السلام عليكم ورحمة الله وبركاته
قصة حزينة بينها شاب تأثر جدا على فراق امه من خلال ابيات شعرية....حبيت انقلها
هنا حتى نتعظ منها ونحافظ على هذه النعمة الالهية التي لا نعرفها ونعرف حقيقتها
وقيمتها الا بعد فقدها....
فرحمة الله على جميع الامهات المواليات اللاتي ارضعن اولادهن حب الوصي
والله يحفظ من بقي منهن ..
شاب متهور تعرض إلى حادث وكان معه أمه فتوفيت وبقي هو علي قيد الحياه وكتب القصيده هذي:
يواسيني وانا الميت وحالـي يجبـر الدمعـات
تسيل من الذي فيني ويبكي وهـو يواسينـي
وانا ابكي واتنهـد وارسـم بالحـزن لوحـات
يجبروني عشان امشـي ورجلـي مـا تمشينـي
قتلت رعايتي بيدي قتلت الحـب والرحمـات
حرمت النفس من حقها وانا ابكيها وتبكينـي
وكنه حلم قدامـي يقيدنـي مـن الصرخـات
ابي اصحى ولكني عجزت القـى ال يصحينـي
فداك القلب يايمه ومهما قلـت مـن كلمـات
صغيره في كبر حقك بس اتمنـى تعذرينـي
نهبت الفرح من بيتي صحيح اني خسيس الذات
صحيح اني ولد طايش وكل مـا أسمعـه فينـي
تجول عيونهـم فينـي تفصـل منـي قياسـات
وتشيح وجوههم عني وكنـي غيـرت دينـي
يظنوا حزنهم اكبر وهـم اصحـاب هالمأسـاة
وانا اتحدى اذا فيهم ربع مـا يحتـرق فينـي
نقص قدري بعد موتك وغابت نشوة اللـذات
وصـار الهـم عكـازي اباكيـه ويباكيـنـي
عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفينـي
يايمه ارجعي كافي ابجلس معـك لـو لحظـات
واقبل ايدك ورجلك وافرش لك رمش عينـي
يايمه ما تحملهم يقولـوا فـات مـا قـد مـات
تعالي غيري هالقول واطيعـك باقـي سنينـي
واترك عادة التدخين وانفذ ما تبي بسكـات
واصلي الفجر في المسجد قبل منتـي تصحينـي
يايمه ارجعي تكفين وطفـي شمعـة الآهـات
ابيك انتي ولا غيـرك علـى موتـك تعزينـي
وضميني وداويني مثل مـا كانـت الهقـوات
ما ابي احدن يواسيني ابيك انتـي تواسينـي
دخيلك بس لا تبكي اذا شفتي بي الدمعـات
انـا مقـوى ابكيـك اذا انـتـي تبكيـنـي
لقد تألمت عند قراءتها ونقلتها لهدف الاهتمام بالام ومراعاتها
فهي شمعة تحترق لتسعد من حولها فهي تستحق منا البر بها واسعادها
والبحث عن راحتها لتعيش باقي عمرها سعيدة
العرض العادي
