. بميولـه
وبإسم الرجولـه عقـب مالوقـت شيّعهـا=قمنـا نكابـر بوقـتٍ .. مابـه .. رجولـه
واحلامنـا كذبـةٍ عشنـا عشـان نرقّعهـا=ونضحك على بعضنـا بأحـلام .. مقتولـه
بيديـن مشلولـه .. نبـي نبنـي مرابعهـا=بالله .. من قـد بنـى بيديـن مشلولـه !!
والنيّـه الطيّبـه مـن طـيـب منبعـهـا=وكلّ على قـدر طيبـه .. يسـرج خيولـه
مثـل القصيـده يدلّـك طـيـب مطلعـهـا=عنهـا .. وتبقـى بكـل لسـان مقيـولـه
مانـي مهبـول يعشـق بـنـت ضيّعـهـا=ولا سالفـة عـاقـلٍ هـايـم بمهبـولـه
السالفـه كـان ودّك تـعـرف اسمعـهـا=ياللـي تلـوم قصيـدي اسـمـع لقـولـه
زرعـت وردة .. وليتنـي قبـل ماأزرعهـا=في روض مشتل نشدت الروض من هو له ؟
ويوم ازهرت شفت راعي الـروض يقلعهـا=قـدّام عينـي وانـا بيديـن .. مغلـولـه
وقّفـت .. مذهـول وعيونـي مدامعـهـا=تشهق بدمـع ٍ وقـف .. بعيـون مذهولـه
وأصوّت .. ياعمّ .. تكفا .. بـس اطالعهـا=وأشحذ وجيه العرب واقـول : قولـوا لـه
عيـن ٍ تجـوع السهـر عشـان تشبعهـا=ياتنعمـي .. وإلا تخلّـي النفـس معلولـه
قالـوا تبيهـا نصيحـه .. بندقـك بعـهـا=ماهـي صـوب الجفـول ولا هـي حولـه
وامسيت .. وانا اطفي الشمعه .. وأولعهـا=في حروة الفجر ميـر الليـل .. ياطولـه
إن لمت عين ٍ .. بكتهـا الثانيـه معهـا=وإن جيت ابانسى .. ولاهو شيّ ياهولـه
من عقبها النفس طاري الـورد .. يفجعهـا=وألعن ابو الورد .. كلّه .. واعشـق ذبولـه
وآخر سؤال ٍ .. حـرم هالعيـن مضجعهـا=وأقفت .. تشـوف الحقيقـه شبـه مجولـه
ياخي .. اكفّـر ذنوبـي .. يمكـن ابلعهـا=لكن اكفّـر ذنـوب الخلـق .. معقولـه !!
[/poem]






.

أنت دائما راقي فيما تطرح من كلمه او جمله
ذوق ذوق ذوق انتقائك

تقبل مروري

نقل رائع ويستحق الخمس نجوم


تسلم على هالنقل الرائع الراقي

قصيده رائعه
تسلم ايدك اخوي على نقلها وصح لسان قايلها

[align=left]روgعــﮧ يـ ع ـطيـڪ العافيه ..

صح لسان ناقلها و ڪـاتبها ..

لا خلا و لا عدمـ ..[/align]

إن لمت عيـن ٍ .. بكتهـا الثانيـه معهـا
وإن جيت ابانسى .. ولاهو شـيّ ياهولـه
من عقبها النفس طاري الـورد .. يفجعهـا
وألعن ابو الورد .. كلّه .. واعشق ذبولـه
وآخر سؤال ٍ .. حـرم هالعيـن مضجعهـا
وأقفت .. تشوف الحقيقـه شبـه مجولـه
ياخي .. اكفّـر ذنوبـي .. يمكـن ابلعهـا
لكن اكفّـر ذنـوب الخلـق .. معقولـه !!

نقل مميز وشاعر مميز
شكرا لك حد السيف

نقلت وابدعت سلمت وسلم الله قلبك
لحسن انتقائك

حد السيف

الله يعافيك ع النقل المميز

تقديري لكـ.