قصيده نادره لشاعر محمد عبدالله العسيلي رحمه الله
ياللي تعاتبني وتكثر شكاويك
بالله تسكت لا تحرك اشجوني
انته تعاتبني وانا اقول لبيك
من خوف حساد العرب يفرحوني
يا صاحبي يوم اني اقفي ولا اجيك
اخاف من ناس عليك حسدوني
من اللي عرض لك يا حبيبي وانا ابيك
عسى تعرض له مرود الجنوني
قلبي على سر المحبه يناجيك
وش لون ابا صبر مالصبري حتوني
لا تحسب اني يوم جنبت جافيك
جفاي من ناس جفوك وجفوني
لو انت ناسيني فلاني بناسيك
ترقد وانا باليل تسهر عيوني
يا صاحبي والله ما ابيعك ولا هديك
لا والذي خلى العرب يألفوني
يفز قلبي كل ما وحيت طاريك
وأهل العلوم العوج ما غيروني
اللي حكوا لك يا حبيبي حكو فيك
مع ظلمهم لك يالحبيب ظلموني
لكن لا صارت تغير طواريك
مالي ومالك يا كثير الظنوني
لا صرت تسمع حكيهم من يصافيك
تكشف خفا للناس ما يستروني
حرام تغضبني وانا قبل اراضيك
الغش ما يرضاه من له عيوني
والله لونك تملك الروح بيديك
ما خلي النفس الشريفه تهوني
انهج وانا باروح والهرج يكفيك
وناس حكوا لك خلهم ينفعوني
من اول حفظت العهد كله غلا فيك
واليوم عقب العهد خلك تهوني
بقت العهد وارجي من الله يجازيك
وجزاك مني بالجفا والغبوني
|